შედეგი გამოიღო აკრძალვებმა, სხვა სახელმწიფოებიც ასე უნდა მოიქცნენ - ჩინეთში მცხოვრები ქართველი უხანის დღევანდელ ყოფაზე გვიამბობს
კორონავირუსთან დაკავშირებულ დღევანდელ მოვლენებზე ის მკურნალი.გე-ს უამბობს.
- ჩინელი ექიმების მუშაობას ყველანი აფასებენ ძალიან კარგად. უხანში კარანტინი ისევაა, ჩემს ქალაქში და თითქმის ყველა სხვა ქალაქში გამკაცრებული ზომები აღარ არის. შეგიძლია სახლიდან ქალაქში გახვიდე როცა მოგინდება, ცხოვრება ძველ რიტმს უბრუნდება, ძველებურად მუშაობს ყველაფერი სასწავლო დაწესებულებების გარდა, რესტორნებიც მუშაობს, მაგრამ შიგნით ვერ მიირთმევ, შეგიძლია რესტორანში აიღო საკვები და სახლში წაიღო. მოკლედ, სიტუაცია რადიკალურადაა შეცვლილი. გარეთ გავდივარ ყოველდღე, ბავშვებიც გამოჰყავთ, ჩეულებრივ დარბიან, თამაშობენ.
- ნიღბებით დადიხართ ისევ ?
- ნიღბებით დავდივართ, მაგრამ არის მოსახლეობის გარკვეული ნაწილი, რომლებიც ნიღბებს აღარ ატარებს. ყველა ელოდება სწავლის დაწყებს, როგორც გვეუბნებიან, სასწავლო პროცესი აპრილის შუა რიცხვებში, ან აპრილის ბოლოს განახლდება.
სიწყნარე და სიმშვიდეა ქვეყანაში. შედეგი გამოიღო აკრძალვებმა, - არავის შეეძლო გარკვეული მიზეზის გარეშე გარეთ გასვლა და ყველაფერი იყო დახურული. ჩემი აზრით. იგივენაირად უნდა მოიქცენ სხვა სახელმწიფოები, გადაიღონ მაგალითი ჩინეთისგან, იმიტომ, რომ რეზულტატი არის. მოიქცენ ისე, როგორც ჩინეთი მოქცა. მესმის, რომ რთული იქნება, მითუმეტეს დასავლეთში, დემოკრატიულ სახელმწიფოებში ადამიანს უთხრა დაჯექი სახლში, არ იმუშაო და ჩაკეტო ყველაფერი, ეკონომიკური ზარალი იქნება დიდი. აქაც დიდია ზარალი. არავინ იცის, რამდენს გადაუხდიან ვინც არ მუშაობდნენ. არის საუბარი საარსებო მინიმუმზე, მაგრამ სიცოცხლის დასაცავად ღირდა ცხოვრების რითმისა და მოთხოვნილებების დროებით შეცვლა.
ეკა სალაღაია
ასევე წაიკითხეთ:კორონავირუსული ინფექციის სიმპტომები
არის თუ არა მომაკვდინებელი კორონავირუსი?
როგორ დავიცვა თავი კორონავირუსისგან
ხელის ანტისეპტიკიკური ხსნარის დასამზადებელი რეცეპტი - ჯანდაცვის მსოფლიო ორგანიზაციის რეკომენდაცია
რამდენი ხანი სჭირდება კორონავირუსით დაავადებულის გამოჯანმრთელებას?
რა მოხდა იტალიაში - რატომ არის სიკვდილიანობის ასეთი მაღალი მაჩვენებელი?
კორონავირუსის მკურნალობის საკითხებზე - რა გამოცდილება დაუგროვდათ მედიკოსებს, რომელ პრეპარატებს უწევენ რეკომენდაციას?