”მკურნალის” რედაქცია

ყველა „მღრღნელმა“ იცის, რომ უხეში ძალა აქ არ გვიშველის. უმეტეს შემთხვევაში ფრჩხილების კვნეტა ადამიანის ფსიქოლოგიურ მდგომარეობაზე ორგანიზმის ავტომატური რეაქციაა, ანუ პრაქტიკულად შეუძლებელია კონტროლი. სიტუაცია განსაკუთრებულ მიდგომას საჭიროებს. ფრჩხილების კვნეტა შეიძლება იყოს სიგნალი იმისა, რომ დასვენების, სტრესის მოხსნის ან შვებულების დროა. ფრჩხილების კვნეტის მაგივრად გადით აივანზე, დერეფანში ან გაისეირნეთ სახლის ირგვლივ, რაიმე წასუსნეთ მაცივრიდან, გადაიტანეთ ყურადღება სხვა თემაზე და შეცვალეთ გარემო. ბევრი ფრჩხილების კვნეტას მოწყენილობისგან იწყებს. გადაიტანეთ ყურადღება სხვა ნაკლებად მავნე ჩვევაზე, ითამაშეთ მობილური ტელეფონის თამაშები ან შეავსეთ კროსვორდები. ერთ-ერთი სწორი გადაწყვეტილება ხელოვნური, სქელი აკრილის ფრჩხილების გაკეთებაა. ის იმდენად მაგარია, რომ მისი მოკვნეტა მტკივნეული იქნება კბილებისთვის და ყოველი ცდისას უსიამოვნო ქიმიის გემოს იგრძნობთ პირში. შესაძლებელია მკვეთრი ლამაზი მანიკურის გაკეთება ან საღეჭი რეზინის დაღეჭვა. რაიმე თუ გექნებათ გასაკვნეტი, ფრჩხილების კვნეტას ალბათ შეეშვებით. ლალი ჩხიკვაძე