მარიამ ფოლადაშვილი

ზოგჯერ ერთვის გარდამავალი დაბუჟებაც. შესაძლოა პერიოდული იყოს ან უწყვეტად გაგრძელდეს თვეების ან მეტი ხნის განმავლობაში. ტკივილს ზოგჯერ თან ახლავს პირის სიმშრალე ან გემოვნების შეცვლა. ჩივილები უმეტესად ენას მოიცავს, მაგრამ ტკივილი შესაძლოა გავრცელდეს სასაზე, მთელ პირის ღრუში ან ტუჩებზე.

პირველადი პირის ღრუს წვის სინდრომი გამოწვეულია იმ ნერვების დაზიანებით, რომლებიც ტკივილისა და გემოს შეგრძნებას აკონტროლებს. მეორეულის მიზეზად შესაძლოა იქცეს დიაბეტით ან ფარისებრი ჯირკვლის პრობლემებით გამოწვეული ჰორმონული ცვლილებები, ალერგია საკვებზე, პირის სიმშრალე, B ვიტამინის, რკინის და სხვა ნუტრიენტების უკმარისობა, არტერიული წნევის დამწევი ზოგიერთი წამალი, პირის სოკოვანი ინფექცია, მჟავა რეფლუქსი.

ინიშნება ისეთი წამლები, რომლებიც ტკივილს ამსუბუქებს და ხსნის პირის სიმშრალეს. მეორეული პირის ღრუს წვის სინდრომი შესაძლოა თავისთავად ალაგდეს ძირითადი სამედიცინო პრობლემის აღმოფხვრის შემდეგ.

რჩევები:

ტკივილის შესამსუბუქებლად დალიეთ ცივი სასმელი, ან დაღეჭეთ უშაქრო საღეჭი რეზინი.

მოერიდეთ პირის ღრუს გამღიზიანებლებს:

• თამბაქოს;
• ალკოჰოლური სასმელებს;
• ცხელ და ცხარე საკვებს;
• ალკოჰოლის შემცველი სავლები;
• მჟავათი მდიდარ პროდუქტებს (მაგალითად, ციტრუსებს და მათ წვენებს).