დღეს ყვე­ლა ოც­ნე­ბობს ე. წ. „ჰო­ლი­ვუ­დის ღი­მილ­ზე“. თა­ნა­მედ­რო­ვე სტო­მა­ტო­ლო­გია ამის შე­საძ­ლებ­ლო­ბას იძ­ლე­ვა და ყვე­ლას შე­უძ­ლია თავი მო­ი­წო­ნოს თეთ­რი კბი­ლე­ბით და ლა­მა­ზი ღი­მი­ლით.

კბი­ლე­ბის ფე­რის ცვლი­ლე­ბას ანუ დის­ქო­ლო­რი­ზა­ცი­ას ცხოვ­რე­ბის მან­ძილ­ზე მი­ღე­ბუ­ლი ორ­გა­ნუ­ლი, თუ არა­ორ­გა­ნუ­ლი სა­ღე­ბა­ვე­ბი იწ­ვევს. დრო­თა გან­მავ­ლო­ბა­ში ეს ნივ­თი­ე­რე­ბე­ბი ილე­ქე­ბა მი­ნან­ქრის შრე­ებ­ში. არ­სე­ბობს ფე­რის შემ­ცვლე­ლი გა­რე­გა­ნი ფაქ­ტო­რი, მა­გა­ლი­თად ისე­თი პრო­დუქ­ტე­ბის ხში­რი მი­ღე­ბა, რო­გო­რი­ცაა, ჩაი, ყავა,წი­თე­ლი ღვი­ნო. ასე­ვე, ძა­ლი­ან ცუ­დად აი­სა­ხე­ბა კბი­ლე­ბის ფერ­ზე ნი­კო­ტი­ნი. იმ შემ­თხვე­ვა­ში, თუ მი­ნან­ქრის ზე­და­პი­რი და­ზი­ა­ნე­ბუ­ლი არაა, ასე­თი პიგმენ­ტის მო­შო­რე­ბა ხში­რად პრო­ფე­სი­უ­ლი წმენ­დი­თა­ცაა შე­საძ­ლე­ბე­ლი, ამ დროს ხდე­ბა კბი­ლის ბუ­ნებ­რი­ვი ფე­რი­სა და ბზინ­ვა­რე­ბის აღ­დგე­ნა და მი­ღე­ბუ­ლი შე­დე­გის გამო პა­ცი­ენ­ტე­ბი კბი­ლის შემ­დგომ გა­თეთ­რე­ბა­ზე უარს აცხა­დე­ბენ. ამი­ტომ აუ­ცი­ლე­ბე­ლია 6 თვე­ში ერთხელ ვი­ზი­ტი სტო­მა­ტო­ლოგ­თან და პრო­ფე­სი­უ­ლი წმენ­დის ჩა­ტა­რე­ბა, ამით არა მხო­ლოდ კბი­ლის ბუ­ნებ­რივ ფერს ვი­ნარ­ჩუ­ნებთ, არა­მედ უზ­რუნ­ველ­ვყობთ კა­რი­ე­სუ­ლი და პა­რო­დონ­ტის ქსო­ვი­ლის და­ა­ვა­დე­ბე­ბის პრე­ვენ­ცი­ას.

კბილ­თა დის­ქო­ლო­რის მი­ზე­ზი ასე­ვე შე­საძ­ლოა იყოს ისე­თი თან­და­ყო­ლი­ლი არა­კა­რი­ე­სუ­ლი და­ა­ვა­დე­ბე­ბი რო­გო­რი­ცაა - ფლუ­ო­რო­ზი, ჰი­პოპ­ლა­ზია და ტეტ­რა­ციკ­ლი­ნის კბი­ლე­ბი. კბილ­თა ფე­რის გა­მუ­ქე­ბა იწ­ვევს მათი არას­წო­რი ენ­დო­დონ­ტი­უ­რი მკურ­ნა­ლო­ბაც.

კბი­ლე­ბის გა­თეთ­რე­ბა ხდე­ბა ორი მე­თო­დით:

1. პრო­ფე­სი­ო­ნა­ლუ­რი ( სა­ო­ფი­სე) გა­თეთ­რე­ბა და 2. გა­თეთ­რე­ბა სახ­ლის პი­რო­ბებ­ში, ინ­დი­ვი­დუ­ა­ლუ­რი კა­პე­ბის მეშ­ვე­ო­ბით.

პრო­ფე­სი­უ­ლი (სა­ო­ფი­სე) გა­თეთ­რე­ბა წარ­მო­ად­გენს თა­ნა­მედ­რო­ვე ტექ­ნო­ლო­გი­ას, გა­აჩ­ნია არა­ერ­თი მე­თო­დი და არის აბ­სო­ლუ­ტუ­რად უსაფრ­თხო. გა­თეთ­რე­ბის მთე­ლი პრო­ცე­სი მიმ­დი­ნა­რე­ობს ექი­მის მეთ­ვალ­ყუ­რე­ო­ბის ქვეშ სახ­ლის მე­თო­დე­ბის­გან გან­სხვა­ვე­ბით და არ ხდე­ბა კბი­ლი­სა და პა­რო­დონ­ტის ქსო­ვი­ლე­ბის და­ზი­ა­ნე­ბა. სა­ო­ფი­სე გა­თეთ­რე­ბის ჩა­ტა­რე­ბი­სას გა­მო­ი­ყე­ნე­ბა სპე­ცი­ა­ლუ­რი სხი­ვი, რომ­ლის მეშ­ვე­ო­ბი­თაც ხდე­ბა მა­თეთ­რე­ბე­ლი ნივ­თი­ე­რე­ბის, წყალ­ბა­დის, ან კარ­ბა­მი­დის ზეჟან­გის სხი­ვუ­რი გა­აქ­ტი­უ­რე­ბა. ტექ­ნი­კუ­რად სა­ო­ფი­სე გა­თეთ­რე­ბა საკ­მა­ოდ მარ­ტი­ვია. ხდე­ბა ლორ­წო­ვა­ნი გარ­სე­ბის იზო­ლა­ცია, კბი­ლის ზე­და­პირ­ზე თავ­სდე­ბა მა­თეთ­რე­ბე­ლი გელი და აქ­ტი­ურ­დე­ბა ცივი სხი­ვით. მნიშ­ვნე­ლო­ვა­ნია, რომ არ ხდე­ბა კბი­ლე­ბის გა­და­ხუ­რე­ბა, არ ყა­ლიბ­დე­ბა ჰი­პერმგრძნო­ბე­ლო­ბა და არის პა­ცი­ენ­ტის­თვის კომ­ფორ­ტუ­ლი.

რა არის სა­ო­ფი­სე გა­თეთ­რე­ბის უპი­რა­ტე­სო­ბა?

1. არის უსაფრ­თხო და ეფექ­ტუ­რი პრო­ცე­დუ­რა.
2. არის უმ­ტკივ­ნე­უ­ლო.
3. პრო­ცე­დუ­რის ხან­გრძლი­ვო­ბა არის 45 წუთი
4. შე­დე­გი დგე­ბა პრო­ცე­დუ­რის დას­რუ­ლე­ბის­თა­ნა­ვე და ეფექ­ტი გრძელ­დე­ბა 1 წელი.

გა­თეთ­რე­ბამ­დე აუ­ცი­ლე­ბე­ლია პა­ცი­ენტს ჩა­უ­ტარ­დეს პი­რის ღრუს პრო­ფე­სი­უ­ლი წმენ­და და სრუ­ლი სა­ნა­ცია (კა­რი­ე­სუ­ლი ღრუ­ე­ბის დაბ­ჟე­ნა), შე­ფას­დეს პა­რო­დონ­ტის ქსო­ვი­ლის მდგო­მა­რე­ო­ბა და მხო­ლოდ ამის შემ­დეგ არის რე­კო­მენ­დე­ბუ­ლი გა­თეთ­რე­ბის პრო­ცე­დუ­რის ჩა­ტა­რე­ბა.

რა არის გა­თეთ­რე­ბის უკუჩ­ვე­ნე­ბა?

1. პა­რო­დონ­ტის ქსო­ვი­ლე­ბის ან­თე­ბი­თი და­ა­ვა­დე­ბე­ბი
2. კა­რი­ე­სუ­ლი და­ზი­ა­ნე­ბე­ბია
3. რა­კა­რი­ე­სუ­ლი და­ზი­ა­ნე­ბე­ბი: სო­ლი­სე­ბუ­რი დე­ფექ­ტი, მი­ნან­ქრის ერო­ზია, მი­ნან­ქრის ბზა­რე­ბი, ძლი­ე­რი ცვე­თა
4. ჰი­პე­რეს­თე­ზია-მო­მა­ტე­ბუ­ლი მგრძნო­ბე­ლო­ბა
5. ორ­თო­დონ­ტი­უ­ლი კონ­სტრუქ­ცი­ე­ბის არ­სე­ბო­ბა
6. ფრონ­ტა­ლურ კბი­ლებ­ზე ბჟე­ნე­ბი­სა და ხე­ლოვ­ნუ­რი გვირ­გვი­ნე­ბის არ­სე­ბო­ბა
7. ორ­სუ­ლო­ბი­სა და ლაქ­ტა­ცი­ის პე­რი­ო­დი
8. 16 წლამ­დე ასა­კი
9. ალერ­გი­უ­ლი გან­წყო­ბა მა­თეთ­რე­ბე­ლი გე­ლის შე­მად­გე­ნე­ლი ნივ­თი­ე­რე­ბე­ბის მი­მართ.

რო­გორ ხდე­ბა ინ­დი­ვი­დუ­ა­ლუ­რი გა­თეთ­რე­ბა სახ­ლის პი­რო­ბებ­ში?

ასე­ვე, ძა­ლი­ან აქ­ტუ­ა­ლუ­რია სახ­ლის პი­რო­ბებ­ში კბი­ლე­ბის გა­თეთ­რე­ბა. ამ პრო­ცე­დუ­რის ჩა­ტა­რე­ბამ­დე აუ­ცი­ლე­ბე­ლია ვი­ზი­ტი სტო­მა­ტო­ლოგ­თან, კონ­სულ­ტა­ცი­ის გავ­ლა, ჯერ პრო­ფე­სი­უ­ლი წმენ­დის ჩა­ტა­რე­ბა და მხო­ლოდ ამის შემ­დეგ სახ­ლის პი­რო­ბებ­ში გა­თეთ­რე­ბის და­წყე­ბა.

გა­თეთ­რე­ბა სახ­ლის პი­რო­ბებ­ში ხდე­ბა პა­ცი­ენ­ტის მიერ ექი­მის­გან და­მო­უ­კი­დებ­ლად, კლი­ნი­კა­ში დამ­ზა­დე­ბუ­ლი ინ­დი­ვი­დუ­ა­ლუ­რი კა­პე­ბის გა­მო­ყე­ნე­ბით. მა­თეთ­რე­ბე­ლი გელი თავ­სდე­ბა კა­პა­ში და პა­ცი­ენტს შე­უძ­ლია ნე­ბის­მი­ერ სი­ტუ­ა­ცი­ა­ში მო­ირ­გოს კაპა, უფრო მო­სა­ხერ­ხე­ბე­ლია ძი­ლის დროს. სახ­ლის პი­რო­ბებ­ში გა­თეთ­რე­ბას სჭირ­დე­ბა სა­შუ­ა­ლოდ 7-10 დღე და არის უფრო ხან­გრძლი­ვი პრო­ცე­დუ­რა სა­ო­ფი­სე გა­თეთ­რე­ბას­თან შე­და­რე­ბით.

აუ­ცი­ლე­ბე­ლია მა­თეთ­რე­ბე­ლი გელი შე­ირ­ჩეს სტო­მა­ტო­ლო­გის მიერ. მათ აქვთ სხვა­დას­ხვა პრო­ცენ­ტუ­ლი შე­მად­გენ­ლო­ბა და ხმა­რე­ბის წე­სე­ბი სხვა­დას­ხვა ტი­პის მი­ნან­ქრის­თვის გან­სხვა­ვე­ბუ­ლია. მოხ­მა­რე­ბის ყვე­ლა წე­სის ზედ­მი­წევ­ნით დაც­ვა რე­კო­მენ­დე­ბუ­ლია მოხ­დეს ექი­მის მი­თი­თე­ბის მი­ხედ­ვით.

აქვს თუ არა გა­თეთ­რე­ბას გვერ­დი­თი ეფექ­ტი?

კბი­ლე­ბის გა­თეთ­რე­ბის პრო­ცე­დუ­რის ჩა­ტა­რე­ბის შემ­დეგ, შე­საძ­ლე­ბე­ლია უმ­ნიშ­ვნე­ლო მგრძნო­ბე­ლო­ბის მო­მა­ტე­ბა, ეს სრუ­ლი­ად ბუ­ნებ­რი­ვია, თუმ­ცა ეს უსი­ა­მოვ­ნო მოვ­ლე­ნა 24 სა­ათ­ში გა­ივ­ლის. ასეთ შემ­თხვე­ვა­ში, პა­ცი­ენტს რემ­თე­რა­პი­ის მიზ­ნით ენიშ­ნე­ბა სპე­ცი­ა­ლუ­რი სამ­კურ­ნა­ლო სა­შუ­ა­ლე­ბე­ბი, რო­მე­ლიც ეხ­მა­რე­ბა პა­ცი­ენტს ჰი­პე­რეს­თე­ზი­ის მოხ­სნ­ში.

რო­გორ შე­ვი­ნარ­ჩუ­ნოთ თეთ­რი კბი­ლე­ბი დიდი ხნის მან­ძილ­ზე?

კბი­ლე­ბის გა­თეთ­რე­ბის შემ­დეგ აუ­ცი­ლე­ბე­ლია პა­ცი­ენ­ტმა და­იც­ვას ე.წ. „თეთ­რი დი­ე­ტა“, 2 კვი­რის გან­მავ­ლო­ბა­ში თავი შე­ვი­კა­ვოთ ფე­რა­დი საკ­ვე­ბი­სა და სას­მე­ლის მი­ღე­ბის­გან, უარი ვთქვათ ნი­კო­ტინ­ზე და 6 თვე­ში ერთხელ ვეწ­ვი­ოთ სტო­მა­ტო­ლოგს, ჩა­ვი­ტა­როთ პრო­ფე­სი­უ­ლი წმენ­და, ამ­გვა­რად შე­ვი­ნარ­ჩუ­ნებთ კბი­ლე­ბის სა­სურ­ველ ფერს და ჯან­მრთელ პი­რის ღრუს.

NS