გაამდიდრეთ კვების რაციონი თხილეულით
მომხმარებლები სიცოცხლეს იხანგრძლივებენ და სხვებთან შედარებით იშვიათად იღუპებიან კიბოსა თუ გულისა და სასუნთქი ორგანოების პათოლოგიებით. სწავლულების თქმით, თურმე სულ ერთი მუჭა (დაახლოებით 30 გრამი) თხილის რეგულარულად, კვირაში სულ მცირე, ხუთი დღე მიღება საკმარისია სიცოცხლის ორი წლით გასახანგრძლივებლად.
ჰარვარდელი სწავლულების აზრით, თუ ქალი კვირაში ორჯერ ორ მუჭა თხილეულს შეჭამს, შედეგი 4-საათიან სირბილს გაუტოლდება. დადგინდა ისიც, რომ გულის დაავადებების მქონე ქალებში თითქმის ორჯერ ამცირებს გულის შეტევების რისკს კვირაში 5 დღე ერთი სუფრის კოვზი არაქისის კარაქის მიღება. თუკი აღნიშნულ ულუფას, სულ ცოტა, კვირაში ერთხელ მაინც მიიღებენ მოზარდი გოგონები, ამით აირიდებენ ძუძუს კიბოსწინარე მდგომარეობის წარმოქმნის საფრთხეს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მრავალრიცხოვანი კვლევის მიუხედავად, დღემდე ვერ მტკიცდება, რომ თხილეული წონის მატებას იწვევს. პირიქით, კაკალი წონის კლებას ეხმარება: ადამიანი ადვილად და სწრაფად ნაყრდება ამ პროდუქტით, თხილეულის კალორიის დაახლოებით 10% კი კუჭ-ნაწლავის ტრაქტიდან არ გაიწოვება, ასევე თხილეული აძლიერებს მეტაბოლიზმს, რის შედეგადაც საკუთარი ცხიმის წვა მატულობს.
