თათია მარტიაშვილი

ამ კუნთს ფეხით სიარულისას გამუდმებით ვიყენებთ.

ის თეძოების მოძრაობას უზრუნველყოფს და თუ დაიჭიმა, საჯდომ ნერვს აწვება, რასაც მსხლისებრი კუნთის სინდრომი ეწოდება.

რამ შეიძლება გამოიწვიოს მისი გაღიზიანება?

• გადაჭარბებული ვარჯიში და სირბილი

• ზედმეტი ჯდომა

• მძიმე საგნების აწევა

თუ რამდენიმე კვირის განმავლობაში დუნდულებსა და ფეხებში ტკივილსა და დაბუჟებას განიცდით, ექიმს უნდა მიმართოთ.

აღნიშნული სინდრომის დროს საუკეთესო გამოსავალი კუნთის მასაჟია, რომელიც დაძაბულობისა და დაჭიმულობის განმუხვტაში დაგეხმარებათ.

მასაჟი უნდა იყოს არა სასიამოვნო, თუმცა არც მტკივნეული. თუ ამჩნევთ, რომ მასაჟისას ან მის შემდეგ სიმპტომები გაუარესდა, მასაჟის კეთება უნდა შეწყვიტოთ.

მასაჟის გაკეთება პატარა ბურთის დახმარებით, ან ე.წ როლერის დახმარებით შეგიძლიათ.

ასევე, სასარგებლოა სხვადასხვა გაწელვითი ვარჯიშები.

გაჭიმვებიც დაგეხმარებათ ტკივილის შემსუბუქებაში. ასევე, ყინულის კუბები დაიდეთ 15-20 წუთი, შემდეგ - თბილი საფენები 15-20 წუთი.

კარგია მსუბუქი ვარჯიშიც

დაწექით ზურგზე, მოხარეთ ორივე მუხლი, აწიეთ მარცხენა ტერფი ზემოთ და დადგით მარჯვენა მუხლზე, შემდეგ მარჯვენა მუხლი ნაზად მოიზიდეთ მკერდისკენ და გააჩერეთ 5 წამის განმავლობაში, ნელა დააბრუნეთ ორივე ფეხი საწყის მდგომარეობაში, შემდეგ გაიმეორეთ მეორე ფეხზე.

0.3-6%-ში მსხლისებრი კუნთის სინდრომი რადიკულიტსა და ზურგის ტკივილებს განაპირობებს. ხშირად გვხვდება ქალებში და საშუალო ასაკის მოზრდილებში.

კუნთის მიერ ნერვზე ზეწოლა რადიკულიტს იწვევს.

რადიკულიტის საერთო სიმპტომებია:

• დაბუჟება, ან ჩხვლეტა დუნდულებისა და ფეხის უკანა ნაწილში.

• წვის შეგრძნება აღნიშნულ ადგილებში, რომელიც ძლიერდება ფიზიკური დატვირთვისას, ასევე - დიდი ხნით ჯდომისას.

იმისათვის, რომ აირიდოთ თავიდან მსხლისებრი კუნთის სინდრომი, ვარჯიშამდე კარგად უნდა გახურდეთ, ხოლო თუ მჯდომარე ცხოვრების წესი გაქვთ, პერიოდულად წამოდგეთ სკამიდან, გაიარ-გამოიაროთ და მაქსიმალურად ხშირად ეცადოთ ფეხით სიარულს.