ვეტერინარია

ყველაზე სასარგებლო ცხოველები

ყველაზე სასარგებლო ცხოველები
მედიკოსებს ადამიანზე ცხოველის დადებითი გავლენა არაერთხელ აღუნიშნავთ. მეცნიერებმა შეადგინეს ადამიანის მკურნალი ცხოველების სია. ყველაზე სასარგებლო ცხოველების ჩამონათვალში შევიდა: კატა, ძაღლი, ცხენი, ფუტკარი და გველი. მეცნიერების მტკიცებით, მათ შეუძლიათ თავიდან აგვაშორონ დიაბეტის, პარკინსონის დაავადებისა და დემენციის სიმპტომები.

საუკეთესო დასტაქრებად აღიარეს კატები. აღმოჩნდა, რომ კატის მოფერებისას, ხელისგულებზე განსაკუთრებული წერტილები სტიმულირდება. დაბალი დიაპაზონის ხმის სიხშირე - კატის კრუტუნი დადებითად მოქმედებს ნერვულ სისტემაზე. ამიტომაა მიჩნეული კატა ნევროზების, დეპრესიისა და გონებრივი მოშლილობის დროს საუკეთესო დამხმარედ.

მეორე ადგილი ძაღლებს ერგოთ. ამ ცხოველის დამსახურებით, ადამიანი მეტს მოძრაობს. სუფთა
ჰაერზე ყოველდღიური გასეირნება გულსისხლძარღვთა სისტემისთვისაა სასარგებლო. გარდა ამისა, ძაღლის ნერწყვს ბაქტერიოციდული თვისება გააჩნია და პატრონის ალოკვა ამცირებს მწვევე რესპირატორული დაავადების რისკს.
ცხენი მესამე ადგილზეა. ექიმები აუტისტ ბავშვებსა და ფსიქიკური დაავადების მქონე პირებს ცხენთან ხშირ კონტაქტს ურჩევენ. ზრდასრულებში ცხენი კურნავს დეპრესიას და დამოკიდებულებას (ალკოჰოლური თუ ნარკოტიკული).

პირველ ხუთეულში შევიდა ფუტკრები და გველი. ფუტკრები სიაში თაფლის სასარგებლო თვისებების გამო მოხვდნენ.

გველის შხამი ვენების, სახსრების პრობლემების სამკურნალო პრეპარატების, ტკივილგამაყუჩებელი საშუალებების საფუძველს წარმოადგენს. ზოგიერთი მეცნიერი გველის შხამით კიბოს მკურნალობასაც კი ცდილობდა.
ზოგადად, დამტკიცებულია, რომ შინაურ ცხოველების გახსენებაც კი აუმჯობესებს განწყობას, აწესრიგებს გულის ცემას და აქვეითებს სტრესის დონეს. საყვარელი ოთხფეხა მეგობრის მოფერებისას, ადამიანში გამოიყოფა სტრესის მომხსნელი „სიყვარულის ჰორმონი“ - ოქსიტოცინი.



ლალი ჩხიკვაძე

მსგავსი სიახლეები
ჩეხი მეცნიერების რჩევით, თუ ადამიანს დიაგნოსტირებული აქვს გულსისხძარღვთა სისტემის დაავადება, მას აუცილებლად უნდა
21-10-2019
დიეტოლოგების განცხადებით, მწვანილის სასარგებლო თვისებები განპირობებულია ვიტამინების, მინერალური მარილების,
08-07-2019
როგორც მედიკოსები ამტკიცებენ, ასაკობრივი კატარაქტა სულაც არ არის გარდაუვალი. როგორც აღმოჩნდა, რიგი ვიტამინებისა
18-05-2019