რევოლუცია სტომატოლოგიაში - ბჟენები, რომლებიც მიკრობთა შემოტევას ეწინააღმდეგებიან

კანადელი მეცნიერების ეს გამოგონება ბჟენის შემდგენლობაში არსებული კრემნიუმის ნანონაწილაკებისა და ანტიბიოტიკების მეშვეობით მუშაობს. გამოდის, რომ ბჟენები კარიესის გამომწვევი ბაქტერიების წინააღმდეგ დაცვის წინა ხაზზე მოგვევლინება. მნიშვნელოვანია, რომ ეფექტურობა მრავალი წლის განმავლობაში ნარჩუნდება.

სტანდარტული ბჟენების პრობლემა ისაა, რომ დროთა განმავლობაში კბილისა და ბჟენის საზღვარზე წარმოიქმნება მიკროღრიჭოები, რაც ბაქტერიების გამრავლებისა და კარიესის პროგრესირებისთვის იდეალურ პირობებს ქმნის. გარდა ამისა, კბილის ქსოვილი და ბჟენის მასალა წყალს სხვადასხვანაირად იცილებს.

ბჟენების ანტიბიოტიკებით დატვირთვის იდეა დიდი ხნის წინ გაჩნდა, თუმცა ანტიბიოტიკები ძალიან სწრაფად ირეცხებოდა.

ბჟენების მომსახურების ვადის გასახანგრძლივებლად, მეცნიერებმა ნანონაწილაკების გამოყენება გადაწყვიტეს. სტანდარტულ წამლიან ნანონაწილაკებში (კრემნიუმის ან სხვა რომელიმე ინერტული ნივთიერების ღრუ ან ფორიან სფეროებში) ანტიბიოტიკები მხოლოდ ზედაპირზე რჩება. ნანონაწილაკების შიგნით კი მათი რაოდენობა მცირეა.

კანადელ სპეციალისტებთან ანტიბიოტიკების მოლეკულები ნანონაწილაკების ფორებში უშუალოდ აწყობის დროს ხვდება, რაც ანტიბიოტიკების წილს, დაახლოებით, 50-ჯერ ზრდიდა და ამცირებდა ნაწილაკის ზედაპირიდან წამლის გამორეცხვის სიჩქარეს.

ექსპერიმენტით დამტკიცდა, რომ ახალი ბჟენის ნანონაწილაკები კლავს კარიესის გამომწვევ სტრეპტოკოკებსა და სხვა მიკრობებს ბჟენის დამზადებიდან 2 წლის შემდეგაც კი.

ლალი ჩხიკვაძე