საკვებისგან გამოწვეული დაღლილობა - ხუთი პროდუქტი, რომელიც მუდმივ დაღლილობას იწვევს
ბევრისთვის ცნობილი სიტუაციაა, როდესაც სამსახურიდან ბრუნდებით და მხოლოდ გახდა და საწოლში ჩავარდნა გსურთ. როგორც წესი, ეს სამსახურიდან გამოყოლილ დაღლილობას მიეწერება, მაგრამ მეცნიერები აღნიშნავენ, რომ მიზეზი შეიძლება იმალებოდეს ზოგიერთ საკვებშიც, რომელიც უკიდურესი დაღლილობის შეგრძნებას იწვევს. და არსებობს ხუთი ასეთი პროდუქტი.
ამერიკელი მკვლევარები აღნიშნავენ, რომ ტირამინის, არტერიული წნევის რეგულირებაში ჩართული მოლეკულის, მაღალმა დონემ შეიძლება გავლენა მოახდინოს დაღლილობისა და დღისით ძილიანობის შეგრძნების ზრდაზე. ხუთი საკვები შეიცავს ამ მოლეკულას დიდი რაოდენობით. ესენია:
- დაძველებული ყველი,
- დამუშავებული ხორცი,
- საფუარზე დაფუძნებული პასტები,
- მარილითა და შაქრით შეზავებული მარინადები,
- გამომშრალი პროდუქტები, როგორიცაა თევზი და ჩირი.
აქედან გამომდინარეობს დასკვნა, რომ დაღლილობის „მკურნალობა“ შესაძლებელია კვების რაციონის შეცვლით.
დაძველებული ყველი მოიცავს ჩედარს, ფეტას, ბრის და პარმეზანს. დამუშავებული ხორცი მოიცავს ძეხვეულს, შახშხს. ზედმეტად მწიფე და გამომშრალი ბანანი ჩირის წარმომადგენლები არიან.
დღისით ძილიანობა შეიძლება იყოს ღამის ძილის დარღვევის ან უხარისხო ძილის ნიშანი და ასევე შეიძლება მიუთითებდეს ჯანმრთელობის ფარულ პრობლემებზე, როგორიცაა ძილის დარღვევა, დემენცია ან გულის უკმარისობა.
შემოდგომაზე ქრონიკული დაღლილობის ერთ-ერთი გავრცელებული მიზეზი
შემოდგომაზე ქრონიკული დაღლილობის სინდრომის ყველაზე გავრცელებული მიზეზი D ვიტამინის ნაკლებობაა. ეს დეფიციტი ხდება დღის საათების შემცირებისა და მზის ნაკლებობის ფონზე. თუმცა, მუდმივი დაღლილობა შეიძლება სხვა მიზეზების გამოაც გამოვლინდეს.
მათ შორისაა ძლიერი სტრესი, ძილის ნაკლებობა, უმოძრაო ცხოვრების წესი და ავადმყოფობის შემდეგ სხეულის დასუსტებული მდგომარეობა.
თუ დეპრესიული მდგომარეობა ორ კვირაზე მეტხანს გრძელდება, მნიშვნელოვანია ექიმთან რაც შეიძლება მალე მისვლა. ეს ხელს შეუწყობს იმის დადგენას, თუ რა აკლია პაციენტის სხეულს ზუსტად - ზოგიერთ შემთხვევაში, ეს არა მხოლოდ D ვიტამინის დეფიციტია, არამედ რკინის, B ჯგუფის ვიტამინების, მაგნიუმის და C ვიტამინის ნაკლებობაც. ასეთ სიტუაციაში სპეციალისტს შეეძლება ვიტამინების ყველაზე შესაფერისი კომბინაციის შერჩევა, რაც ხელს შეუწყობს ჯანმრთელობის აღდგენას.
როგორ გავაუმჯობესოთ ძილის ხარისხი
- დაიცავით ძილის ჰიგიენა: დაძინებამდე მოიშორეთ გაჯეტები, შეამცირეთ ფიზიკური აქტივობა, გამორიცხეთ ღამით კვება, ყავის, ალკოჰოლის, ჩაის დალევა. მნიშვნელოვანია, რომ საწოლში ძილის გარეშე 20-30 წუთზე მეტხანს არ დარჩეთ და ასევე, საწოლი მხოლოდ ძილისა და სექსისთვის გამოიყენოთ. კითხვამ, ჭამამ, ტელევიზორის ყურებამ და სხვაძილისთვისარასაჭირო აქტივობებმა შეიძლება გააუარესოს ასოციაცია „საწოლი - ძილი“.
- დაიცავით ძილის რუტინა: დაწექით და ადექით ერთსა და იმავე დროს, შაბათ-კვირასაც კი.
- იცხოვრეთ აქტიური ცხოვრების წესით: დაკავდით სპორტით, იარეთ სუფთა ჰაერზე, იკვებეთ სწორად.
- რეგულარულად ეწვიეთ ექიმს სამედიცინო გამოკვლევის ფარგლებში.