პირი მტკივა - მკურნალი.გე

რუბრიკები

ოჯახის მკურნალის ანონსი

იანვარი 2020

პირი მტკივა

პირი მტკივა
ბავშვი უჩივის უსიამოვნო შეგრძნებას პირის ღრუში, ჭირვეულობს და ჭამაზე უარს ამბობს... თუ ყელის ტკივილიც გამოირიცხა და ვერც უგუნებობის სხვა მიზეზის დადგენა მოხერხდა, პატარა სტომატოლოგთან უნდა მივიყვანოთ. გვესაუბრება კლინიკა “ალბა დენტის” სტომატოლოგი თამარ წერეთელი.

- კბილი თუ არ სტკივა, რა საჭიროა სტომატოლოგი?
- პირის ღრუს ლორწოვანის უმნიშვნელო ტრავმის შედეგად შესაძლოა განვითარდეს სტომატიტიც, გინგივიტიც და ჰეილიტიც. მშობლები უნდა იცნობდნენ თითოეული მათგანისთვის დამახასიათებელ ნიშნებს და შეეძლოთ მათი ერთმანეთისგან განსხვავება, რათა მკურნალობა არ დაგვიანდეს.


სტომატიტი
- როგორ ვლინდება?
- პირის ღრუში - ენაზე, ღრძილებზე,
ტუჩების ან ლოყების შიგნითა მხარეს - მოულოდნელად ჩნდება ოვალური ფორმის მცირე ზომის ერთი ან რამდენიმე თეთრი ლაქა. მათ აფთებს ვუწოდებთ. აფთები შემაწუხებელია, განსაკუთრებით - კვებისა და ლაპარაკის დროს.

- რა აჩენს ამ ლაქებს?
- ლორწოვანი გარსის მიკროტრავმის ადგილას ხვდება ბაქტერიები, სოკოები და მალე ეს პატარა
ჭრილობები აფთებად იქცევა. საბედნიეროდ, ყოველთვის როდი ხდება ასე - უმეტესად მაშინ, როცა დაქვეითებულია ზოგადი ან ადგილობრივი იმუნიტეტი. მაგალითად, სასუნთქი სისტემის ვირუსული ინფექციის გადატანის შემდეგ. ბავშვის თხელი და ნაზი ლორწოვანი გარსები ადვილად ზიანდება, პატარებს კი უყვართ პირში თითების ჩაყოფა, სათამაშოებისა თუ სხვა ნივთების ჩადება. შედეგად პირის ღრუში ჩნდება მიკროტრავმები - ინფექციის კარიბჭე.

- როგორ მკურნალობენ?
- ბავშვს პირში უნდა გამოვავლოთ სპეციალური ანტისეპტიკური ხსნარი, რომელსაც სტომატოლოგი გამოგიწერთ. მკურნალობის სქემასაც ის შეგირჩევთ. წლამდე ასაკის ბავშვებისთვის გამოიყენება უფრო დაბალი კონცენტრაციის ხსნარები.

- რას ურჩევთ მშობლებს?
- ბავშვის საკვები ამ პერიოდში, სასურველია, იყოს თხიერი ან თხელი, ვარიდოთ მლაშეს, მჟავეს, რათა პირის ღრუში უსიამოვნო შეგრძნებები არ გაუძლიერდეს. ყურადღება მივაქციოთ პირის ღრუს ჰიგიენას. სტომატიტის დროს კბილების გამოხეხვა ჩვეული რეჟიმით უნდა გაგრძელდეს, გამოჯანმრთელების შემდეგ კი არ უნდა დაგვავიწყდეს ჯაგრისის გამოცვლა.

გინგივიტი - ღრძილების ანთება
- როგორ ვლინდება?
- ღრძილები შეწითლებულია, კბილის ჯაგრისის ოდნავ შეხებაზეც კი იწყება სისხლდენა. ბავშვი გრძნობს დისკომფორტს, ხოლო პირიდან ამოსდის უსიამოვნო სუნი.

- რა იწვევს გინგივიტს?
- როცა პატარა სათანადოდ არ იხეხავს კბილებს, კბილისა და ღრძილების შემხებ ზედაპირზე ჩნდება ნადები, რომელიც ბაქტერიების, სოკოების გამრავლებისთვის ხელსაყრელი ნიადაგია. ხშირად გინგივიტი ვითარდება გადატანილი მძიმე ინფექციის შემდეგ, დაქვეითებული იმუნიტეტის ფონზე.

- როგორ დავეხმაროთ?
- თუ პრობლემამ გადატანილი ინფექციის შემდეგ იჩინა თავი, საკმარისია ადგილობრივი ანტისეპტიკური საშუალების გამოყენება. როცა ორგანიზმი მოძლიერდება, დაავადება თავისთავად გაივლის. თუ პრობლემა პირის ღრუს ჰიგიენის დაუცველობის შედეგია, საქმე ასე იოლად ვერ მოგვარდება, შესაძლოა, გინგივიტმა ქრონიკული მიმდინარეობა მიიღოს, ამიტომ ბავშვს უნდა ვასწავლოთ კბილების კარგად გამოხეხვა და თავდაპირველად თავადაც დავესწროთ პირის ღრუს ჰიგიენურ პროცედურებს. გახსოვდეთ: ქრონიკულ გინგივიტს პაროდონტიტი და კბილების ნაადრევი დაკარგვა მოსდევს.

ჰეილიტი
- როგორ ვლინდება?
- თუ ბავშვს ტუჩებზე გაუჩნდა მორუხო-მოყვითალო ფუფხი, ტუჩები დაუსკდა და სისხლი სდის, ტუჩის კუთხეებშიც ნახეთქები აქვს - ეს ჰეილიტია.

- რა იწვევს მას?
- ტუჩების გამოშრობა, ენით ხშირად დასველება, არასათანადო ჰიგიენა და პირღია სუნთქვა.

- როგორ ვუმკურნალოთ?
- ბავშვი უნდა ვაჩვენოთ არა მხოლოდ სტომატოლოგს, ასევე ნევროლოგს, ალერგოლოგს, ენდოკრინოლოგსაც. რომელი ბავშვი არ ილოკავს ან თითით იწიწკნის ტუჩებს, მაგრამ ყველას როდი უჩნდება ეს პრობლემა. სხვადასხვა პროფილის ექიმები გამოკითხავენ მშობლებს, მიიღებენ სათანადო ინფორმაციას, გასინჯავენ პატარას და მხოლოდ ამის შემდეგ დაიწყებენ მკურნალობას. ზოგ ბავშვს ულტრაიისფერი სხივების მიმართ მომატებული მგრძნობელობა აქვს, ამიტომ მზეზე ყოფნის შემდეგ ტუჩები უშრება, უსკდება, ქერქით ეფარება. ამის თავიდან ასაცილებლად სიცხეში შინიდან გასვლამდე ბავშვს ტუჩებსა და მთელ ტანზე სპეციალური ჰიგიენური დამცავი საშუალებები უნდა წავუსვათ.
გააკეთეთ კომენტარი
კომენტარი არ გაკეთებულა
დიეტოლოგია
დიეტებზე საუბრისას მნიშვნელოვანია ოქროს შუალედის დაცვა. ყველა უკიდურეს ზომას - ცილოვან, ცხიმოვან ან რთულ ნახშირწყლოვან (ფაფები, მაკარონი) დიეტებს
ადამიანები ხშირად ჩივიან, რომ წონას ვერ იკლებენ, მიუხედავად იმისა, რომ დიეტასაც იცავენ,
ჯანსაღ კვებასა და წონის კლებას მჭიდრო კავში­რი აქვს. ოცნებობთ ჭარბი წონის მოშორებაზე,
კატეგორიის სხვა სტატიები
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
ადამიანს კბილი შეიძლება ატკივდეს ტკბილეულის ჭამის, ცივი ან ცხელი საკვების მიღების დროს. ამგვარი ტკივილი იმის მანიშნებელია, რომ
თეთრი კბილების საიდუმლო შავი კბილის პასტაა -ალბათ, უცნაურად ჟღერს, მაგრამ ეს რეალობაა.
თუ გინდათ, რომ ჯანმრთელი პირის ღრუსა და კბილები გქონდეთ, ფთორის შემცველი კბილის პასტით გაიხეხეთ კბილები
ჟურნალში JAMA Pediatrics გამოქვეყნდა კოპენჰაგენის უნივერსიტეტის მეცნიერთა ახალი კვლევის შედეგები - ორსულობის დროს
გავრცელებული მოსაზრებით ყვითელი კბილები პირის ღრუს ცუდი ჰიგიენის შედეგია. კბილის მინანქრის ამგვარი შეფერილობა
ვირუსების ნაწილაკები საათობით ინარჩუნებენ აქტივობას მშრალ, თბილ და უმოძრაო ჰაერში
ყველაზე ხანდაზმული ქალი მსოფლიოში, 116 წლის კეინ ტანაკა იაპონიაში, ფუკუოკეში ცხოვრობს.
თმა შედგება ცილისგან (კერატინი) და დამცავი თხელი ფენა კუტიკულისგან. წყლის ზემოქმედების შედეგად თმა ადვილად
საკმარისია ეს 4 ტესტი და მოსაუბრეს გაშლილი წიგნივით წაიკითხავთ - აცხადებენ ტესტის ავტორები.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად