10 მარტივი რჩევა - კბილების ბუნებრივი გათეთრებისთვის
ხშირად, ისეთი ძირითადი პროცედურები, როგორებიცაა კბილების წმენდა ჯაგრისით და კბილის ძაფის გამოყენებით, არ არის საკმარისი კბილებზე ნადების წარმოქმნის თავიდან ასაცილებლად. განსაკუთრებით, თუ ეწევით, ხშირად სვამთ ყავას, ჩაის ან ბევრ ტკბილეულს მიირთმევთ.
არსებობს რამდენიმე მარტივი რჩევა, რომელთა შემდეგაც ყოველთვის დარწმუნებული იქნებით თქვენი ღიმილის შეუდარებლობაში.
1. შეიზილეთ კბილებზე ლიმონის ან ფორთოხლის ქერქი
ყოველდღე, სასურველია ძილის წინ, გაიწმინდოთ კბილები ლიმონის ან ფორთოხლის კანით (ქერქით). ეს არის სრულად უსაფრთხო მეთოდი, რომელიც კარგად აშორებს ნადებს და ამდიდრებს ღრძილებს ჩ ვიტამინით. თუ გაქვთ აღნიშნული ციტრუსების გამომშრალი ქერქი, დაფქვით და ეს ფხვნილი (ფქვილი) დაამატეთ კბილის პასტას.
2. კბილის პასტას დაამატეთ ჩაის ხის ზეთი
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ეს მეთოდი საუკეთესოა იმით, რომ ასუფთავებს პირის ღრუს ბაქტერიებისგან, ათეთრებს კბილებს და აქრობს უსიამოვნო სუნს პირის ღრუში. შეგიძლიათ რამდენადმე გაართულოთ პროცედურა: ჯერ გაიხეხოთ კბილები ჩვეულებისამებრ, შემდეგ დაასხათ (დააწვეთოთ) რამდენიმე წვეთი ზეთი სუფთა კბილის ჯაგრისზე და გაიმეორეთ კბილების დამუშავება-გაწმენდა. არის მესამე ვარიანტიც – გამოვლება. ამისათვის ნახევარ ჭიქა სუფთა წყალს უნდა დაამატოთ ხუთი-ექვსი წვეთი ჩაის ხის ზეთი.
3. სცადეთ გააქტიურებული ნახშირი
ნახშირი უსაფრთხო, ადვილად ხელმისაწვდომი და ძალიან ეფექტური პრეპარატია. გამოიყენეთ არაუმეტეს კვირაში სამჯერ.
წინასწარ დაფქვით-დაანამცეცეთ ტაბლეტები, კბილების გახეხვამდე, თქვენს ჯაგრისზე განთავსებულ კბილის პასტაზე დააყარეთ ფქვილი და კბილები ამ მასით გაიხეხეთ. შეიძლება თქვენთვის სხვა ვარიანტი იყოს უფრო მოხერხებული: დააქუცმაცეთ-დაფხვენით ნახშირის ტაბლეტები, დააწვეთეთ მათზე რამდენიმე წვეთი ლიმონის წვენი და წყალი. გამოიყენეთ ეს ნარევი კბილის პასტის ნაცვლად.
4. გამოიყენეთ წყალბადის ზეჟანგი და საკვები სოდა
ადვილად ხელმისაწვდომი ინგრედიენტები, რომლებიც ჩაანაცვლებს ძვირადღირებული ქიმიური გათეთრების პროცედურას. ყველაფერი, რაც უნდა გააკეთოთ, არის ის, რომ აურიოთ სოდა და ზეჟანგი პასტისმაგვარი მასის მიღებამდე და ნაზად წაისვათ კბილების ზედაპირზე. რამდენიმე წუთის შემდეგ გამოივლეთ პირის ღრუ და გაიხეხეთ კბილები, როგორც ამას ჩვეულებრივ ფტორის შემცველი კბილის პასტის გამოყენებით აკეთებთ.
5. რეგულარულად ცვალეთ კბილის ჯაგრისი
მნიშვნელოვანია, არ გამოიყენოთ ერთი და იგივე კბილის ჯაგრისი სამ თვეზე მეტი ხნის განმავლობაში. ძველი კბილის ჯაგრისის გაცვეთილი ჯაგარი ვერ აშორებს ნადებს და ბაქტერიებს, რომლებიც კბილებს შორის გროვდება.
6. გამოიყენეთ ქოქოსის ზეთი
შეიძინეთ მხოლოდ უმაღლესი ხარისხის და ნატურალური პროდუქტი. როგორც წესი, ეს არის არარაფინირებული, ცივი დაწურვის ზეთი, სახელწოდებით „Extra Virgin“. წინააღმდეგ შემთხვევაში, ეფექტი ნულოვანი იქნება.
პირში მოითავსეთ სუფრის კოვზი ქოქოსის ზეთი და ფრთხილად, ენის გამოყენებით, წაისვით ყველა კბილზე. თქვენ უნდა გაიჩეროთ ზეთი პირის ღრუში, სულ მცირე, 15 წუთის განმავლობაში, შემდეგ პირში წყალი გამოივლოთ და გაიხეხოთ კბილები ჩვეულებისამებრ. ეს მეთოდი ეფექტური და კარგია, რადგან კბილების გათეთრებასთან ერთად კლავს ბაქტერიებს, რომლებიც პარაზიტობენ კბილებზე.
7. გამოიყენეთ ვაშლის ძმარი პირის ღრუში გამოსავლებად
სანამ კბილების გახეხვას დაიწყებთ, კბილის პასტის წასმამდე, ჯაგრისი ჩაყავით ვაშლის ძმარში. გარდა ამისა, კბილების გახეხვის შემდეგ, შეგიძლიათ გამოივლოთ პირის ღრუში ვაშლის ძმარი. ეს მეთოდი კარგად ასუფთავებს კბილებს მიკრობების, ნადებისა და ქვისგან.
8. მიირთვით მეტი უმი პროდუქტი
დამუშავებული, არაჯანსაღი საკვები კბილებზე მოყვითალო ნადების გაჩენის მთავარი მიზეზია. უმი ბოსტნეულის, ხილისა და კენკრის ჭამით, არა მხოლოდ თოვლივით თეთრ კბილებს შეინარჩუნებთ, ღრძილების ჯანმრთელობასაც გაიუმჯობესებთ.
საუკეთესო მათეთრებელი ეფექტის მისაღებად და სუნთქვის გასაჯანსაღებლად უნდა ჭამოთ: მარწყვი, ვაშლი, სტაფილო და ნიახური.
9. გამოიყენეთ მარწყვი
გასრისეთ ოთხი-ხუთი მარწყვი პასტის სახით; წაისვით ის კბილების ზედაპირზე თითის ან კბილის ჯაგრისის დახმარებით; 5 წუთის შემდეგ პირი გამოირეცხეთ.
მინანქრის დაზიანების თავიდან ასაცილებლად არ არის რეკომენდებული მარწყვის მითითებულ დროზე დიდხანს კბილებზე გაჩერება!
მეორე მეთოდი (სოდის დამატებით):
დააქუცმაცეთ (გასრისეთ) ოთხი-ხუთი მარწყვი თასში; დაამატეთ ორი ჩაის კოვზი სოდა და კარგად აურიეთ; მიღებული ნაზავი წაისვით კბილის ჯაგრისზე და გაიხეხეთ კბილები ჩვეულებისამებრ; გამოირეცხეთ პირის ღრუ და გამოიყენეთ კბილის ძაფი (ფლოსი) კბილებს შორის არსებული თესლის მოსაშორებლად.
10. შეზღუდეთ ისეთი საკვების მიღება, რომელსაც შეუძლია კბილების შეღებვა
უნდა შეზღუდოთ სასმელები: კოკა-კოლა, პეპსი-კოლა, ყავა, შავი ჩაი, ხილის წვენები, წითელი ღვინო.
ბოსტნეული, ხილი და კენკრა: ჭარხალი, მოცვი, ალუბალი, შტოში, მოცხარი, ჟოლო, მაყვალი.
მწვანილი და სანელებლები: სოუსები და სანელებლები, რომლებიც შეიცავს კურკუმას.
და არ დაგავიწყდეთ, ასოციაცია „სიგარეტი – ყვითელი კბილები!“ ეს არ არის ვინმეს ფანტაზიის ნაყოფი, არამედ ძალიან რეალური ფაქტია. რამდენიმეწლიანმა აქტიურმა მოწევამ კბილების გათეთრების თქვენი ყველა მცდელობა შეიძლება უსარგებლო გახადოს.
შემოთავაზებული არც ერთი ხსნარი თუ მეთოდი არ შეგიცვლით პირის ღრუს სათანადო ჰიგიენას.
წესი ასეთია: გაიხეხეთ კბილები ყოველ დილას და საღამოს, და აუცილებლად დაამატეთ ერთი ან მეტი შემოთავაზებული რჩევა-რეკომენდაცია.
ნაადრევ დასკვნას ნუ გამოიტანთ, ეფექტურია თუ არა თქვენ მიერ არჩეული ბუნებრივი გათეთრების მეთოდი.
ტრადიციული კოსმეტოლოგია, ისევე როგორც ტრადიციული მედიცინა, არ იძლევა მყისიერ შედეგს. მთავარია გამძლეობა და მოთმინება და თქვენი ჯილდო იქნება (ერთ-სამ თვეში) კაშკაშა ღიმილი, ძლიერი და ჯანსაღი კბილები.
