რა შეიძლება იყოს თავის ტკივილის მიზეზი

არ არსებობს ადამიანი, რომელსაც ერთხელ მაინც არ განუცდია თავის ტკივილი. ეს უკანასკნელი აქვეითებს ადამიანის შრომისუნარიანობას, უარყოფითად აისახება ცხოვრების ხარისხზე. ადამიანი, რომელსაც თავის ტკივილი აწუხებს, ერთი შეხედვით ჯანმრთელად გამოიყურება, თუმცა, მისი შეგრძნება შესაძლოა მეტად მძიმე იყოს.

თავის ტკივილს ხშირად უკავშირდება ყურადღების დეფიციტი, კონცენტრაციის უნარის დაქვეითება, მეხსიერების და მოტივაციის შესუსტება; თავის ტკივილის დროს ადამიანი ზოგჯერ სრულად შრომისუუნაროა, ვერაფერს აკეთებს ან აკეთებს შენელებულად, ტანჯვით, დროის დიდ მონაკვეთში.

თავის ტკივილის მიზეზი შეიძლება იყოს:

• თავის ტვინის სისხლძარღვთა ტონუსის რეგულაციის დარღვევა - (თავის ტვინის არტერიების სპაზმი, უფრო ხშირად ვეგეტატურ გავლენათა შედეგად - შაკიკი და სხვა სისხლძარღვოვანი ტკივილი);
• ლიქვოროდინამიკის დარღვევა - (შეგუბებითი ხასიათის თავის ტკივილი, ქალასშიდა წნევის მომატება);
• კისრის კუნთების გადაძაბვა, კისრის მალების ართროზი ან ცდომა, ხერხემლის კისრის ნაწილის სპონდილოართროზი ან ოსტეოქონდროზი;
• ნევრალგიური დარღვევები - (გარკვეული ნერვული წნულების გაღიზიანებადობის დროს, მაგალითად, სამწვერა ან სმენის ნერვის აგზნება და სხვა);
• ზოგიერთი პრეპარატის ხანგრძლივად ან უკონტროლოდ მიღება - (მაგალითად, ტკივილგამაყუჩებელი საშუალებების).

თინათინ გოცაძე