თუ ნანემსარი გაგიმაგრდათ
. ამ უკანასკნელს ერთსა და იმავე უბანში გაკეთებული ინიექციები, ასეპტიკის წესების დაუცველობა და სხვა მრავალი ფაქტორი განაპირობებს. ნანემსარ ადგილზე აბსცესის ჩამოყალიბების მიზეზი ქსოვილთა დაინფიცირებაა. აბსცესი შემოფარგლული ჩირქოვანი ანთებაა. ის ინფილტრატთან შედარებით უფრო რთულად მიმდინარეობს და ზოგჯერ ქირურგიული ჩარევით მთავრდება.
რჩევები
გამაგრებულ ადგილებზე გირჩევთ გამათბობელი (სპირტის) კომპრესი გაიკეთოთ. ის ხელს უწყობს სისხლძარღვთა გაფართოებას. შედეგად ქსოვილებში სისხლის მიმოქცევა უმჯობესდება, გაწოვითი პროცესები ჩქარდება და ნანემსარი უბნის ტკივილი მცირდება. უკუჩვენებას წარმოადგენს ალერგიული რეაქცია და ჩირქოვანი პროცესი. გამათბობელი კომპრესის დადება არ შეიძლება იოდწასმულ უბანზე (კანზე), ასეთ დროს შესაძლოა დამწვრობა განვითარდეს. კომპრესისათვის სპირტი და წყალი თანაბარი რაოდენობით გადაურიეთ. ამ ხსნარში დასველებული დოლბანდი რამდენიმე ფენად დაიდეთ გამაგრებულ ადგილზე, ზედ ცელოფნის ნაჭერი ან კომპრესისათვის განკუთვნილი სპეციალური ქაღალდი დააფარეთ, ისე, რომ ეს მეორე ფენა მთლიანად ფარავდეს დასველებულ დოლბანდს, შემდეგ შალის ქსოვილი დაიფინეთ და ფიქსაციისთვის მოხერხებული ნაჭრით შეიხვიეთ. კომპრესი 20-25 წუთით გაიჩერეთ. დღეში 2-3-ჯერ ჩაიტარეთ.
არსებობს ასეთი ხალხური მეთოდი - გამაგრებულ ნანემსარ უბნებზე ცელოფანს აფენენ და თბილი საცვლით ფიქსაციის წყალობით მთელი დღის განმავლობაში აჩერებენ. პოლიეთილენი ერთგვარ სათბურას ეფექტს ქმნის და გაწოვის პროცესს აჩქარებს.
(ეს პროცედურები რეკომენდებულია იმ შემთხვევაში, თუ სახეზეა ნანემსარი უბნის მხოლოდ გამაგრება და არ აღინიშნება დაჩირქება).
აიღეთ თითო ჩაის კოვზი თაფლი, საჭმლის სოდა, გახეხილი ხახვი, ერთმანეთში გადაურიეთ და წაუსვით კომბოსტოს ფურცელზე. ეს ფურცელი გამაგრებულ უბანზე დაიდეთ, ზედ ბამბის 2-3 სმ-ანი ფენა დაიფინეთ და ჩაითბუნეთ. ზოგიერთი აღნიშნული ნარევის ნაცვლად კომბოსტოს ფურცელზე წასასმელად სარეცხის საპნის, არაჟნისა და თაფლის ნარევსაც იყენებს.
(უკანასკნელი რეცეპტი აბსცესის ანუ დაჩირქებითი პროცესის მიმდინარეობის დროსაც შეგიძლიათ გამოიყენოთ).
რა უნდა გახსოვდეთ
ინექციის ჩატარება აუცილებლად ასეპტიკის წესების დაცვით უნდა მოხდეს. საინექციოდ ყოველ ჯერზე ახალი შპრიცი უნდა გამოიყენოთ.
ყურადღება უნდა მიაქციოთ საინექციო უბანს. ინექცია აუცილებლად დუნდულა კუნთის ზედა გარე კვადრატში განახორციელოთ, ამით თავიდან აიცილებთ ნერვისა და სისხლძარღვის დაზიანებას. ინექციის უბანი ყოველ ჯერზე უნდა ცვალოთ (ანუ მედიკამენტი მონაცვლეობით, ხან მარჯვენა და ხან მარცხენა კუნთში უნდა შეიყვანოთ).
ავტორი თინათინ გოცაძე