„შენც გესმის? ამ ხმებს ჭკუიდან გადავყავარ“ - ტინიტუსი მიზეზები, დიაგნოსტიკა და მკურნალობის მეთოდები
ტექნიკურმა განვითარებამ ცივილიზაციას ტინიტუსის სახით ახალი სინდრომი მოუტანა. ტინიტუსი - ეს არის ხმაური, წუილი ყურებში.
ის შეიძლება ორმხრივი, ან ცალმხრივი იყოს. დაავადებული ადამიანები ხმას ხეების შრიალს, წუილს, შიშინს, გუგუნს, წკრიალს, ზღვის ტალღების ხმას ამსგავსებენ. ზოგი - ჭრიჭინას ჭრიჭინს. ის ხანმოკლე, ხანგრძლივი, ან მუდმივი ხასიათისაა.
დაავადების მიზეზი
ტინიტუსი სასმენი ორგანოს ნებისმიერმა პათოლოგიამ შეიძლება გამოიწვიოს. ტინიტუსის მქონე პაციენტთა 90%-ს სმენის სხვადასხვა პათოლოგია აღენიშნებათ.• გოგირდის საცობი
• შუა ყურის სხვადასხვა ანთება
• შიგნითა ყურის სასმენი ნერვის ანთება
ტინიტუსი შეიძლება იყოს, როგორც მორფოლოგიური ხასიათის, ასევე ფუნქციური, მაგალითად, გადაღლის შედეგად გამოწვეული ტინიტუსი.
დიაგნოსტიკა
• ოტოსკოპია (ყურში თვალით ჩახედვა)
• აუდიომეტრია, ანუ აუდიოგრამა (დგინდება სმენის დარღვევის ხასიათი)
• კომპიუტერული აუდიომეტრია (ასე დგინდება სმენის ნერვის დაზიანება, თუ ტვინის ღეროს სიმსივნეა მიზეზი)
მკურნალობა
პირველ რიგში, ტინიტუსის გამომწვევი მიზეზის მკურნალობა უნდა ჩატარდეს. ასევე საჭიროა სასმენი აპარატის გამოყენება, თუ სმენა უკვე დაქვეითებულია. გამოიყენება აუდიოთერაპია, ჰაბიტუალური თერაპია.აუცილებელია ინდივიდუალური და კომპლექსური მიდგომა. საჭიროა როგორც მედიკამენტური, ასევე ქცევითი თერაპია. გამოიყენება ინფუზიური თერაპიაც (თერაპიის დროს, ორგანიზმის მიერ სითხის დანაკარგის საკორექციოდ სისხლის ნაკადში სხვადასხვა მოცულობისა და კონცენტრაციის ხსნარები შეჰყავთ).
ქცევითი თერაპია ურბანული ან საყოფაცხოვრებო ხმაურის შემცირებას, კოფეინის, ნიკოტინის, სპირტიანი სასმელების შეზღუდვას გულისხმობს.
ასევე, „შენიღბული ხმაურის“ შექმნა ძილის წინ, მუსიკის, რადიო-ტელე გადაცემების სახით. ტვინმა უნდა დაივიწყოს ჰიპერაქტიური კერები.
არსებობს კისრისა და თავის სარელაქსაციო სხვადასხვა ვარჯიშები.