რა არის პანდემია, რატომ გამოცხადდა ის სწორედ ახლა და კიდევ რა პანდემიები ახსოვს მსოფლიოს
ინფექციური დაავადების (მაგ. ქოლერა, გრიპი) გავრცელება ვრცელ რეგიონში, მაგალითად, რამდენიმე ქვეყანაში ან მთელ მსოფლიოში.
ენდემური დაავადების ფართოდ გავრცელება, ინფიცირებულ ადამიანთა სტაბილური მაჩვენებლით, პანდემია არ არის. გარდა ამისა, მაგალითად, გრიპის პანდემიები როგორც წესი, არ მოიცავს სეზონური გრიპის რეციდივებს.
ისტორიის განმავლობაში დაფიქსირებულია რამდენიმე პანდემია, მაგალითად, ყვავილის და ტუბერკულოზის.
ერთ-ერთი ყველაზე გამანადგურებელი პანდემია იყო შავი ჭირი, რომელმაც XIV საუკუნეში დაახლოებით 75-200 მილიონი ადამიანი იმსხვერპლა. ამჟამად მსოფლიოში გვაქვს მხოლოდ ორი პანდემია — აივ/შიდსი და ახალი კორონავირუსული დაავადება (COVID-19). ბოლოდროინდელ სხვა პანდემიებს შორის არის 1918 წლის გრიპის პანდემია და 2009 წლის გრიპის პანდემია (H1N1).
ამირან გამყრელიძემ ბრძანა, რომ დღეს უკვე 120 ქვეყანაშია კორონავირუსული ინფექცია და თან ეს რიცხვი მატულობს. ამიტომ გამოცხადდა პანდემია. ეს არ არის სიახლე, რადგან ჯანდაცვის მსოფლიო ორგანიზაციას კარგა ხანია გამოცხადებული აქვს პანდემიისთვის მზადება. მთავარია შევასრულოთ ის რეკომენდაციები, რასაც იძლევა ჯანმო და ჩვენ აუცილებლად დავძლევთ ამ პრობლემას. პანდემიის დროს კიდევ უფრო მეტად მკაცრად უნდა შესრულდეს ეს რეკომენდაციები.
წაიკითხეთ:
რამდენი ხანი სჭირდება კორონავირუსით დაავადებულის გამოჯანმრთელებას?