რითი შეიძლება დავსნებოვნდეთ შინაური ცხოველებისგან
ადამიანები ავადდებიან სალმონელოზით, როგორც წესი, ცხოველური წარმოშობის დაბინძურებული საკვების (ძირითადად კვერცხის, ხორცის, ფრინველის ხორცის და რძის) ჭამით, ცხოველების განავალთან კონტაქტით - თუ არ დაიბანთ ხელებს კატის ტუალეტის გაწმენდის ან ქუჩაში ძაღლის ექსკრემენტების აღების შემდეგ, ან აშკარად ინფიცირებულ ცხოველთან კონტაქტით, მაგალითად, უბრალოდ მოფერებით.
სალმონელოზის სიმპტომები ნებისმიერი სხვა კუჭ-ნაწლავის ინფექციების მსგავსია: ცხელება 38°C-მდე და ზემოთ, ზოგადი სისუსტე, გულისრევა, ღებინება, მუცლის მიდამოში სპაზმები და ტკივილი, დიარეა (ნაწლავებში საკვების სწრაფი გადაადგილების გამო, განავალი შეიძლება იყოს ქაფიანი და მომწვანო).
ადამიანების უმეტესობა მკურნალობის გარეშე გამოჯანმრთელდება დაახლოებით ერთ კვირაში. აუცილებლად მიმართეთ ექიმს, თუ გაქვთ დეჰიდრატაციის ნიშნები, სისხლი განავალში, აუტანელი ღებინება, მკვეთრი ტკივილები მუცლის არეში და არ დაგავიწყდეთ მეტი სითხის დალევა.
სალმონელოზისგან დაცვის საუკეთესო საშუალებაა პოტენციურად საშიში საკვების გაცხელება და პირადი ჰიგიენის დაცვა ანუ საკვები უნდა დამუშავდეს შესაბამის ტემპერატურაზე, მაგალითად კვერცხი კაგად უნდა მოიხარშოს, ასევე ხელები საპნით კარგად უნდა დაიბანოთ.
