რატომ შეიძლება მოიმატოს კბილების მგრძნობელობამ ზაფხულში
თუმცა, ზოგიერთი ადამიანისთვის ეს პერიოდი შესაძლოა პრობლემური იყოს კბილების მომატებული მგრძნობელობის გამო. ზოგისთვის ზაფხული წელიწადის ის დროა, როდესაც სიმპტომები ყველაზე მეტად ვლინდება.
კბილების მგრძნობელობის ჩამოყალიბებას ძირითადად მინანქრის ფენის შემცირება იწვევს. კბილის ფესვები, შეიცავენ ათასობით მცირე ზომის მილებს(სადინრებს), რომლებიც მიემართება კბილების ნერვული ცენტრისკენ. როდესაც ფესვები აღარ არის დაცული მინანქრის ფენით, სხვადასხვა სახის გამღიზიანებელი: ცივი, ცხელი, ტკბილი სასმელი/საკვები, სადინრების საშუალების აღწევს კბილის ნერვულ ცენტრამდე და იწვევს ტკივილს.
ამას გარდა, მინანქრის ეროზიას, ორთოდონტიას შეუძლია ასევე მგრძნობელობა გამოიწვიოს.
რატომ არის კბილები უფრო მგრძნობიარე ზაფხულში?
ზაფხულის თვეებმა შეიძლება გამოიწვიოს კბილების მგრძნობელობის მომატება, მიღებული საკვებისა და სასმელის საფუძველზე - ნაყინი, ცივი სასმელები, ტკბილეული და ყველა იმ საკვების ფონზე, რომლსაც, როგორც წესი, არ მოვიხმართ დაბალი ტემპერატურის დროს.
გარდა ამისა, ზაფხულში დეჰიდრატაციის რისკი უფრო იზრდება, რაც ნიშნავს ნაკლები რაოდენობის ნერწყვის გამოყოფას. ეს კი იწვევს ბაქტერიების ჭარბ ზრდას.
ყოველდღიური საკვებისა და სასმელის მიღმა, ბევრი ჩვენგანი თავის მოვლის რუტინაში ამატებს კბილების გათეთრებას (“სრულყოფილი ზაფხულის ღიმილისთვის”), რამაც შეიძლება დიდი როლი ითამაშოს მგრძნობელობის მომატებაში.
3 გზა კბილების მგრძნობელობასთან საბრძოლველად
შეამცირეთ კბილების გათეთრების სიხშირე, ცივი საკვებისა და სასმელის მოხმარება - ცივი საკვებისა და სასმელის მოხმარების შეზღუდვის გარდა, კბილების გათეთრების მოყვარულებისთვის, რეკომენდებულია შეამცირონ ამ პროცედურის ჩატარების სიხშირე ან სთხოვონ სტომატოლოგს მათეთრებელი პროდუქტების განსხვავებული კონცენტრაცია, თუ ისინი გრძნობენ მომატებულ მგრძნობელობას. გაქვთ თუ არა ღრძილების რეცესია, დარწმუნდით, რომ შეამცირეთ ან შეწყვიტეთ ნებისმიერი სახის მათეთრებელი პროდუქტის გამოყენება, მათ შორის მათეთრებელი კბილის პასტის ჩათვლით, რადგან ეს კბილებს უფრო მგრძნობიარეს ხდის.
გამოიყენეთ მგრძნობელობის შემამსუბუქებელი პროდუქტები - მგრძნობელობის შესამსუბუქებელი კბილის პასტისა და პროდუქტების გამოყენება დაგეხმარებათ შეამციროთ კბილების მგრძნობელობა. ამ ტიპის კბილის პასტები მუშაობენ დენტინის მილაკების ჩაკეტვით.სტომატოლოგების რეკომენდაციით, მოძებნეთ ფტორის და კალიუმის ნიტრატის შემცველი პროდუქტები, რადგან ისინი ხელს უწყობენ მგრძნობელობის შემცირებას, ამასთან ისინი არ უნდა შეიცავდნენ ისეთ მათეთრებელ დანამატს, როგორიცაა პეროქსიდი.
მოითხოვეთ ფლუორიდით მკურნალობა - თუ კვლავ განიცდით ტკივილს, ზოგიერთი სტომატოლოგი გვთავაზობს ფტორით მკურნალობას, რომელსაც შეუძლია კბილების მგრძნობელობის შემცირება.