როგორ ავიცილოთ თავიდან მეტეოდამოკიდებულება - მკურნალი.გე

რუბრიკები

ოჯახის მკურნალის ანონსი

აპრილი 2019

კითხვა-პასუხი

როგორ ავიცილოთ თავიდან მეტეოდამოკიდებულება

როგორ ავიცილოთ თავიდან მეტეოდამოკიდებულება
ადამიანის ორგანიზმი სხვადასხვაგვარად რეაგირებს ამინდის ცვლილებაზე. ზოგისთვის ეს მხოლოდ დროებით შეუძლოდ ყოფნაა, ზოგისთვის კი - სერიოზული ავადმყოფობა. ფაქტია, რომ ბოლო პერიოდში სულ უფრო მეტი ადამიანი განიცდის მეტეოდამოკიდებულებას - სხვადასხვა დაავადების სეზონურ გამწვავებას, შეუძლოდ ყოფნას. უარყოფით გავლენას ერთდროულად ახდენს რამდენიმე ფაქტორი: ტემპერატურა და ჰაერის ტენიანობა, ატმოსფერული წნევა, ჟანგბადის კონცენტრაცია, დედამიწის მაგნიტური ველის ზემოქმედების დონე, მზის სისტემის გრავიტაცია, ატმოსფეროს დაბინძურების ხარისხი.


ამინდის ცვლილებაზე განსაკუთრებით მწვავედ რეაგირებენ ანუ უფრო მეტად მგრძნობიარენი არიან გულ-სისხლძარღვთა, სასუნთქი და ნერვული სისტემის პათოლოგიებით დაავადებულები, ისინი, ვისაც დაქვეითებული აქვს
იმუნიტეტი, ვინც გადაღლილი და დასუსტებულია. საზოგადოდ, დაავადებულ ადამიანს უქვეითდება იმუნური სისტემა, შესაბამისად, მისი ორგანიზმი ვერ ახერხებს გარე სამყაროს შეცვლილი პირობებისადმი სწრაფად ადაპტირებას (ანუ გადაწყობას). ამის გამო ამინდის ცვლილებისდაკვალად ადამიანი ცუდად გრძნობს თავს, მისი ჯანმრთელობა და თვითშეგრძნება უარესდება. საყურადღებოა, რომ ჯანმრთელი და გაკაჟებული ადამიანის ორგანიზმში ყველა
ფიზიოლოგიური პროცესი დროულად გადაეწყობა (გარდაიქმნება) გარემო პირობების ცვლილების შესაბამისად, ამიტომ ის უარყოფით გავლენას ვერ აღიქვამს.

მაინც რა სიმპტომები ახასიათებს მეტეოდამოკიდებულებას?
მეტეოდამოკიდებულების სიმპტომებიდან აღსანიშნავია:

  • სისუსტე;
  • ცუდი განწყობა;
  • თავის ტკივილი;
  • სწრაფად დაღლა;
  • ძილიანობა ან პირიქით - უჩვეულო აგზნება და აქტიურობა.

ყველა ეს სიმპტომი ორგანიზმის ჩვეულებრივი (ბუნებრივი) რეაქციაა ატმოსფეროში მიმდინარე ცვლილებებზე და დიდ პრობლემად არ მიიჩნევა, მაგრამ როდესაც ამინდის ცვლილების საპასუხოდ მწვავდება ესა თუ ის ქრონიკული დაავადება, ორგანიზმს საფრთხე ემუქრება და ეს მეტად საყურადღებოა. გულ-სისხლძარღვთა სისტემის ამა თუ იმ პათოლოგიით დაავადებულებს ატმოსფერული წნევისა და ჰაერის ტემპერატურის ცვლილებამდე რამდენიმე საათით ადრე უუარესდებათ თვითშეგრძნება. ქარის მოძრაობის ცვლილებამ შესაძლოა გამოიწვიოს თავის ტკივილი, უმიზეზო მოუსვენრობა და შფოთვა, სისუსტე, სახსრების ტკივილი. გულით დაავადებულთათვის ყველაზე არასასურველი ფაქტორია ჰაერის მომატებული ტენიანობა. სეტყვის მოახლოებისას კი ხშირია უეცარი სიკვდილის შემთხვევები.

როგორ დავაღწიოთ თავი მეტეოდამოკიდებულებას
ორგანიზმი მწვავედ რომ არ რეაგირებდეს მეტეოპირობებზე, სა­ჭიროა მისი გაკაჟება ფიზიკური აქტივობით, ყოველდღიური ვარჯიშით, დღის რეჟიმის დაცვით, დასვენების ჰიგიენით, ძილის მოწესრიგებით, სწორი კვებით, სუფთა ჰაერზე სეირნობით. ყოველივე ეს კომპლექსურად კეთილისმყოფელ გავლენას ახდენს ჯანმრთელობაზე, რადგან უმჯობესდება ნივთიერებათა ცვლა, სისხლის მიმოქცევა, კუნთების ფუნქციობა, კაჟდება ნერვული სისტემა. დიდი მნიშვნელობა აქვს იმუნური სისტემის განმტკიცებას და ამინდის ცვლილებისადმი ორგანიზმის გამძლეობის გამომუშავებას. ამისათვის მრავალი მეთოდია მოწოდებული. ერთ-ერთი გამაჯანსაღებელ-გამაკაჟებელი მეთოდია შხაპისა თუ აბაზანის შემდეგ კისერსა და მხრებზე გრილი (არა გაყინული) წყლის გადავლება. ეს პროცედურა კვირაში ორჯერ უნდა გაიმეოროთ წყლის ტემპერატურის ერთი გრადუსით შემცირებით. დიდი მნიშვნელობა აქვს პროცედურის რეგულარულობას; წინააღმდეგ შემთხვევაში გაკაჟება ეფექტური არ იქნება. მეტიც - არარეგულარულმა პროცედურამ სარგებლობის ნაცვლად შესაძლოა ზიანიც კი მოუტანოს ადამიანს, რადგან ეს ორგანიზმისათვის სერიოზული სტრესია. შეგახსენებთ, რომ გაკაჟება თანდათანობით უნდა მოხდეს და არ უნდა დაიწყოს იმ პერიოდში, როდესაც ადამიანი თავს ცუდად გრძნობს. მეტეოდამოკიდებული ადამიანებისთვის არახელსაყრელ დღეებში რეკომენდებულია სუნთქვითი ვარჯიშების ჩატარება, დღეში რამდენჯერმე. ვარჯიში პირველი: დადექით სწორად, ხელები დაიწყვეთ ბარძაყებზე. ნელა ჩაისუნთქეთ, ისე, რომ მუცელი მაქსიმალურად შეიწიოს შიგნით, შემდეგ უცბად ამოისუნთქეთ. ვარჯიში მეორე: საწყისი პოზიცია იგივეა. ძლიერად ამოისუნთქეთ, მერე, მუცლის მაქსიმალურად შეწევისდაკვალად, რამდენიმე წამით შეიკავეთ სუნთქვა. ამის შემდეგ მოდუნდით. ვარჯიში მესამე: დაჯექით და ფეხები შეატყუპეთ, წელში  გაიმართეთ, ხელები მუხლებზე დაიწყვეთ, თავი დახარეთ და თვალები დახუჭეთ. მოადუნეთ ფეხების, ხელების, მხრების, კისრისა და სახის კუნთები. ნელ-ნელა ჩაისუნთქეთ და 2 წამით შეიკავეთ სუნთქვა.

რა უნდა გახსოვდეთ:

  • დაბალანსებული და რაციონალური კვება იმუნიტეტის განმტკიცების უმნიშვნელოვანესი პირობაა. კვების რაციონი მდიდარი უნდა იყოს ვიტამინებით, მიკროელემენტებითა და უჯერი ცხიმოვანი მჟავებით.
  • მეტეოროლოგი­ურად არასასურველ დღეებში ნაკლებად მიირთვით ხორცეული, ცხიმიანი და შემწვარი საკვები, ერიდეთ ალკოჰოლსა და სანელ­ებლებს. მიეძალეთ მცენარეულ პროდუქტებსა და რძის ნაწარმს.


გააკეთეთ კომენტარი
კომენტარი არ გაკეთებულა
რეკომენდებული პროდუქტები
ნერვული სისტემის გაძლიერებისთვის -60აბი
ფასი: 22.9
კარგი მხედველობის და ნერვული სისტემის ხელშეწყობისთვის-60აბი
ფასი: 28.9
მხედველობის ჯანმრთელობისთვის-30აბი
ფასი: 44.9
ჯანსაღი თმის შესანარჩუნებლად
ფასი: 75
დიეტოლოგია
გულისა და სისხლძარღვებისთვის ყველაზე სასარგებლო სასმელია პომიდვრის წვენი. ის აქვეითებს შაქრის დონეს
ენდრო განსაკუთრებით ეფექტურია შარდკენჭოვანი დაავადების სამკურნალოდ, გამოდევნის წვრილ ქვებსა და
მკვლევარებმა შეადარეს ეფექტი, რომელსაც დაბალი და მაღალი ენერგეტიკული სიმკვრივის პროდუქტები მადასა
კატეგორიის სხვა სტატიები
მშრალი „მყეფავი“ ან კიდევ ღრმა და „სველი“ ხველა შემოდგომა-ზამთრის პერიოდში ბევრი ადამიანის პრობლემაა.
არ არსებობს ადამიანი, რომელსაც ერთხელ მაინც არ განუცდია თავის ტკივილი. ეს უკანასკნელი აქვეითებს
ხველა ერთ-ერთი საყურადღებო სიმპტომია, რადგანაც ის მეტად სერიოზული და ხშირად საშიში პათოლოგიების
ჭარბი ცხიმი უარყოფითად მოქმედებს ჯანმრთელობაზე, ზრდის სიმსივნური პათოლოგიის, შაქრიანი დიაბეტის, გულისა და
ავადობის გარდა, არსებობს ბევრი ფარული მიზეზი, რომელიც შეუმჩნევლად გვართმევს სიცოცხლის ძალებს.
გრონინგენის (ნიდერლანდები) უნივერსიტეტის სპეციალისტებმა ჩაატარეს კვლევა, რომლის საფუძველზეც
აღმოჩნდა, რომ ჯანსაღი კანის მისაღებად მხოლოდ 2 მარტივი ინგრედიენტია საჭირო:
ვიტამინები ორგანიზმის ნორმალური ფუნქციონირებისთვის აუცილებელია. ძირითადად, მათი მიღების მთავარი
გოგრის თესლს უძველესი დროიდან იყენებენ ხალხურ მედიცინაში, როგორც ჭიების საწინააღმდეგო საშუალებას.
თუ შენი ახლობლები ავადმყოფობენ, როგორ უნდა დაიცვა თავი? ხშირად გაწმინდეთ კარის სახელურები, პულტი და სხვ.
+
გახდი რეკომენდებული ექიმი
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
გახდი რეკომენდებული კლინიკა
თუ გსურთ ერთის გარდა რამოდენიმე კლინიკის მითითება დააწექით ღილაკს.
მკურნალის რედაქცია დაგიკავშირდებათ ტექნიკური დეტალების შესათანხმებლად
+
შეტყობინება წარმატებით გაიგზავნა !
მკურნალის რედაქცია დაგიკავშირდებათ ტექნიკური დეტალების შესათანხმებლად