ახალი წამლის საშუალებით მენინგიტი მომაკვდინებელი დაავადება აღარ იქნება
ზრდასრული ადამიანების დაახლოებით 10%-ის ცხვირის ღრუში ბაქტერია Neisseria meningitides ბინადრობს. ის მენინგოკოკური მენინგიტის პროვოცირებას ახდენს. თუმცა, ზოგჯერ ეს ბაქტერია აღწევს სისხლის მიმოქცევაში და იწვევს არა მარტო მენინგიტს, არამედ სეფსისსაც. მენინგიტის სიმპტომების გამოვლენიდან ოთხი საათის შემდეგ ბაქტერიას სიკვდილის გამოწვევა შეუძლია.
საუტგემპტონის უნივერსიტეტმა ეს პრობლემა გადაჭრა. მეცნიერებმა ცხვირის ღრუში მობინადრე უვნებელ ბაქტერიაში განსაკუთრებული გენი ჩანერგეს. იდეა იმაში მდგომარეობს, რომ შეცვლილი ბაქტერია Neisseria meningitides-ის წინააღმდეგ ფარის როლს შეასრულებს. ექსპერტებმა უკვე დაამტკიცეს, რომ Neisseria meningitides-ის მონათესავე ბაქტერია Neisseria lactamica (Nlac), ცხვირის ღრუში რამდენიმე თვე შეიძლება ცოცხლობდეს ისე, რომ პრობლემას არ ქმნიდეს და გამოირიცხოს Neisseria meningitides ბაქტერიით დასნებოვნება. მეცნიერებმა, გენური მოდიფიკაციის საშუალებით გააძლიერეს Nlac. ბაქტერია უკეთესად მაგრდება ცხვირში და იწვევს უფრო მძლავრ იმუნურ პასუხს.
ლალი ჩხიკვაძე