როტავირუსული ინფექცია სიმპტომები და პროფილაქტიკა - მკურნალი.გე

რუბრიკები

ოჯახის მკურნალის ანონსი

მაისი 2020

კითხვა-პასუხი

როტავირუსული ინფექცია სიმპტომები და პროფილაქტიკა

როტავირუსული ინფექცია სიმპტომები და პროფილაქტიკა
რას წარმოადგენს როტავირუსი
როტავირუსი რამდენიმე ტიპისაა. არსებითად, ეს არის ვირუსების ჯგუფი, რომლებიც უმეტესად 6 თვიდან 2 წლამდე ასაკის ბავშვებთან იწვევს ნაწლავურ აშლილობას. ვირუსი აზიანებს არა მარტო ბავშვებს, არამედ მოზრდილებსაც, რომლებთანაც ავადმყოფობა, ჩვეულებრივ, წაშლილი სიმპტომებით, მსუბუქად მიმდინარეობს. როტავირუსით გამოწვეული დაავადება გადამდებია. იგი გადაედება ინფიცირებული საკვებით (ყველაზე ხშირად - რძის ნაწარმით), კონტაქტურ-საყოფაცხოვრებო გზით (ჭუჭყიანი ხელებით), არსებობს ცნობები როტავირუსული ინფექციის ჰაერწვეთოვანი გზით (ხველითა და ცემინებით) გავრცელების შესახებაც. როტავირუსული ინფექციით ავადობა სეზონურია - უმთავრესად ნოემბრიდან აპრილამდე აღირიცხება.


როტავირუსული ინფექციის სიმპტომები
დაავადების მიმდინარეობაში გამოყოფენ სამ
პერიოდს:

  • საინკუბაციოს, რომელიც 5 დღემდე გრძელდება;
  • მწვავეს - 3-7 დღე;
  • აღდგენითს - 4-5 დღე.

დაავადების დასაწყისი, ჩვეულებრივ, მწვავეა. ახასიათებს ტემპერატურის მკვეთრი მომატება, მრავალჯერადი ღებინება, მუცლის შეტევითი ტკივილი და ბუყბუყი. მოსალოდნელია დიარეაც. განავლის ხასიათი როტავირუსული ინფექციის დაიგნოსტირებაში გვ­ეხმარება. დაავადების პირველ დღეს განავალი თხევადია, ყვითელი, მომდევნო დღეებში იღებს თიხისებრ
კონსისტენციას და მორუხო-მოყავისფრო ფერს. გარდა ნაწლავური სიმპტომებისა, ავადმყოფი უჩივის სურდოს, ყელის ფხაჭნისა და ტკივილის შეგრძნებას, ხველას. ეს სიმპტომები უფრო მეტად ბავშვებისთვის არის დამახასიათებელი. მოზრდილებთან შეინიშნება მადის დაქვეითება, თხევადი განავალი, ტემპერატურის ხანმოკლე მომატება. ზოგჯერ ინფექცია უსიმპტომოდაც მიმდინარეობს. როტავირუსული ინფექციის სიმპტომები ძალიან ჰგავს ზოგი სხვა ინფექციური დაავადების (სალმონელოზის, ქოლერას) სიმპტომებს, ამიტომ მათი გამოვლენისას, განსაკუთრებით მაშინ, როდესაც საქმე ეხება პატარა ბავშვს, აუცილებლად უნდა მივმართოთ ექიმს. არავითარ შემთხვევაში არ უნდა მივცეთ ბავშვს ტკივილგამაყუჩებელი საშუალება ექიმთან შეუთანხმებლად, რადგან ამან შესაძლოა დაავადების შენიღბვა გამოიწვიოს.

როგორ მკურნალობენ
წამალი, რომლის მოქმედებაც უშუალოდ როტავირუსის წინააღმდეგ იქნება მიმართული, არ არსებობს. სამკურნალო ღონისძიებები მიზნად ისახავს დაავადების სიმპტომების აღმოფხვრას. თუ ავადმყოფს მადა არ აქვს, ჭამას ნუ დააძალებთ. საკვები, უმჯობესია, მცირე ულუფებად მიაწოდოთ, რათა პროვოცირება არ გაუწიოთ ღებინებას. რძის პროდუქტები იკრძალება, რადგან საუკეთესო გარემოს ქმნის დაავადების გამომწვევი ვირუსის გასამრავლებლად. ორგანიზმის გაუწყლოების თავიდან ასაცილებლად აუცილებელია რეჰიდრატაციული თერაპია. რეკომენდებულია წყლის სმა. კარგია მარილოვანი ხსნარების მიღებაც - 50 მლ-ისა ნახევარ საათში ერთხელ. სორბენტები (გააქტიურებული ნახშირი, სმექტა და სხვა) აუცილებელია ნაწლავებიდან ტოქსინების გამოსაძევებლად. თანდართული ბაქტერიული ინფექციის პროფილაქტიკისთვის შეიძლება დაინიშნოს დიარეის საწინააღმდეგო საშუალებები, საჭმლის მონელების დარღვევის კორექციისთვის - ფერმენტული პრეპარატები. მადის მომატების შემთხვევაში ნიშნავენ მიკროფლორის აღმდგენ საშუალებებს.

როტავირუსული ინფექციის პროფილაქტიკა
სპეციფიკური პროფილაქტიკისთვის შემუშავებულია ორი ვაქცინა, რომლებიც დასუსტებულ ვირუსს შეიცავს. არასპეციფიკური პოფილაქტიკა გულისხმობს პირადი ჰიგიენის წესების დაცვას (ხელების ხშირ ბანას საპნით, განსაკუთრებით - საპირფარეშოდან გამოსვლის შემდეგ და ჭამის წინ), აგრეთვე - საკვებისა და წყლის სათანადო დამუშავებას. ხილი და ბოსტნეული კარგად უნდა გავრეცხოთ, ხოლო ეპიდემიის პერიოდში გადავავლოთ მდუღარე წყალი. ვსვათ გადადუღებული წყალი. განსაკუთრებული ყურადღება უნდა მივაქციოთ რძის ნაწარმის ხარისხს. საეჭვო წარმომავლობისა და ვადაგასული პროდუქტების მიღება არ შეიძლება.

გააკეთეთ კომენტარი
კომენტარი არ გაკეთებულა
დიეტოლოგია
თაფლი სრულფასოვანი სუპერპროდუქტია. ის გულის დაავადებებისა და კიბოს საპროფილაქტიკო საშუალებაა.
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
ისრაელის იმუნოლოგი, ხადასის საავადმყოფოს განყოფილების უფროსი, პროფესორი იაკობ ბერკუნი შიშობს, რომ COVID-19-ის საწინააღმდეგო
კომპანიები Boeing და Airbus სწავლობენ, როგორ შეიძლება გავრცელდეს კორონავირუსი თვითმფრინავის ბორტზე
6-ადგილიანი მინივენით 4, ხოლო 44-ადგილიანი ავტობუსით 22 ტურისტის გადაადგილებაა დასაშვები.
ჩინელმა მეცნიერებმა შეძლეს ცოცხალი შAღშ-ჩოV-2-ის გამოყოფა პაციენტის ფეკალური მასებიდან. მათი აზრით,
როგორც სინგაპურის ინფექციური დაავადებების ნაციონალური ცენტრისა და მეცნიერებათა აკადემიის თანამშრომლები აცხადებენ,
როგორ შეძლო იაპონიამ, რომელსაც არ დაუწესებია მკაცრი შეზღუდვები, არ ჩაუტარებია
თუ თქვენ დღის მანძილზე არ გაქვთ დრო ვარჯიშისთვის, მაშინ ძილის წინ ვარჯიშები დაგეხმარებათ
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად