უსაფრთხოა თუ არა მელატონინის ყოველ ღამე მიღება
ზოგადად უსაფრთხოა ადამიანების უმეტესობისთვის.
მიუხედავად ამისა, მწირი ინფორმაციაა მელატონინის დანამატების ყოველ საღამოს გრძელვადიან პერსპექტივაში (თვეების ან წლების განმავლობაში) მიღების უსაფრთხოების შესახებ. თუმცა, თუ არ არსებობს გარკვეული სამედიცინო ჩვენება, არ არის რეკომენდებული მელატონინის ყოველ ღამით მიღება.
მნიშვნელოვანია, თუ როდის იღებთ მელატონინს, ის უნდა მიიღოთ ძილის წინ ორი-სამი საათით ადრე. ორგანიზმი ჩვეულებრივ იწყებს მელატონინის გამოყოფას ძილის წინ დაახლოებით ერთი-სამი საათით ადრე.
მელატონინის დანამატები: როგორ მუშაობენ ისინი
მელატონინი არის ჰორმონი რომელიც გამოიყოფა თავის ტვინში, დაღამებისას. ის გეხმარებათ ძილ-ღვიძილის ციკლის დარეგულირებაში.
მელატონინის დანამატების მრავალი განსხვავებული ფორმა არსებობს, მათ შორის აბები, სითხეები.
არსებობს გარკვეული სიტუაციები, როდესაც მელატონინი შეიძლება იყოს სასარგებლო. ეს მოიცავს მოკლევადიან საკითხებს, დროებითი უძილობა. მაგრამ ზოგიერთი კვლევა ვარაუდობს, რომ მელატონინის დანამატები ასევე მკურნალობენ ძილ-ღვიძილის დაგვიანებულ ფაზას. მიუხედავად იმისა, რომ მელატონინი შეიძლება დაეხმაროს მოკლევადიანი ძილის პრობლემებს, საჭიროა მეტი გამოკვლევა გრძელვადიანი ეფექტების გასაგებად.
გარდა ამისა, ქრონიკული უძილობის მქონე ადამიანებს (უჭირთ დაძინება სულ მცირე სამი თვის განმავლობაში) შეიძლება მეტად ისარგებლონ იმ სამკურნალო საშუალებებით, რომლებიც მიმართულია ძილზე მოქმედ ფიქრებსა და ქცევებზე.
მელატონინის შესაძლო რისკები
მელატონინის დანამატებს აქვთ რამდენიმე პოტენციური რისკი.
- მელატონინის მოკლევადიანი გამოყენება ზოგადად უსაფრთხოა. მაღალმა დოზამ შეიძლება გამოიწვიოს დღისით დაღლილობა, ძილიანობა, განწყობის ცვალებადობა, თავის ტკივილი, თავბრუსხვევა და ღებინება.
- თუმცა, კვლევის მიხედვით, მელატონინის ნებისმიერი უარყოფითი მოკლევადიანი ეფექტი მინიმალურია და ქრება მას შემდეგ, რაც შეწყვეტთ დანამატის მიღებას.
- მელატონინის დანამატებმა შეიძლება ურთიერთქმედება გარკვეულ მედიკამენტებთან, მათ შორის იმ მედიკამენტებთან, რომლებიც ანელებენ სისხლის შედედებას, ხელს უშლიან კრუნჩხვებს, მკურნალობენ მაღალ არტერიულ წნევას ან დიაბეტს.
მელატონინის დანამატების მიღებამდე უმჯობესია გაიაროთ კონსულტაცია ექიმთან.