ქორწინების პირველი ღამე
ძლიერი მღელვარების გამო მას შესაძლოა ერექცია არც ჰქონდეს. ეს არ არის სქესობრივი სისუსტის ნიშანი - დროებითი მოვლენაა; რამდენიმე დღეში ერექცია აღდგება და სქესობრივი ცხოვრება კალაპოტში ჩადგება.
ყურადღებიანმა, მოსიყვარულე, მზრუნველმა ქმარმა თანდათანობით უნდა შეიყვანოს ცოლი სექსის სამყაროში, არ ეცადოს, რამდენიმე დღეში გააკეთოს ის, რაც 2-3 თვეზეა გათვლილი.
სქესობრივი აქტის წინ მამაკაცის უხეშმა ქცევამ, როდესაც ის მხოლოდ საკუთარ სიამოვნებაზე ფიქრობს, ახალგაზრდა ცოლს შესაძლოა სქესობრივი სიახლოვის შიში გაუჩინოს. ქალი ამ დროს ითრგუნება და სავსებით ემორჩილება მამაკაცის ნებას. მამაკაცი უნდა იყოს ნაზი და ალერსიანი. ჭკვიანი და გამგები ცოლი, თუნდაც პირველ ხანებში სქესობრივი აქტი სიამოვნებას არ ჰგვრიდეს (რაც არცთუ იშვიათია), ყოველთვის სიხარულით იღებს საყვარელ მამაკაცს. ის ფაქტი, რომ ქმარს სიამოვნებას ანიჭებს, ქალისთვის საკმაო კომპენსაციაა.
თანაცხოვრების პირველ დღეებში, რომელსაც ხალხში „თაფლობის თვეს“ უწოდებენ, სქესობრივი აქტი ღამის განმავლობაში მრავალჯერ ხორციელდება, თუმცა ზოგიერთ წყვილს მიაჩნია, რომ განმეორებითი აქტის შესრულება ერთი ღამის განმავლობაში არ შეიძლება. ცხადია, ბევრი რამ არის დამოკიდებული პარტნიორთა ინდივიდუალურ თავისებურებებზეც.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ქორწინების პირველი ღამე ახალშეუღლებულებს მთელი ცხოვრება ამახსოვრდებათ, როგორც მათი ერთობლივი ცხოვრების ყველაზე ამაღელვებელი მოვლენა, ამიტომ აუცილებელია მისთვის მომზადება. ყველაფერი წვრილმანებამდე უნდა იყოს განსაზღვრული, რადგან სწორედ დეტალებისგან იქმნება საერთო ატმოსფერო.
ქორწინების პირველი ღამე, უწინარესად, განსაკუთრებული უნდა იყოს. ახალგაზრდები ცდებიან, როდესაც ამ ცნებას მხოლოდ სექსს უკავშირებენ. მნიშვნელობა არ აქვს, სად გაივლის ეს ღამე, მთავარია, ის სამუდამოდ დაგამახსოვრდეთ. ცოლ-ქმარს კიდევ მრავალი მშვენიერი ღამე ელის, პირველი ღამე კი მხოლოდ ერთხელაა, ამიტომ აქცენტი უნდა დასვათ არა „ღამეზე“, არამედ „პირველზე“. რა უნდა გაითვალისწინოს მამაკაცმა პირველი ღამისთვის მომზადებისას:
არომატი
არომატი სხვადასხვანაირად მოქმედებს ადამიანზე. მან შესაძლოა გამოიწვიოს აღგზნება, რელაქსაცია, ენერგიის მოზღვავება, გააქროს დაძაბულობა. თუ თქვენი პირველი ღამის პროგრამაში ჩართავთ აბაზანას ან მასაჟს, არომატული ეთერზეთები საუკეთესო დანამატი იქნება. არომატული სანთლებიც კარგი გადაწყვეტილებაა, ისინი ოთახში რომანტიკულ გარემოს ქმნიან, ოღონდ ნუ გადააჭარბებთ - სანთლების, ეთერზეთების, სუნამოს ნარევმა შესაძლოა უკუეფექტი გამოიღოს. უმჯობესია შემოვიფარგლოთ ერთით და არ დავიწყოთ ექსპერიმენტები.
უნდა გვახსოვდეს საკუთარი სხეულის სურნელიც. პირველი საქორწილო ღამის წინ შეიძლება გამოვიყენოთ სუნამო ფერომონებით.
თეთრეული
აბრეშუმის თეთრეული საუკეთესო ფონს უქმნის ამ განსაკუთრებულ მოვლენას. ის გვჩუქნის სიმდიდრისა და ფუფუნების შეგრძნებას. აბრეშუმის სარეცელზე მეფე-დედოფალივით იგრძნობთ თავს. მნიშვნელოვანია ფერიც. თეთრი აბრეშუმი ისეთ შთაბეჭდილებას ვერ ახდენს, როგორსაც ფერადი. აი, წითელი აბრეშუმი კი ამ ღამეს დღესასწაულად აქცევს.
განათება
სიბნელე მამაკაცის პირველი მოკავშირეა. მკვეთრად განათებულ ოთახში ქალი კომფორტულად ვერ გრძნობს თავს, განსაკუთრებით - პირველ ღამეს, ამიტომ დაგჭირდებათ სანათურები ან სანთლები.
მუსიკა
დაბალ ხმაზე აჟღერებული მსუბუქი, ეროტიკული მელოდია საოცრებას ახდენს.
სასმელი
რა სასმელს აირჩევთ, მნიშვნელობა არ აქვს, მთავარია, ორივეს მოგწონდეთ. პირველ საქორწილო ღამეს, ჩვეულებრივ, შამპანურს ან წითელ ღვინოს სვამენ. წვენი და მინერალური წყალიც აუცილებელია, რადგან წინ მთელი ღამე გიდევთ. გარდა ამისა, საჭიროა ხილის, ბუტერბროდის ან მსუბუქი საუზმის მომზადება, რადგან ენერგია ორივეს დაგჭირდებათ. მარწყვი, შოკოლადი და სხვა ნუგბარი თავად აარჩიეთ.
პირველი საქორწილო ღამე მეტად მნიშვნელოვანი მოვლენაა. იმაზე, როგორ ჩაივლის ის, ბევრად არის დამოკიდებული ცოლ-ქმრის მომავალი ცხოვრება. რაკი ისეთი მნიშვნელოვანი ნაბიჯის გადადგმა გადაწყვიტეთ, როგორიცაა ქორწინება, მაქსიმალური ძალისხმევაც უნდა გაიღოთ იმისთვის, რომ პირველი საქორწილო ღამე ბედნიერი ოჯახური ცხოვრების დასაბამი გახდეს.
