რომელ დაავადებებზე მიგვანიშნებს ტუჩის ფერი
ტუჩების ფერით შეიძლება განვსაზღვროთ ორგანიზმში მიმდინარე პროცესები, ვიმსჯელოთ სისხლისა და ორგანოების დაავადებებზე ან სხეულის ტემპერატურაზე.
თუ ტუჩებმა უეცრად მიიღო მოლურჯო ელფერი, ეს ჟანგბადის შიმშილზე და გულ-სისხლძაღვთა სისტემის პრობლემებზე მეტყველებს. ეს საგანგაშო სიმპტომია, რომელიც სამედიცინო დახმარებას მოითხოვს.
ტუჩებზე ლურჯი არშია მეტყველებს მცირე წრეში სისხლის მიმოქცევის პრობლემებზე, რომელიც შეიძლება განვითარდეს გულის უკმარისობისას. არამწეველ ადამიანებში ტუჩების სიყვითლე ღვიძლის პრობლემებზე მიგვანიშნებს.
ამასთან ზედმეტად ფერმკრთალი ტუჩები ორგანიზმში სასარგებლო ნივთიერებების უკმარისობაზე მიგვანიშნებს. ამის მიზეზი შეიძლება იყოს ანემია, რკინის ნაკლებობა, რომლის დროსაც არა მარტო ტუჩების ფერი იცვლება, კანიც იღებს ცვილისფერ შეფერილობას. მკვეთრი წითელი ტუჩები ალერგიული რეაქციის ან სხეულის ტემპერატურის მომატების მაჩვენებელი შეიძლება იყოს.