რა არის ასთენია და რა შეიძლება გახდეს მისი გამომწვევი მიზეზი
ის ზოგჯერ ავადმყოფობის დასაწყისში ვლინდება, ზოგჯერ კი ბოლოს.
ასთენიის უამრავი გამომწვევი მიზეზი არსებობს. მათ შორისაა:
- ვიტამინების დისბალანსი, მაგალითად B12 ვიტამინის ნაკლებობა;
- ქრონიკული დაღლილობის სინდრომი;
- ანემია;
- კარდიოვასკულარული დაავადებები;
- დიაბეტი;
- ფილტვების დაავადებები;
- კუნთების დისტროფია;
- ჰიპოთირეოზი
სიმპტომები:
- სისუსტე;
- ადვილად დაღლა;
- ყურადღების კონცენტრირების უნარის დაქვეითება;
- გაღიზიანებადობა;
- მკვეთრი სინათლისა და მაღალი ხმის აუტანლობა;
- ძილი ზედაპირული და მოუსვენარი ხდება
ამ დროს, ადამიანს უჭირს როგორც ჩაძინება, ისე გაღვიძება. ამ ჩივილებს თან ერთვის ემოციური გაუწონასწორებლობა, დეპრესია, შიში.
მწვავე შემთხვევებში, შესაძლოა, ამ სიმპტომებს თან დაერთოს კოორდინაციის დარღვევა, თავბრუსხვევა, მეტყველების გაძნელება, მხედველობის გაუარესება.
ასთენიურმა დარღვევებმა შესაძლოა თავი იჩინოს ნებისმიერი დაავადების განსაზღვრულ ეტაპზე. ზოგჯერ ასთენიური მოვლენები გამოჯანმრთელების შემდეგაც რჩება.
ასთენიის მკურნალობა რთულია. ასთენიის დროს ირღვევა ტვინის განსაზღვრული სტრუქტურების მუშაობა, ამიტომ სეირნობით, დავენებით პრობლემა არ გვარდება. მდგომარეობა რთულდება იმ პირებში, რომლებიც დიდ ქალაქებში ცხოვრობენ და გადატვირთული დღის რეჟიმი აქვთ.
ასთენიური სინდრომის სამკურნალოდ იყენებენ ისეთ პრეპარატებს, რომლებიც ტვინის პრობლემურ უბნებში გროვდება და აღადგენს მათ ფუნქციას, ახდენს ბიოლოგიური რიტმის ნორმალიზებას, აუმჯობესებს მახსოვრობას, ყურადღების კონცენტრაციის უნარს.
წამლის დანიშვნა და დოზების განსაზღვრა ხდება მხოლოდ ექიმის მიერ.