მორიელის ნაკბენი - მკურნალი.გე

რუბრიკები

ოჯახის მკურნალის ანონსი

დეკემბერი 2019

კითხვა-პასუხი

მორიელის ნაკბენი

მორიელის ნაკბენი

მორიელი უხერხემლოთა რიგის ობობასნაირთა კლასის წარმომადგენელია და ობობებსა და ტკიპებს ენათესავება. უმთავრესად თბილ ქვეყნებში ბინადრობს, თუმცა მათ ყველგან შეხვდებით გრენლანდიის, ანტარქტიკისა და ახალი ზელანდიის გარდა. მორიელის 500-ზე მეტი სახეობაა ცნობილი. ყველაზე დიდი მორიელი, იმპერატორი, რომელიც გვინეაშია გავრცელებული, სიგრძით 180 მმ-ს აღწევს, ყველაზე პატარას სიგრძე კი 13 მმ-ია. შეფერილობა ღია ყავისფერიდან შავამდე მერყეობს.

მორიელის სხეულის ძირითადი ნაწილი თავი და მკერდია. მუცელი დანაწევრებულია და ებმის ასევე დანაწევრებულ კუდს, რომელიც საოცრად მოქნილია და შეუძლია, მთელი სხეულის გასწვრივ მოიკეცოს. კუდის ბოლოზე მდებარეობს შხამიანი ჯირკვალი

და ნესტარი, რომელსაც მორიელი თავდაცვისა და თავდასხმის დროს იყენებს. მორიელი მთელი დღე ფოთლებქვეშ ან ქვის ნაპრალებში იმალება, ღამით კი ნადირობს. ეს იმიტომ, რომ მისი მთავარი მსხვერპლი, ტარაკანა და ჭრიჭინა, ღამის ცხოვრებას ეწევიან.
დღისით მ
ორიელი შესაძლოა ფეხსაცმელში ან ზურგჩანთაში დაიმალოს და ადამიანი სასიკვდილოდ დაკბინოს. არსებობს მორიელის ორი ტიპის შხამი. პირველი ადამბლავებს და კლავს უხერხემლო ცხოველებს, ადამიანს კი არავითარ საფრთხეს არ უქადის, თუმცა ასეთი მორიელის ნაკბენი მეტად მტკივნეულია. მეორე ტიპის შხამი სასიკვდილოა. იგი ადამბლავებს გულის ნერვებსა და გულმკერდის კუნთებს, 7 წუთში კლავს ძაღლს და რამდენიმე საათში - ადამიანს. ამ შხამის მიმართ განსაკუთრებით მგრძნობიარენი არიან ბავშვები. ასეთი ტიპის შხამი რამდენიმე სახეობის მორიელს აქვს. საბედნიეროდ, ისინი საქართველოში არ ბინადრობენ. საზოგადოდ, მორიელის შხამით სიკვდილის შემთხვევა საქა-რთველოში აღწერილი არ არის. თუ შხამიანი მორიელის მსხვერპლს დროულად გაუკეთდა შხამსა-წინააღმდეგო შრატი, გადარჩენის შანსი იზრდება. მორიელის ნაკბენი იწვევს მწვავე ტკივილს, რომელიც ზოგჯერ ნერვული ღეროს გასწვრივ ვრცელდება. ნაკბენი შეწითლებული და შეშუპებულია. ზოგჯერ ნაკბენის მიდამოში ჩნდება სეროზულ-სისხლიანი ბუშტუკები. ადგილობრივი სუსტი რეაქციის შემთხვევაში ზოგადი ინტოქსიკაცია შესაძლოა უფრო ძლიერი იყოს და პირიქით. ზოგადი ინტო-ქსიკაციის ნიშნები განსაკუთრებით მკვეთრად აქვთ გამოხატული სკოლამდელი ასაკის ბავშვებს. ეს ნიშნებია საერთო სისუსტე, თავის ტკივილი, შემცივნება, ტკივილი გულის არეში, ქოშინი, გულის ფრიალი, ძილად მივარდნა, კიდურების კანკალი, ოფლიანობა, ნერწყვისა და ცრემლის დენა, ცხვირიდან ლორწოს უხვი გამოყოფა, ზოგჯერ - ბრონქოსპაზმი, სუნთქვის გაძნელება, ციანოზი, ტაქიკარდია და წნევის მატება, რომელიც ბრადიკარდიითა და ჰიპოტონიით იცვლება. შესაძლოა, მცირე ხნით ტემპერატურამაც მოიმატოს. ინტოქსიკაცია კბენიდან 2-3 საათის შემდეგ ვლინდება და 24-36 საათს გრძელდება. ნაკბენის მიდამოში შეჰყავთ 1%-იანი ნოვოკაინის ხსნარი და ადებენ თბილ, ცხიმიან ნახვევს, რომელიც ტკივილს ამცირებს. ინტოქსიკაციას ამცირებს ატროპინის (0,1%-იან 0,5-1 მლ) და ერგოტამინის ერთდროული (და არა ცალ-ცალკე) შეყვანა კანქვეშ. ჩვენში სპეციფიკური შრატის გამოყენებას საჭიროდ არ მიიჩნევენ.

 

 

გააკეთეთ კომენტარი
თარიღი : 14-06-2018
როინ
მე ვიცი რო მორიელი უნდა ჩააგდო ზეთში და როცა გიკბენს ის წაისვა ეს რამდენად გამართლებულია
თარიღი : 14-08-2016
dali
ორჯერ მიკბინა მორიელმა მაქრამ ექიმტან არც წავსილვარ
თარიღი : 26-04-2015
jemali
ბაზრობებზე იყიდება ;დიხლოფოსი;მწერების მიასხურეთ იატაკზე ყველა კუთხეში და არგაანიავოთ ოთახი ორი საათი, ასევე ბავშვის საწოლიც ქვევიდან.დიდი რაოდენობით მიასხურეთ ერთ ოთახში ნახევარი ბალონი უნდა გახარჯოთ.გაათავისუფლეთ ოთახი ადამიანებისგან ორი საათი.მორიელი აღარ მოიკითხო რამდენიმე წლით.კარგი იქნება თუ მთლიან საცხოვრებელს მიასხურებთ იატაკის გასწვრივ.
თარიღი : 25-10-2014
ნაილი
ყოველტვის გქონდეთ სახში ცოცხლად დაჭერილი მორიელი სპირტში შენახული და მისი ხსნარი უნდა წაუსვათ ნაკბენ ადგილზე,ეს არის დახმარება და საშიში აღარ არის
თარიღი : 14-10-2014
serpentarius
წახვალთ შხამ ქიმიკატები სადაც იყიდება. მოგცემენ 1 აპულას,რომელიც იხსნება 10 ლიტრა წყალში დაახლოებით, ამ ხსნარით დაამუშავებთ სახლის კედლებს,გარედან....მისხურებით. სარდაფს, ინსტუქციას იქ მოგცემენ,როგორ უნდა მოიქცეთ, დამიჯერეთ,წლობით გაქრებიან მორიელები თქვენი საცხოვრებელიდან, ბუნებრივი საშუალებები არ არსებობს მათ მოსასპობად, მხოლოდ ქიმია.... აბა წარმატებები და მორიელების გაჟუჟვაააააა
რეკომენდებული პროდუქტები
მხედველობის ჯანმრთელობისთვის -60 აბი
ფასი: 39.9
ჯანმრთელი იმუნური სისტემის ფუნქციონირებისათვის.-60აბი
ფასი: 34.9
დიაბეტური ვიტამინი+ომეგა 3 -28 აბი
ფასი: 55.9
მხედველობის ხელშეწყობისთვის-60აბი
ფასი: 44.9
დიეტოლოგია
პრიმატებზე ჩატარებული ექსპერიმენტები მეტყველებს, რომ ხმელთაშუა ზღვის დიეტა იძლევა საშუალებას, რომ შევინარჩუნოთ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
ჟურნალში Neurology გამოქვეყნდა ახალი კვლევის შედეგები, რომელთა თანახმადაც,_ ტრანსცხიმების ხშირად გამოყენება (მაგალითად კარტოფილი-ფრის)
კატეგორიის სხვა სტატიები
ცრემლსადენი გაზის ზემოქმედების შემდეგ ადამიანს აწუხებს:
აფლატოქსინები ორგანული ნაერთებია, რომელთაც სოკოები გამოყოფს, მათ მიკოტოქსინებსაც უწოდებენ.
ჯანდაცვის სამინისტრო ბავშვების ორგანიზმში მძიმე მეტალის შემოწმებას იწყებს.
ალადაშვილის კლინიკაში დაუდგენელი ნივთიერების შედეგად მოწამლული 23 წლის ახალგაზრდის მდგომარეობა
აქტივირებული ნახშირი დეტოქსიკაციის შესანიშნავ საშუალებად ითვლება. ახლა ის ნამდვილი ტრენდია. ნახშირს
საკანალიზაციო მილების გასაწმენდი საშუალება "კროტი" იყიდება სითხის ან ფხვნილის სახით და შეიცავს მეტად აქტიურ
ხველის მკურნალობა არა მარტო მედიკამენტებით, არამედ ალტერნატიული საშუალებებითაცაა შესაძლებელი,
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
მამობის მსურველი მამაკაცებისთვის ჩასახვის შანსი იზრდება კარგი ძილის შემთხვევაში. რეკომენდებულია დასაძინებლად დაწოლა 22:30 საათზე.
ტვინის სისხლძარღვების გაწმენდა უმნიშვნელოვანესი პროცედურაა.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად