რატომ არის ფერმენტირებული საკვები სასარგებლო? - მკურნალი.გე

ლალი ჩხიკვაძე

ჩვეულებრივი ჭიქა კეფირი ან მჟავე კომბოსტოს პორცია შეიძლება ბევრად უფრო ეფექტური იყოს, ვიდრე აფთიაქში შეძენილი პრობიოტიკები.

თავდაპირველად, დუღილს წმინდა პრაქტიკული დანიშნულება ჰქონდა - მოსავლის შენარჩუნება. თუმცა, მეცნიერება ახლა აცნობიერებს ფერმენტირებული საკვების სამკურნალო თვისებებს.

ერთი ჭიქა კეფირი შეიცავს მიკრობების კოლოსალურ რაოდენობას. ისინი აქტიურები არიან და ამ აქტიურობას ინარჩუნებენ კუჭ-ნაწლავის ტრაქტში გავლისას. ფერმენტირებული საკვები არ არის სეზონური საკითხი, არამედ ყოველდღიური რაციონის მნიშვნელოვანი ნაწილია. ის რეგულარულად უნდა მიირთვათ ორგანიზმის შიდა ეკოსისტემაში ბალანსის შესანარჩუნებლად.

მჟავე კომბოსტო ჩართვა რაციონში განსაკუთრებით მნიშვნელოვანია შემოდგომაზე და ზამთარში, რადგან ის ხელს უწყობს იმუნური სისტემის გაძლიერებას და ნაწლავის მიკროფლორის შენარჩუნებას. მჟავე კომბოსტო შეიცავს დიდი რაოდენობით ბოჭკოს და ფიტონუტრიენტებს.

რატომ არის ფერმენტირებული საკვები სასარგებლო?

მთავარი მიზეზი პრობიოტიკებია – ცოცხალი "კარგი" ბაქტერიები, რომლებიც ჩვენს ნაწლავებში ბინადრობენ.

• საჭმლის მომნელებელი სისტემა: პრობიოტიკები აუმჯობესებენ მონელებას, ხსნიან შებერილობას და ეხმარებიან ორგანიზმს საკვები ნივთიერებების უკეთ ათვისებაში.

• იმუნიტეტი: ჩვენი იმუნური უჯრედების დაახლოებით 70-80% ნაწლავებში მდებარეობს. ჯანსაღი მიკრობიომი ნიშნავს ძლიერ იმუნიტეტს.

• ფსიქიკური ჯანმრთელობა: არსებობს პირდაპირი კავშირი ნაწლავებსა და ტვინს შორის (Gut-Brain Axis). ფერმენტირებული საკვების მიღება ხშირად პოზიტიურად მოქმედებს განწყობაზე და ამცირებს შფოთვას.

ყველაზე პოპულარული ფერმენტირებული პროდუქტები

კეფირი

ეს არის რძის ფერმენტირებული სასმელი, რომელიც იოგურტზე გაცილებით მეტ პრობიოტიკს შეიცავს. ის მდიდარია კალციუმით, B12 ვიტამინითა და მაგნიუმით. კეფირი განსაკუთრებით კარგია მათთვის, ვისაც ლაქტოზის მსუბუქი აუტანლობა აქვს, რადგან მასში არსებული ბაქტერიები ლაქტოზას თითქმის სრულად შლიან.

კომბოსტოს მწნილი

მნიშვნელოვანია, რომ მწნილი იყოს დაყენებული მხოლოდ მარილით და წყლით, ძმრის გარეშე. ასეთი მწნილი მდიდარია:

• C და K ვიტამინებით.

• ლაქტობაქტერიებით.

• ბოჭკოთი, რაც ხელს უწყობს ნაწლავების პერისტალტიკას.

მაწონი – ქართული საგანძური

მაწონი ფერმენტირებული რძის პროდუქტების ერთ-ერთი საუკეთესო ნიმუშია. ის გამოირჩევა თავისი უნიკალური მიკროფლორით.

• რით არის განსაკუთრებული? მაწონი შეიცავს სპეციფიკურ ბაქტერიებს (Lactobacillus delbrueckii subsp. bulgaricus და Streptococcus thermophilus), რომლებიც ორგანიზმს ტოქსინებისგან გაწმენდაში ეხმარება.

• დღეგრძელობა: ჯერ კიდევ მე-20 საუკუნის დასაწყისში მეცნიერები კავკასიელების დღეგრძელობას სწორედ მაწვნის რეგულარულ მოხმარებას უკავშირებდნენ. ის ადვილად ასათვისებელია და ბავშვთა კვებაშიც შეუცვლელია.