“კბილებიანი” პრობლემები - მკურნალი.გე

რუბრიკები

ოჯახის მკურნალის ანონსი

ივლისი 2020

კითხვა-პასუხი

“კბილებიანი” პრობლემები

“კბილებიანი” პრობლემები
სარძევე კბილები - ბავშვს პირველი კბილები 6 თვისას ამოსდის და 2-2,5 წლის ასაკისთვის მას 20 სარძევე კბილი აქვს. ამ სქემაში შეიძლება აღინიშნებოდეს გადახრებიც, ზოგიერთი ბავშვი კი საერთოდ კბილებით იბადება!
ბავშვთა უმრავლესობას კბილებთან დაკავშირებული არავითარი პრობლემა არ აქვს. კბილები უბრალოდ და უმტკივნეულოდ ჩნდება. კბილების რაოდენობა სწრაფი ან ნელი განვითარების მაჩვენებელი არ არის. თუ ბავშვი წუხს კბილების ამოჭრისას, გაღიზიანებულია, უარს ამბობს ჭამაზე და სულ წყლის დალევა უნდა – ეს სიმპტომები მარტო კბილების ამოჭრას არ ახასიათებს, ამიტომ დედას ყურადღება მართებს, რომ სხვა შესაძლო
მიზეზები არ გამოეპაროს.

ხშირად ახალი კბილების ამოსვლის წინაპირობა ჭარბი ნერწყვდენაა. ბავშვს ყველაფრის ღეჭვის სურვილი აქვს, რაც კი ხელში ხვდება.

კბილის ტკივილი – ნებისმიერი ასაკის ადამიანისთვის უსიამოვნო შეგრძნებაა, მაგრამ პატარას ამან განსაკუთრებული უხერხულობა შეიძლება შეუქმნას. რადგან ის ზუსტად ვერ ხსნის, რა სტკივა.

კბილების ამოჭრამ შეიძლება შესივებული
ღრძილების ტკივილი გამოიწვიოს. 2 წლის ასაკისთვის უკვე ყველა კბილი ამოსულია, ამიტომ ამ ასაკის შემდეგ პირის ღრუში ტკივილის მიზეზი სხვა რამ უნდა იყოს.

დაცემამაც შეიძლება გამოიწვიოს კბილის ტკივილი, ამის დიაგნოსტირება პირველ ხანებში ძნელია. ამისათვის საჭიროა პირის ღრუს დათვალიერება – ხომ არ აქვს ბავშვს პირის ლორწოვანი გარსის ან ტუჩების დაჟეჟილობა, პირში სისხლდენა. კბილის ტკივილისას აუცილებელია სტომატოლოგის კონსულტაცია. საწყისმა კარიესმაც შეიძლება გამოიწვიოს კბილის ტკივილი და ვიდრე დაშლილ კბილს აღმოაჩენდეთ, შესაძლოა ბავშვი ეპიზოდურ ტკივილს უჩიოდეს.


პროფილაქტიკა

კარიესი და ღრძილების დაავადებების პროფილაქტიკა შესაძლებელია. მიაჩვიეთ ბავშვი ადრეული ასაკიდან პირის ღრუს მოვლას და მას მთელი ცხოვრება ჯანსაღი კბილები ექნება. ღრძილების დაავადებები მცირე ასაკში იშვიათია, მაგრამ კარიესი ყველაზე პატარების პრობლემაც კი შეიძლება გახდეს.

  • შეზღუდეთ შაქრისა და ტკბილი სასმელების რაოდენობა, რაც უფრო ხშირად ეტანება ბავშვი შაქარს, მით მეტია კარიესის ალბათობა;
  • ფთორის შემცველი კბილის პასტით კბილების რეგულარული ხეხვა კარიესის პროფილაქტიკაა;
  • ტკბილი გაზ­იანი სასმელები შეცვალეთ უფრო სასარგებლო, უშაქრო სასმელებით – მცენარეული ჩაით, ასკილის ნაყენით;
  • არასოდეს მისცეთ ბავშვს ტკბილი სასმელი იმ ბოთლით, რომელსაც ის ღამის განმავლობაში წოვს. ამან შეიძლება გამოიწვიოს კბილების რღვევა;
  • მცირე ასაკიდანვე (რეკომენდებულია 2 წლიდან) სტომატოლოგის კონსულტაცია პრობლემების ადრეულ სტადიაზე გამოვლენისა და მათი დროული ლიკვიდაციის საწინდარია.


კბილების წმენდა

მიაჩვიეთ ბავშვი კბილების გახეხვას საუზმის შემდეგ და ძილის წინ. ეს აუცილებელია კბილების დიდხანს ჯანმრთელად შესანარჩუნებლად.

კბილების წმენდა ბავშვს მათი ამოსვლისთანავე დაუწყეთ. თავიდან გამოიყენეთ თითზე დახვეული რბილი ქსოვილი, შემდეგ კი თანდათანობით გადადით საბავშვო კბილის ჯაგრისზე. გამოიყენეთ საბავშვო, ფთორის შემცველი კბილის პასტა, რომ აირიდოთ კბილების დაშლა. საბავშვო კბილის პასტის ფორმულა ისეთია, რომ ისინი შეიცავს აუცილებელი რაოდენობის ფთორს და ამავდროულად გემოც სასიამოვნო აქვს. ასწავლეთ ბავშვს კბილების გამოწმენდა, თავიდან აქტიურად მოეხმარეთ. ბავშვს ახალ-ახალი კბილის ჯაგრისი უყიდეთ და შეეცადეთ კბილების წმენდა მხიარულ საქმიანობად გადააქციოთ.


თითის წოვა

მშობლები თითის წოვას ტრაგიკულად აღიქვამენ და ფიქრობენ, რომ ეს ცუდია კბილებისთვის. თუმცა ეს ჩვევა იშვიათად აზიანებს კბილებს და ბავშვი თავისთავად ივიწყებს მას.

თითს შეიძლება ბავშვი თავდაჯერებულობის შესაძენად წოვს. აკრძალვით კი თქვენ დამამშვიდებელ საშუალებას უსპობთ მას.

თუ ბავშვს თითის წოვის ან სხვა რამე ზეწოლის გამო კბილები მცირედით წინ წამოუვიდა, ჩვეულებრივ, ისინი თავის ადგილას ბრუნდება ყოველგვარი მკურნალობის გარეშე, როგორც კი ბავშვი თითის წოვას გადაეჩვევა.

ზოგჯერ ბავშვი დიდი ხნის მანძილზე ვერ თავისუფლდება ამ ჩვევისგან, მაშინ საჭიროა ნევროლოგის კონსულტაცია, რომ გამოირიცხოს შფოთვის სიმპტომები, რასაც შეიძლება ის თითის წოვით ახშობდეს.
გააკეთეთ კომენტარი
კომენტარი არ გაკეთებულა
მსგავსი სიახლეები
თუ გინდათ, რომ ჯანმრთელი პირის ღრუსა და კბილები გქონდეთ, ფთორის შემცველი კბილის პასტით გაიხეხეთ კბილები
25-09-2019
პირის ღრუს დაავადებები - კარიესი, ღრძილების დაავადებები, პირის ღრუს სიმსივნეები - დედამიწის მოსახლეობის თითქმის 50% აღენიშნება
06-09-2019
ხერხემალი ადამიანის საყრდენ-მამოძრავებელი სისტემის ცენტრალური ნაწილია.
16-07-2019
დიეტოლოგია
ტვინისათვის სასარგებლო ბოსტნეულიდან დიეტოლოგები
ექიმი-ენდოკრინოლოგი ქეთი ასათიანის რჩევები - ორგანიზმისთვის აუცილებელი მინერალების შესახებ
იოდის დეფიციტი ადამიანის ჯანმრთელობისთვის ძალიან სახიფათოა. იოდის დონის დაქვეითების აღმოსაფხვრელად ექსპერტები
კატეგორიის სხვა სტატიები
კბილის მინანქარს ფოროვანი სტრუქტურა აქვს. ამიტომაც, მასზე ადვილად ვითარდება ლაქები და ნადები.
ღრძილების ანთებისა (გინგივიტის) და ტკივილის ყველაზე ხშირი მიზეზი ინფექციაა.
ზამთარში რაციონში მცირდება ვიტამინებით, მინერალებით, მიკრო- და მაკროელემენტებით მდიდარი პროდუქტების მოცულობა.
ღრძილების ანთებისა (გინგივიტის) და ტკივილის ყველაზე ხშირი მიზეზი ინფექციაა. ამ უკანასკნელს, ჩვეულებრივ, პათოგენური მიკროორგანიზმები იწვევს, ის გამომწვევები, რომლებიც
სიმსუქნე თითქმის ორჯერ ზრდის მძიმე ფორმის კარიესის განვითარების ალბათობას. ტკბილი და მაღალი მჟავიანობის სასმელები კი ჭარბწონიანი
კბილის ზომამ სიგრძეში შეადგინა 3,72 სმ. პაციენტმა ექიმს მიმართა მწვავე ტკივილის გამო. კბილმა, ანომალური ზომების გამო, გამოიწვია ზედა ყბის ანთება.
როდესაც ადამიანი დიდ დროს ატარებს საჭესთან და ფეხით ცოტას დადის, მას შეიძლება ჯანმრთელობის პრობლემები შეექმნას.
ექიმები დიდი ხანია ელიან იმ დროს, როდესაც ცხოვრების ჯანსაღი წესი უბრალო მოდად კი არ ჩაითვლება,
ბოლო დროს საქართველოში ძალიან მომრავლდა ტკიპები, ბუნებას მონატრებულმა ადამიანებმა
ზაფხულის უხერხულ პრობლემათაგან ერთ-ერთი უმთავრესი ჭარბი ოფლიანობაა.
Notice: Undefined variable: new_price in /var/www/mkurnali.ge/public_html/modules/mod_rss_center/tmpl/default.php on line 227 Notice: Undefined variable: old_prcie in /var/www/mkurnali.ge/public_html/modules/mod_rss_center/tmpl/default.php on line 235 Notice: Undefined variable: deffered_price in /var/www/mkurnali.ge/public_html/modules/mod_rss_center/tmpl/default.php on line 243
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად