გოგრის თესლი და ბროკოლი კარგია მამაკაცის ჯანმრთელობისთვის
საკვები პროდუქტების სწორ არჩევანს შეუძლია საგრძნობლად გააუმჯობესოს მამაკაცის ჯანმრთელობა, დაეხმაროს ორგანიზმს ყოველდღიურ სტრესსა და ასაკთან დაკავშირებულ ცვლილებებთან გამკლავებაში.
- საკვები რაციონის ერთ-ერთი ყველაზე მნიშვნელოვანი ელემენტი უნდა იყოს გოგრის თესლი, რომელიც მდიდარია თუთიით. ეს უკანასკნელი პასუხისმგებელია ტესტოსტერონის დონის შენარჩუნებასა და პროსტატის ჯანმრთელობისთვის.
- ასევე მნიშვნელოვანია ცხიმიანი თევზი, რომელიც მდიდარია ომეგა -3 ცხიმოვანი მჟავებით. ეს ნივთიერებები ამცირებს ანთებას, იცავს გულ-სისხლძარღვთა სისტემას, ახდენს არტერიული წნევის ნორმალიზებას და აუმჯობესებს ტვინის მუშაობას. ვიტამინი D, რომელიც გვხვდება ისეთი სახეობის თევზში, როგორიცაა ორაგული და სკუმბრია, ხელს უწყობს ჰორმონალური ბალანსის შენარჩუნებას და ძვლოვანი ქსოვილის გაძლიერებას, რაც ძალზე მნიშვნელოვანია ინტენსიური ფიზიკური აქტივობის დროს.
- პომიდორი შეიცავს ლიკოპენს, რომელიც არის ძლიერი ანტიოქსიდანტი. ის ამცირებს პროსტატის კიბოს რისკს და აუმჯობესებს გულ-სისხლძარღვთა სისტემის ჯანმრთელობას. მოხარშული ან ჩაშუშული პომიდორი უკეთ შეიწოვება და შეიცავს C ვიტამინს და კალიუმს, რომლებიც აუცილებელია ძლიერი იმუნიტეტისა და არტერიული წნევის ნორმალიზებისთვის.
გარდა ამისა, კარგი იქნება მენიუში კეშიუს დამატება. ის მდიდარია თუთიით, მაგნიუმით და ჯანსაღი ცხიმებით. კეშიუ ეხმარება ორგანიზმს ტესტოსტერონის დონის ნორმალიზებაში, სტრესის მართვაში და ხელს უწყობს შრომის უნარის შენარჩუნებას მთელი დღის განმავლობაში.
- ბროკოლი, სულფორაფანის შემცველობის გამო, ასევე შედის მამაკაცებისთვის მნიშვნელოვანი საკვების სიაში. ამ ნაერთს აქვს ძლიერი ანტიოქსიდანტური თვისებები, იცავს უჯრედებს, ამცირებს ანთებას და აძლიერებს სხეულის იმუნურ დაცვას.
დაბალანსებული კვების რაციონი, რომელიც მოიცავს ყველა ჩამოთვლილ პროდუქტს, დაეხმარება მამაკაცებს ენერგიის, გულის ჯანმრთელობისა და რეპროდუქციული ფუნქციის შენარჩუნებაში.
რომელია საუზმეზე ყველაზე ჯანსაღი ხილი
საუზმეზე ფაფაში შეგიძლიათ დაამატოთ გრეიფრუტი და ანანასი.
ზოგიერთი ხილი კარგია საუზმეზე ფაფაში დასამატებლად, მაგრამ მშიერ კუჭზე ის არ უნდა მიირთვათ.
სმუზში ან ფაფაში შეგიძლიათ დაამატოთ გრეიფრუტი, კივი და ანანასი. ისინი ორგანიზმს მუხტავენ ენერგიით C ვიტამინის წყალობით დახელს უწყობენ საჭმლის მონელებას მათში არსებული მცენარეული ფერმენტების წყალობით. ბანანისგან განსხვავებით, მათი ჭამაუზმოზე არ შეიძლება, რადგან ძლიერ აღიზიანებს ლორწოვან გარსს. ეს ხილი განსაკუთრებით სასარგებლოა წონაში დაკლების მსურველთათვის.
ბანანის არჩევისას აირჩიეთ ოდნავ მწვანე და არა გადამწიფებული ხილი. ის შეიცავს ნაკლებ შაქარს და სახამებელს, რომელიც იცავს ლორწოვან გარსს სხვა პროდუქტების აგრესიული ზემოქმედებისგან.
ავოკადო ყველაზე ნოყიერი ხილია. ის მდიდარია C, A და E ვიტამინებით, ჯანსაღი უჯერი ცხიმებითა და ბოჭკოებით, და დიდხანს გვინარჩუნებს დანაყრების გრძნობას, რადგან საკმაოდ კალორიულია. ავოკადოში დაბალია შაქრის შემცველობა და კარგად ეხამება ისეთ კერძებს, როგორიცაა კვერცხი და პური.
