ტოპ პროდუქტები, რომლებიც ხელს უწყობენ თრომბების პრევენციას და სისხლის გათხელებას - მკურნალი.გე

მაგრამ მათ აქვთ ძლიერი პროფილაქტიკური ეფექტი.

1. ნიორი და ხახვი

შეიცავენ ნივთიერება ალიცინს, რომელიც ბუნებრივი ანტიკოაგულანტია. ის ეხმარება სისხლძარღვების კედლების მოდუნებას და ამცირებს თრომბოციტების ერთმანეთთან შეწებების (აგრეგაციის) რისკს.

2. ჯანჯაფილი (კოჭა)

ჯანჯაფილი შეიცავს სალიცილატს - ბუნებრივ მჟავას, რომელიც ასპირინის მთავარი ქიმიური ანალოგია. ასპირინი კი, როგორც ცნობილია, პირველი წამალია სისხლის გასათხელებლად.

3. კურკუმა

მისი მთავარი აქტიური კომპონენტი, კურკუმინი, მოქმედებს როგორც ანტიკოაგულანტი. ის ბლოკავს გარკვეულ ფერმენტებს, რომლებიც მონაწილეობენ თრომბების წარმოქმნის პროცესში.

4. ცხიმიანი თევზი (ომეგა-3)

ორაგული, სკუმბრია, თინუსი, ქაშაყი - მათში შემავალი ომეგა-3 ცხიმოვანი მჟავები არა მხოლოდ ათხელებს სისხლს, არამედ ამცირებს ორგანიზმში ქოლესტერინის დონეს და ანთებით პროცესებს, რაც იცავს სისხლძარღვებს დაზიანებისგან.

5. კენკრა და ხილი (C და E ვიტამინებით მდიდარი)

ციტრუსები, მოცვი, მარწყვი, ალუბალი, ყურძენი.- შეიცავენ ფლავონოიდებს და ანტიოქსიდანტებს, რომლებიც აუმჯობესებენ სისხლის მიმოქცევას და ხელს უშლიან სისხლის შედედებას.

6. მწვანე ჩაი

მდიდარია კატექინებით, რომლებიც ხელს უწყობენ სისხლძარღვების ელასტიურობის შენარჩუნებას და ხელს უშლიან თრომბოციტების დალექვას.

მნიშვნელოვანი გაფრთხილება! თუ თქვენ უკვე იღებთ სისხლის გამათხელებელ მედიკამენტებს (მაგალითად: ვარფარინი, ქსარელტო, ასპირინი კარდიო), ამ პროდუქტების დიდი რაოდენობით მიღებამ შესაძლოა გააძლიეროს წამლის მოქმედება და გამოიწვიოს სისხლდენის რისკი. ნებისმიერი დიეტური ცვლილების წინ გაიარეთ კონსულტაცია ექიმთან.