უნიკალური ნანონაწილაკები კბილის მინანქარს დაზიანებისგან დაიცავს
კბილის ზედაპირზე აღარ მოხდება ბაქტერიული ბიოაპკის წარმოქმნა და შესაბამისად კარიესიც ვეღარ განვითარდება. ბაქტერიების მიერ გამოყოფილი მჟავები შლიან მინანქარს.
მეცნიერები გვთავაზობენ გამოვიყენოთ ნანონაწილაკ ცერიუმის გარკვეული ფორმულა, რომლის ფტორთან და სხვა ელემენტებთან შენაერთის სახით წასმა, როგორც დამცავი საფარველისა, შესაძლებელი იქნება სტომატოლოგის მიერ.
როგორც ცნობილია, პირის ღრუში 700 სახეობის ბაქტერია ცხოვრობს. კბილების გაწმენდის შემდეგ, ეს ბაქტერიები მალევე ისევ ეკვრიან კბილებს და იწყებენ გამრავლებას. ენერგიის წყაროდ და საშენ მასალად შაქრის გამოყენებისას, ბაქტერიები ქმნიან მკვრივ აპკს, რომლის მოშორებაც კბილის ჯაგრისით მარტივი არ არის.
ამას გარდა, ბაქტერიები აგრძელებენ შაქრის მეტაბოლიზმს, ისინი წარმოქმნიან მჟავე გვერდით პროდუქტებს, რომლებიც შლიან კბილის მინანქარს და იწვევენ კარიესს. ცერიუმის ოქსიდის ნანონაწილაკებს ამ მავნე წრის გარღვევის უნარი აქვს. თუმცა ნანონაწილაკების თვისებები და მოქმედება მათი მიღების წესზეა დამოკიდებული.
მეცნიერების აზრით, გარდა კარიესისა, ნანონაწილაკები ღრძილების ანთების შეჩერებასაც შეძლებენ.