სატრანსპორტო „კოლაფსი“ სისხლძარღვის სანათურის შევიწროებისას - მკურნალი.გე

რუბრიკები

ოჯახის მკურნალის ანონსი

აპრილი 2021

კითხვა-პასუხი

სატრანსპორტო „კოლაფსი“ სისხლძარღვის სანათურის შევიწროებისას

სატრანსპორტო „კოლაფსი“ სისხლძარღვის სანათურის შევიწროებისას
მიზეზები და შედეგები სისხლძარღვთა სისტემა ჩვენი ორგანიზმის მთავარი სატრანსპორტო მაგისტრალია, რომლის საშუალებითაც ორგანიზმს გულიდან გადმოტყორცნილი სისხლი, მასში გახსნილი საკვები ნივთიერებები და ჟანგბადი მიეწოდება.

საკმარისია მაგისტრალის რომელიმე მონაკვეთზე რაიმე სახის პრობლემა წარმოიშვას, რომ სისხლის ნორმალური მიმოქცევა ფერხდება, ყოველივე კი სატრანსპორტო კოლაფსს იწვევს, რასაც შედეგად ორგანიზმში ჟანგბადის, საკვები ნივთიერებების დეფიციტი და უჯრედოვანი შიმშილი მოჰყვება.

სატრანსპორტო კოლაფსის შესაძლო მიზეზები:


კისრის ოსტეოქონდროზი

კისრის არეში მალათაშუა დისკების ხრტილოვანი ქსოვილის დეფორმაცია იწვევს ახლომდებარე სისხლძარღვებზე ზეწოლას, მათ მიჭყლეტას, სანათურის ცვლილებას, რასაც შედეგად მოჰყვება კისრისა და თავის ტვინის სისხლძარღვებში სისხლის
ნორმალური მიმოქცევის შეფერხება.


არტერიული ჰიპერტენზია

არასტაბილური არტერიული წნევა თრგუნავს სისხლძარღვთა ნორმალურ ფუნქციებს, აქვეითებს მათ მოქნილობას და იწვევს სატრანსპორტო მაგისტრალის ელასტიკურობის დაქვეითებას. სისხლძარღვის კუნთოვანი შრე კარგავს ძალას, გრძელდება, დეფორმირდება, მცირდება ვენური გადინება და სისხლის მიმოქცევაც უარესდება.


ასაკი

სისხლძარღვის სანათურს ასევე ცვლის ასაკობრივი ბიოლოგიური ცვლილებები, რაც იწვევს
სისხლძარღვთა კედლის ტონუსის დაქვეითებას. მათი შიგნითა შრის კედელზე ჩნდება ქოლესტერინული ფოლაქები, რომლებიც დროთა განმავლობაში თანდათან მაგისტრალის კიდევ უფრო მეტ მონაკვეთს მოიცავენ. ვითარდება ათეროსკლეროზად წოდებული მდგომარეობა, რომელიც სისხლძარღვის დამაზიანებელი ყველაზე გავრცელებული მიზეზია.


ათეროსკლეროზი

ათეროსკლეროზი არტერიების გავრცელებული ქრონიკული დაავადებაა, რომლისთვისაც დამახასიათებელია სისხლძარღვის კედელზე ერთეული ან მრავლობითი ქოლესტერინული ფოლაქების ჩალაგება.

ფოლაქები ავიწროებენ სისხლძარღვის სანათურს და სერიოზულ წინაღობას ქმნიან სისხლის ნორმალური გადინებისთვის.


ათეროსკლეროზის ასაკობრივი სტრუქტურა

არსებობს შემთხვევები, როდესაც ათეროსკლეროზული ცვლილებები 20-30 წლის ასაკში ჩნდება. თუმცა ძირითადად იგი 40-49 წლის ასაკში ვითარდება, ამასთან, მამაკაცებს ორჯერ უფრო მეტად უვითარდებათ, ვიდრე ქალებს.

ცოტა მოგვიანო ასაკში ეს სხვაობა აღარ შეიმჩნევა და შემთხვევათა რაოდენობა 70 წლის შემდეგ ერთმანეთს უტოლდება.

ამას თავისი ახსნა გააჩნია: ქალებს ათეროსკლეროზის განვითარებისგან ქალის სასქესო ჰორმონები – ესტროგენები იცავენ, მაგრამ ასაკთან ერთად მათი რაოდენობა იკლებს და შესაბამისად, ათეროსკლეროზის განვითარების რისკიც იზრდება.


მემკვიდრული ფაქტორი

ათეროსკლეროზის განსაკუთრებით მძიმე ფორმა დამახასიათებელია იმ პირებისთვის, რომელთაც აღენიშნებათ ამ მდგომარეობისადმი დადებითი მემკვიდრული წინასწარგანწყობა. ოჯახური ჰიპერქოლესტერინემია (სისხლში ქოლესტერინის მაღალი დონე) – სერიოზული პათოლოგიაა, ამგვარ პირებს უკვე 30 წლის ასაკში აღენიშნებათ სისხლძარღვების ამა თუ იმ ხარისხით გამოხატული დაზიანება, რაც ადრეულ ასაკში გულის იშემიური დაავადების, მიოკარდიუმის ინფარქტისა და ინსულტების განვითარების ალბათობას 20-ჯერ ზრდის, განსხვავებით მათგან, ვისაც მსგავსი მემკვიდრული განწყობები არ გააჩნია. საბედნიეროდ, აღნიშნული მდგომარეობა არც ისე ხშირია.
გააკეთეთ კომენტარი
კომენტარი არ გაკეთებულა
დიეტოლოგია
2020 წელს არაერთი კვლევა ჩატარდა და დადგინდა, რომ ზოგიერთი პრობიოტიკი, სასარგებლო ბაქტერია, ორგანიზმს წონის კლებაში ეხმარება.
მსოფლიო ჯანდაცვის ორგანიზაციის რეკომენდაციით, ადამიანმა თევზი კვირაში ორჯერ უნდა მიიღოს.
კატეგორიის სხვა სტატიები
ორგანიზმის ნებისმიერი აქტივობა: ჭამა, ძილი - ყველაფერი შინაგანი საათით რეგულირდება, რომელიც 24-საათიანი ციკლით ხასიათდებაა.
როდესაც გემრიელ ნამცხვარს შეექცევით, ან რაიმე გიხარიათ, თქვენი ორგანიზმი გამოიმუშავებს ნეირომედიატორებს, რომელიც სიამოვნების შეგრძნებას გვანიჭებს.
ტექნოლოგიების განვითარებამ ადამიანის ცხოვრება რომ სრულებით შეცვალა, ფაქტია.
„შენ გაქვს იმდენი ძალა, რომ ზეგავლენა მოახდინო მატერიაზე, რადგან შენ ენერგია ხარ ცნობიერებით, შენ გონიერი მატერია ხარ" - ეს დოქტორ ჯო დისპენზას ცნობილი გამონათქვამია.
დღეს კინო ინდუსტრია არაერთ ფილმსა თუ სერიალს გვთავაზობს ექიმებზე და ზოგადად სამედიცინო სფეროზე. ისინი დიდი პოპულარობით სარგებლობენ.
სასიყვარულო გრძნობები ზოგჯერ ხანდაზმულ ასაკშიც იჩენს ხოლმე თავს.
ონკოლოგებისათვის კარგად არის ცნობილი, რომ იმუნოთერაპიაზე შვეიცარიაში დიდ იმედებს ამყარებენ.
თუ მეხსიერების პრობლემები გაწუხებთ, გამოიყენეთ გინგკო ბილობა თქვენს სასარგებლოდ.
ძილი და მასთან დაკავშირებული პრობლემები მსოფლიო მოსახლეობის ძალიან დიდ ნაწილს აწუხებს.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად