რა უნდა გვქონდეს ძაღლისთვის აფთიაქში
ასეთ შემთხვევაში უნდა გვქონდეს მარტივი საშუალებები აფთიაქში, რომელიც სპეციალისტთან ვიზიტამდე დაგვეხმარება.
ანტიჰისტამინური საშუალება - ეს არის პრეპარატები, რომლებიც ალერგიულ რეაქციას შეამსუბუქებს იმ შემთხვევაში თუ ძაღლს რომელიმე მწერმა უკბინა ან შეჭამა უჩვეულო საჭმელი.
ანტისეპტიკური საშუალება - დაგვეხამრება, თუ ძაღლმა რაიმე დაიზიანა ან გაიჭრა. ანტისეპტიკური საშუალებით შესაძლებელია დავამუშავოთ ჭრილობები, მოვახდინოთ ანთებითი ქსოვილის დეზინფიცირება. თუ ჭრილობა დაბინძურებულია, გამოგვადგება წყალბადის ზეჟანგის 3%-იანი ხსნარი.
შემახორცებელი მაზი - პანთენოლი ან მისი ანალოგები უნდა გვქონდეს აფთიაქში, იმისათვის რომ კანი სწრაფად შეხორცდეს.
ანტიბიოტიკის მაზი - მარტივი და მუშა ვარიანტია ლევომიკოლი, რომელიც შეიცავს ანტიბიოტიკს და გააჩნია ანტიმიკრობული მოქმედება. ის ეფექტურია გამონაყარის, ფურუნკულის და კანის სხვა ჩირქოვანი ანთების დროს.
სორბენტი - ბოჭავს მავნე ნივთიერებებს და გამოჰყავს ის ორგანიზმიდან. ეს პირველი დახმარებაა მოწამვლის დროს.
საფაღარათო საშუალება - დაგვეხმარება თუ ძაღლს ყაბზობა აქვს.
სპაზმოლიზური საშუალება - დაგვეხმარება ნაწლავის სპაზმის დროს, შეამსუბუქებს ღებინების პროცესს და მოხსნის კრუნჩხვას.