რა არის და რატომ იზრდება «ლუდის მუცელი»?
როგორ მოქმედებს ქაფიანი ცივი სასმელი (ზაფხულის ცხელ დღეებში სასიამოვნო დასალევი) ჩვენს ჯანმრთელობაზე და რატომ აქვთ ლუდის მოყვარულებს ხშირად ჭარბი წონა.
ლუდს არ შეიძლება ეწოდოს დაბალკალორიული პროდუქტი (100 მლ ლუდი შეიცავს დაახლოებით 43 კკალს). ლუდი შემადგენლობაში შედის მარცვლეული, საფუარი და სვია. ის ხელს უწყობს მადის გაზრდას და შეიძლება გამოიწვიოს დისპეფსიური მოვლენები (მაგალითად: გართულებული საჭმლის მონელება, ყაბზობა, გულისრევის შეგრძნება, აირების დაგროვება მუცელში ან დიარეა). ლუდი არ უნდა მიირთვან ფსიქიკური აშლილობის ან კუჭ-ნაწლავის პრობლემების მქონე ადამიანებმა, მისი გამოყენება უკუნაჩვენებია ქალებში ორსულების დროს და ლაქტაციის პერიოდში.
არსებობს კვლევები, რომლთა საშუალებითაც დასტურდება რომ ლუდის დალევა აუცილებელია შარდკენჭოვანი დაავადების დროს (საშარდე გზებიდან წვრილი ქვების მოსაშორებლად). თუმცა, აქ შეიძლება ბევრი "მაგრამ" იყოს. მოკლედ რომ ვთქვათ: ლუდის გახანგრძლივებული მოხმარებით, მას, პირიქით, შეუძლია ხელი შეუწყოს თირკმელებში ურატული ქვების წარმოქმნას (ანუ ეფექტი იქნება საპირისპირო, რაც მოსალოდნელი იყო).
სვია შეიცავს ნივთიერებებს, რომლებიც შემადგენლობით ქალის სასქესო ჰორმონების მსგავსია - ეს არის ეგრეთ წოდებული ფიტოესტროგენები. რამდენად საზიანო შეიძლება იყოს ფიტოესტროგენები? ლუდის მცირე რაოდენობით დალევა ჯანსაღ ორგანიზმს არ დააზარალებს და ფიტოესტროგენები მასზე სერიოზულ გავლენას არმოახდენს.
- შეშუპების, წონის მომატებისა და „ლუდის მუცლის“ გაჩენის მთავარი მიზეზი ფიტოესტროგენები არ არის. მაშინ რა შეიძლება იყოს?
ლუდი მაღალკალორიული პროდუქტია. გარდა ამისა, ის შეიცავს მალტოზას, ალაოს შაქარს, რომლის ჭარბი რაოდენობით მიღებამ შეიძლება ხელი შეუწყოს ჭარბი წონის და სიმსუქნის განვითარებას. გარდა ამისა, ლუდი გაზრდის თქვენს მადას. არ უნდა დაგვავიწყდეს, რომ ადამიანების უმეტესობა, ვინც ლუდს სვამს, აქტიურადმიირთმევს არაჯანსაღ საკვებს: ცხიმიან, შემწვარ, მარილიან საკვებს - თხილეულს, კრეკერს, ჩიფსს, ცხელ სოუსებში ფრთებს, შებოლილ, მარილიან თევზს.
ყველა ჩამოთვლილი პროდუქტი შეიცავს ადვილად მოსანელებელ ნახშირწყლებს, „ცარიელ“ კალორიებს, ტრანსცხიმებს, რაც ხელს უწყობს ორგანიზმში სითხის შეკავებას, რის გამოც ჩნდება შეშუპება და „ლუდის მუცელი“ იზრდება და ყალიბდება.
ასევე - და არანაკლებ მნიშვნელოვანი - ლუდის რეგულარული მოხმარება იწვევს ალკოჰოლზე დამოკიდებულებას. ლუდი ალკოჰოლია და მეტი არაფერი. ბევრი უფრო ჯანსაღი და სასიამოვნო სასმელია ვიდრე ლუდი.