ბიოლოგები სამზარეულოში ქცევის წესების დაცვისკენ მოგვიწოდებენ
დანა და სახეხი სამზარეულოში ბაქტერიების ერთ-ერთი ყველაზე აქტიური გადამტანია. სპეციალისტები დაბეჯითებით გვირჩევენ, რომ აღნიშნული საგნები გავრეცხოთ სხვადასხვა პროდუქტის დაჭრისა და გახეხვის შემდეგ. ბაქტერიები არა მარტო სხვა პროდუქტებზე შეიძლება აღმოჩნდეს, არამედ მთელს სახლში გავრცელდეს.
ჯორჯიის უნივერსიტეტის მეცნიერებმა ჩაატარეს ექსპერიმენტი - ლაბორატორიულ პირობებში სხვადასხვა ხილი და ბოსტნეული ბაქტერიულად (სალმონელასა და ნაწლავის ჩხირის მსგავსი პათოგენები გამოიყენეს) დააბინძურეს. კერძოდ, დანით ჭრიდნენ პომიდორს და ნესვსს, რათა დაედგინათ როგორ ვრცელდებოდა ბაქტერიები დანიდან პროდუქტებზე. ამ დროს დანა არ ირეცხებოდა. ექსპერიმენტი გაიმეორეს სახეხზეც (გახეხეს სტაფილო). დანა და სახეხი სამზარეულოში დამატებით ჯვარედინი დაბინძურების წყარო აღმოჩნდა, რადგანაც პათოგენები მარტივად გადადიოდა ერთი პროდუქტიდან მეორეზე. პათოგენების გადაცემის ხარისხი დამოკიდებული აღმოჩნდა თავად პროდუქტის სახეობაზე. მაგალითად პომიდორს უფრო აქტიურად გადაჰქონდა პათოგენები, ვიდრე მარწყვს.
ლალი ჩხიკვაძე