რომელი საკვები დაგეხმარებათ ძილის გაუმჯობესებაში
ხილსა და ბოსტნეულს მიირთმევენ, ხანგრძლივი და ხარისხიანი ძილი აქვთ.
კვლევა, რომელიც გამოქვეყნდა ჟურნალ „Sleep Health“-ში, აჩვენებს, რომ ხილისა და ბოსტნეულის მიღებამ შეიძლება გამოიწვიოს ხანგრძლივი და შეუფერხებელი ძილი.
კვლევა აჩვენებს, რომ ხილისა და ბოსტნეულის მიღება დაგეხმარებათ ღამით მშვიდად დაძინებაში, ძილის დარღვევების შემცირებით.
ხილსა და ბოსტნეულში შემავალი ბოჭკო და ნახშირწყლები ხელს უწყობს მელატონინის გამომუშავებას, ჰორმონს, რომელიც დაძინებაში გეხმარებათ. დღის განმავლობაში გაანაწილეთ მათი მიღება და თითოეულ კვებას ხილი ან ბოსტნეული დაუმატეთ.
მეცნიერებმა ასევე გააანალიზეს ძილზე სხვადასხვა ფაქტორის გავლენა, მათ შორის:
- მაკრონუტრიენტები - ნახშირწყლები (მათ შორის ბოჭკო), ცილები და ცხიმები
- მიკრონუტრიენტები - ვიტამინები და მინერალები, მათ შორის მაგნიუმი, B6, D ვიტამინი, კალციუმი, ნატრიუმი და თუთია
- საკვების ჯგუფები: ხორცი, რძის პროდუქტები, ხილი, ბოსტნეული, თხილეული და მარცვლეული
შედეგებმა აჩვენა, რომ იმ დღეებში, როდესაც მონაწილეები მეტ ხილს, ბოსტნეულს და ჯანსაღ ნახშირწყლებს მიირთმევდნენ, მათ უკეთ ეძინათ.
უკეთესი ძილისთვის უმჯობესია წითელი და დამუშავებული ხორცის პროდუქტების შეზღუდვა.
თუმცა, ყველა ნახშირწყალი ერთნაირი არ არის ძილის ხელშეწყობის თვალსაზრისით, მაგალითად, მარტივი ნახშირწყლები, როგორიცაა დამატებული შაქარი ან თეთრ პურში არსებული შაქარი, არ დაგეხმარებათ ძილში. რთული ნახშირწყლები, რომლებიც ასევე უზრუნველყოფენ ბოჭკოს და მაგნიუმს, სასარგებლოა ძილისთვის.
ნახშირწყლები
ხილისა და ბოსტნეულის რთული ნახშირწყლები ეხმარება ადამიანებს ჩაძინებასა და ძილის შენარჩუნებაში, რადგან ისინი ორგანიზმს ტრიპტოფანის შეწოვაში ეხმარება.
ორგანიზმი ამ ამინომჟავას იყენებს მნიშვნელოვანი ნეიროქიმიკატების, მათ შორის მელატონინის, ჰორმონის წარმოსაქმნელად, რომელიც აუცილებელია ძილისთვის.
ბოჭკო
ხილი და ბოსტნეული დიდი რაოდენობით ბოჭკოს შეიცავს, რაც მათ ძილის გასაუმჯობესებლად შესანიშნავ არჩევნად აქცევს.
მაგალითად, ერთი ჭიქა ჟოლო 8 გრამ ბოჭკოს შეიცავს. ერთი საშუალო ზომის ვაშლი 4.5 გრამ ბოჭკოს. ბოჭკოებით ყველაზე მდიდარი ბოსტნეულია მწვანე ბარდა, ბროკოლი და ბრიუსელის კომბოსტო.
მაგნიუმი
ხილი და ბოსტნეული ასევე შეიცავს მაგნიუმს, რომელიც ხელს უწყობს ძილს. მაგნიუმის მიღება მწვანე ფოთლოვანი ბოსტნეულიდან შეიძლება. მას რთული ნახშირწყლებიდან, მარცვლეულიდან, თხილეულიდან ვიღებთ.
მაგნიუმი არის აუცილებელი მინერალი, რომელიც ცნობილია ძილის ხელშეწყობით. მაგნიუმი ასტიმულირებს ტვინში სიგნალების გამოყოფას სხეულის მოდუნებისა და დამშვიდებისთვის და ასევე მონაწილეობს მელატონინის გამომუშავებაში.