სოციალურად დაუცველი ბავშვებისთვის ფულადი დახმარების გაცემის სტრუქტურა წლის ბოლომდე გახდება ცნობილი
მინისტრის დავით სერგეენკოს განცხადებით, სოციალურად დაუცველი ბავშვებისთვის ფულადი დახმარების გაცემის სტრუქტურა წლის ბოლომდე გახდება ცნობილი.
კერძოდ, დავით სერგეენკოს თქმით, წლის ბოლომდე დასრულდება მუშაობა საკითხზე, ბავშვებზე გასაცემი 50-ლარიანი დახმარება სრულად მონეტარული იქნება თუ ვაუჩერულ ნაწილსაც მოიცავს.
„სოციალურად დაუცველი ბავშვების თანხა, რომელიც 10 ლარი იყო, გახდა 50 ლარი. რაც შეეხება ამ დახმარების სტრუქტურას, იქნება ეს სრულად მონეტარული თუ მეორე ნაწილი ვაუჩერული, ჩვენ წლის ბოლომდე ამ საბოლოო ვერსიის დამუშავებას დავასრულებთ და მომავალი წლის იანვრიდან ამუშავდება. ახლა გავდივართ ფაქტობრივად, ბოლო ტექნიკურ კონსულტაციებს“, - აღნიშნა დავით სერგეენკომ.