ლალი ჩხიკვაძე

მოისმინო ცოლის რჩევები და ჩაიცვა ისე, რომ ნებისმიერ სიტუაციაში თავი კომფორტულად იგრძნო. იმედი გვაქვს, ჩვენი რჩევები დაგეხმარებათ, მუდამ თავდაჯერებული იყოთ:

• აუცილებელი არ არის, ხარისხიანი სამოსი ძვირი ღირდეს.
• მუქი ფერის სამოსი უფრო შთამბეჭდავად გამოიყურება.
• კლასიკური სამოსი ყოველთვის მოდურია.
• კარგი მანერები და სწორად ჩაცმის ცოდნა პრაქტიკულად ერთი და იგივეა.
• ჰალსტუხი არ უნდა იყოს მოშვებული. თუ ამ აქსესუარს ხმარობთ, მჭიდროდ მოირგეთ.
• სჯობს, გქონდეთ ცოტა, მაგრამ ხარისხიანი სამოსი.
• თუ არ იცით, რა ჩაიცვათ, აირჩიეთ მუქი ლურჯი ან რუხი ფერის სამოსი.

ელეგანტური დეტალები

ყველაფერი ახალი კარგად დავიწყებული ძველია. ამ თეორიას ამტკიცებს ძვირფასი ლითონების პოპულარობის დაბრუნება. ნატურალური ქსოვილის ფონზე ნებისმიერი დეტალი თვალსაჩინოა, ამიტომ ჰალსტუხის დამჭერსაც კი გულდასმით შერჩევა სჭირდება. ასეთი წვრილმანები შესაძლოა ცოტა ძვირი დაგიჯდეთ, მაგრამ შედეგი ამად ღირს. თქვენი მამოძრავებელი იმპულსი დახვეწილობისა და ინდივიდუალური ბრწყინვალებისკენ ლტოლვა უნდა იყოს, რადგან სწორედ ეს განასხვავებს ჯენტლმენს ჩვეულებრივი ადამიანების რუხი მასისგან. მსგავსი დეტალები საოცრად ეფექტური საშუალებაა მიზნის მისაღწევად. გარდა ძვირფასი ლითონებისა, მეტად მნიშვნელოვანია ყოველდღიური აქსესუარები:

• ტევადი პორტფელი და ჩანთა;

მართალია, მამაკაცებს არ უყვართ ჩანთის ხელში დაჭერა, მაგრამ უამრავი საჭირო ნივთის ტარება უხდებათ. ისარგებლეთ ჩანთით, მით უფრო, რომ ზოგიერთი მოდელი მოდურადაც გამოიყურება. ტრადიციული პორტფელი, რომელშიც უნდა მოათავსოთ ქაღალდები და სხვადასხვა მნიშვნელოვანი საგანი, უნდა გამოიყურებოდეს სოლიდურად და პრესტიჟულად, უნდა იყოს ხარისხიანი ტყავისგან, ჰქონდეს მინიმალური გაფორმებები და იყოს ტევადი.

• კალმისტარი;

ყველაზე ხშირად ამ მოდურ და სტატუსურ აქსესუარს მამაკაცებს საჩუქრად უძღვნიან. მაგრამ თუ ეს არ მოხდა, შეიძინეთ კალმისტარი თავად. არ არის აუცილებელი ისარგებლოთ ძვირადღირებული კალმისტრით ყოველდღიურად, მაგრამ გამოიყენეთ მნიშვნელოვანი დოკუმენტების ხელმოსაწერად.

• მობილური ტელეფონი;

მაშინაც კი, თუ მობილურ ტელეფონს იყენებთ მხოლოდ დასარეკად და არ შეგიძლიათ მისი პროგრამირება, მუსიკის გადმოტანა, არ აკეთებთ ფოტოებს, აირჩიეთ ღირსეული მოდელი, რადგან ტელეფონი თქვენი სტატუსის გამოხატულებაა.

მზის სათვალე

მზის სათვალის არჩევისას არ შეჩერდეთ ულტრამოდურ, მყვირალა მოდელზე.უპირატესობა მიანიჭეთ კლასიკურ სტილს. მზის სათვალეც უნდა ასახავდეს და შეესაბამებოდეს მამაკაცის სახეს და სტატუსს. ხოლო დასვენების დროს, მსუბუქი ტანსაცმლისა და შორტების დამატებად შეიძლება შეარჩიოთ რომელიმე ულტრამოდური მზის სათვალე.

საათი

შეარჩიეთ სოლიდური, პრესტიჟული მოდელი, რომელიც შესანიშნავად შეავსებს თქვენს იმიჯს.

რამდენიმე რჩევა საყიდლებზე წასვლის წინ

• საყიდლებზე წასვლისას ეცადეთ ისე შეიმოსოთ, როგორც თქვენს მიერ არჩეული მაღაზიის დონეს შეესაბამება.
• თუ კოსტიუმის შეძენა გაქვთ გადაწყვეტილი, ჩაიცვით ის პერანგი, წინდები და ფეხსაცმელი, რომელთან ერთადაც აპირებთ მის ტარებას.
• გულდასმით მოიზომეთ ტანსაცმელი ყიდვისას.
• სამოსის შეძენისას აუცილებლად ჩაიხედეთ სარკეში.
• სამოსი, რომელიც მაღაზიაშივე ცუდად გამოიყურება, სხვაგან კიდევ უფრო უბადრუკი შესახედაობის იქნება.
• მაღაზიაში განათება ისეა დამონტაჟებული, რომ შესაძლებელი იყოს სამოსის ყველა დეფექტის ნახვა.
• არ იყიდოთ ჩამოფასებული სამოსი მხოლოდ იმიტომ, რომ გაიაფდა. იყიდეთ მხოლოდ მაშინ, თუ ჩამოფასებამდეც შეიძენდით.
• ოდნავ დიდი სამოსი შეგიძლიათ გადააკეთოთ და მოირგოთ, მაგრამ თუ ის პატარაა, სჯობს მაღაზიაში დატოვოთ.
• როდესაც მჭიდრო ფეხსაცმელს ყიდულობთ, არ დაგავიწყდეთ, რომ ამ ფეხსაცმლით სიარული მოგიწევთ.
• გამყიდველის რჩევას ყურს მაინცდამაინც ნუ დაუგდებთ - მისი მიზანი სამოსის გაყიდვაა.
• რა არ შეიძლება:
• ნუ იყიდით ბეჭებში და წელში ვიწრო პიჯაკს.
• სამსახურში იარეთ ფეხსაცმლითა და წინდებით, მიუხედავად ზაფხულის პაპანაქებისა.
• თუ რომელიმე სამოსში შესანიშნავად გრძნობდით თავს ათი წლის წინ, ეს იმას არ ნიშნავს, რომ ახლაც ასე იქნება.
• შარვალი არ უნდა იყოს მოკლე, რათა ყანჩას არ დაემსგავსოთ.
• ქამრის დანიშნულებაა შარვლის დაჭერა და არა ტელეფონებისა და ტექნიკის სხვა მიღწევების ტარება, რომელთა მოთავსება პიჯაკის ჯიბეშიც შეიძლება.
• შარვალი არ უნდა იყოს არც ტომარასავით ფართხუნა და არც მეტისმეტად ვიწრო.
• პერანგის საყელო მეტისმეტად ვიწრო არ უნდა იყოს.