თუ მაქვს ტემპერატურა 37 გრადუსი და ყელში მოჭერის შეგრძნება, შეიძლება კორონავირუსული ინფექცია მქონდეს? - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

თუ მაქვს ტემპერატურა 37 გრადუსი და ყელში მოჭერის შეგრძნება, შეიძლება კორონავირუსული ინფექცია მქონდეს?

თუ მაქვს ტემპერატურა 37 გრადუსი და ყელში მოჭერის შეგრძნება, შეიძლება კორონავირუსული ინფექცია მქონდეს?
მკურნალი.გე-ს ძალიან ბევრი ადამიანი სწერს შეკითხვებს და ჩვენთვის ყოველთვის ცნობილია
საზოგადოებაში სამედიცინო კუთხით გამოკვეთილი ზოგადი პრობლემების შესახებ. მას შემდეგ, რაც პანდემია გამოცხადდა და კორონავირუსის შიშმა ადამიანები პანიკაში ჩააგდო, ძალიან ბევრი გვთხოვს განმარტებას ერთსა და იმავე მდგომარეობაზე: "ვიზომავ ყოველდღე ტემპერატურას და მაქვს 37-37,2 გრადუსის ფარგლებში, ამასთან ერთად ყელის არეში მაქვს მოჭერის შეგრძნება, თითქოს ყელი მტკივა, ზოგჯერ მშრალადაც მახველებს. სხვა არაფერი მაწუხებს".

ზოგიერთს ამ სიმპტომებთან ერთად აქვს აჩქარებული გულისცემა, მცირედ მომატებული არტერიული წნევა. ყველა სვამს კითვას - ხომ არ მექნება კორონავირუსი? მივიდე თუ
არა ექიმთან? გავიკეთო თუ არა ტესტი და ა.შ.

შეკითხვას პასუხობს "მკურნალის" მთავარი რედაქტორი თამარ მამაცაშვილი:

გვინდა ყველასთვის გავაკეთოთ განმარტება:

მეგობრებო, საქართველოში არ არის ისეთი ეპიდსიტუაცია, რომ ნებისმიერ ადამიანს შეიძლება აღმოაჩნდეს კორონავირუსი. ეს ვირუსი, როგორც ვიცით, არის ახალი, შემოტანილია უცხოეთიდან და ჩვენში ჯერჯერობით არ გავრცელებულა ისე,
რომ არ ვიცოდეთ, ვინ საიდან დასნებოვნდა. ანუ ყველა დაავადებულის ინფიცირების წყარო არის ან უცხოეთში ვიზიტი, ან უცხოეთიდან ჩამოსულ ადამინებთან კონტაქტი. თუკი თქვენ არ გქონიათ ასეთ ადამიანებთან კონტაქტი, თუ ზიხართ სახლში და არ გაქვთ შემთხვევითი კონტაქტები, შეუძლებელია, რომ თქვენი სიმპტომების მიზეზი იყოს კორონავირუსი.

გირჩევთ დამშვიდდეთ, მიიღოთ მსუბუქი დამამშვიდებელი საშუალებები,  მიიღოთ თბილი სითხეები, გააცნობიეროთ, რომ ეს ვირუსი არ არის განაჩენი და რომც მოვიდეს თქვენამდე, საქართველოში დღეისთვის დაფიქსირებული ყველა პაციენტის მდგომარეობა, მათ შორის მძიმე შემთხვევებშიც კი, ჩვენი ექიმების წყალობით, გაუმჯობესებისკენ მიდის.

ვიფრთხილოთ, მაგრამ ნუ ვიქნებით პანიკაში! - ეს ჩვენს ჯანმრთელობას მხოლოდ ზიანს მოუტანს! ექიმებთან არასწორი და ცრუ განგაშით მიმართვიანობის ზრდა კი დიდ პრობლემებს შეუქმნის ჯანდაცვის სისტემას.

ექიმს მიმართეთ იმ შემთხვევაში:
თუ გქონდათ ურთიერთობა რისკ-ჯგუფში მყოფ ადამიანებთან.
თუ ტემპერატურა 37,5-ზე მაღალი გიგრძელდებათ 3 დღეზე მეტ ხანს.
თუ გაქვთ მშრალი შემტევი ხასიათის ხველა და გიჭირთ სუნთქვა.

დიახ, ზოგიერთ დიაგნოსტირებულ ადამიანს აქვს კორონავირუსის მსუბუქი ფორმა და მათაც აქვთ დაბალი ტემპერატურა, მაგრამ ისინი, თქვენგან განსხვავებით, იყვნენ ეპიდაფეთქების კერებში ან ამ კერებიდან დაბრუნებულ ადამიანებთნ ჰქონდათ კონტაქტი.

თუ ჩვენთანაც გამოცხადდება გაურკვეველი კერიდან ინფიცირების შემთხვევები, მერე კიდევ შეიძლება მსგავსი ეჭვი გაგვიჩნდეს, მაგრამ მაშინაც ისტერიკა და განგაში მხოლოდ გააფუჭებს საქმეს!

ისე ნუ გავიგებთ, რომ სხვა მიზეზი არ შეიძლება იწვევდეს სუბფებრილურ ტემპერატურას და ზოგადად ამ სიმპტომს ყურადღება არ უნდა მივაქციოთ - ჩვენ ამ შემთხვევაში ვირუსისადმი პანიკურ შიშზე გესუბრებით, რომელიც უსაფუძვლოა.

ვიყოთ მშვიდად! შევასრულოთ ყველა რეკომენდაცია! ყველაფერი კარგად იქნება, მეგობრებო! ძალიან მალე გაივლის ეს საშიშროება და ჩვეულ ცხოვრებას დავუბრუნდებით.

მკურნალი.გე გისურვებთ ჯანმრთელობას და სულიერ სიმშვიდეს!







გააკეთეთ კომენტარი
თარიღი : 28-03-2020
ინგა
ცოტა გაუგებარი სტატიაა... მთავარი სწორედ ის არის , რომ არ ვიცით გვქონდა თუ არა საეჭვო პირთან კონტაქტი (მაგ, უცხოეთიდან ჩამოსული ან სხვა). როცა მაღაზიაში, ან სამარშრუტო ტაქსში სწორედ საეჭვო ადამიანის ხელმოკიდებულ ხურდას დაგიბრუნებენ, როცა რეალურად საერთოდ არანაირი კონტაქტტი არ გქონია ასეთ საეჭვო ადამიანთან, იგივე კონტაქტი არ გამოდის ? როცა ადამიანი თითქმის 12 დღე სახლში გამოკეტილი ვზივარ (და არ ვაპირებ გარეთ გასვლას, რადგან საჭმელი საკამარისი რაოდენობით მომარაგებული მაქვს) და უკვე მიხარია, რომ კორონა ვირუსს გადავურჩი, 12 დღის მერე რომ მეწყება 37,5 ტემპერატურა და ყელში მოჭერის შეგრძნება, და ეს გრძელდება უკვე 3 დღე და მეტი, ეს არ არის კორონა ვირუსის სიმტომები ? ვიღას უნდა ველოდო ? სამწუხაროდ , ასეთი სიცხით ბევრი ზის ეხლა სახლში და ერთიანად მიაწყდება ხალხი საავადმყოფოებს, და ალბათ სამწუხაროდ ამდენი ხალხის ადგილი აღარ იქნება იქ. ... ასე რომ ხალხის ტყუილად დაიმედებას ცდილობთ. სჯობს ხალხმა სიმართლე იცოდეს და დროულად დაიწყონ ყველამ მკურნალობა, ვიდრე ასეთი ფუჭი იმედები....
თარიღი : 27-03-2020
kato
მადლობა შესანიშნავი პასუხისთვის
თარიღი : 27-03-2020
ნ.ნ.
იანვარში მქონდა სიცხე, ყელის ტკივილი, ძლიერი მშრალი ხველა, სუნთქვაც მიჭირდა, შეიძლება ეს ვირუსი იყო? მაშინ ტესტები არ კეთდებოდა.
თარიღი : 27-03-2020
Nino
გამარჯობათ, უკვე 4 დღეა მაქვს 37,5 სიცხე, საღამოს 8 საათის შემდეგ. მაგრამ მაქვს სურდო და ცემინებაც ამიტომ არვარ პანიკაში ვირუსთან დაკავშირებით. წამალს არ ვსვამ არაფერს, რადგანაც მაინტერესებს სიცხე ამიწევს თუ უბრალოდ აგარ მექნება
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
მაქს პლანკის ინსტიტუტის ქიმიკოსებმა ბერლინის თავისუფალი უნივერსიტეტის ვირუსოლოგებთან თანამშრომლობით დაადგინეს,
სტატინები, რომლებიც აქვეითებენ ქოლესტერინის დონეს, COVID-19-ით ჰოსპიტალიზირებული პაციენტების სიკვდილიანობის მაჩვენებლის
დაკლატასვირი და სოფოსბუვირი (С ჰეპატიტის სამკურნალო საშუალება) ეფექტური აღმოჩდნა კორონავირუსის წინააღმდეგ.
კორონავირუსული ინფექციის გადატანის შემდეგ განვითარებული გართულებები შეიძლება განპირობებული იყოს სისხლში
ბრიტანელი მედიკოსები აცხადებენ, რომ ზოგიერთ კორონავირუსით დასნებოვნებულ ორსულს გაუჩნდა
მეცნიერებისთვის ეს ჯერჯერობით ამოუცნობი ფენომენია. შესაძლებელია გარკვეულ როლს
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად