ტკივილის თავიდან ასაცილებლად: 3 მარტივი და ეფექტური გაჭიმვა კისრის ტკივილისთვის
დიდხანს მუშაობთ კომპიუტერთან ან ძალიან დიდ დროს ატარებთ ტელეფონზე? ნებისმიერ შემთხვევაში, დიდი ალბათობით, თქვენი კისრის კუნთები მუდმივ დაძაბულობაშია. და მათ შეუძლიათ თავი შეგახსენოთ მხრების, კისრის ან თავის ტკივილით.
მარტივი გამოსავალი: 3 მსუბუქი გაჭიმვა, რომელიც უნდა გააკეთოთ სამუშაო დღის განმავლობაში და აუცილებლად საღამოს, როცა სამუშაოს დაასრულებთ - მაშინვე თავს უკეთ იგრძნობთ!
იდაყვის სწორი ფიცარი
დაწექით იატაკზე პირქვე, ფეხები გამართული, ხელები მხრების სიგანეზე, იდაყვებზე დაყრდნობილი. ნელა აწიეთ მენჯი იატაკიდან ისე, რომ მთელმა სხეულმა, ქუსლებიდან თავის თხემის ნაწილამდე, სწორი ხაზი შექმნას. გააჩერდით ამ პოზაში 10-30 წამის განმავლობაში, შემდეგ დაუბრუნდით საწყის პოზიციას. გაიმეორეთ რამდენჯერმე.
გადაბრუნებული ფიცარი
დაჯექით იატაკზე, ფეხები გაშალეთ წინ, ხელები უკან სწორიად მოთავსეთ, ხელისგულები იატაკზე თეძოს დონეზე იყოს განთავსებული, თითებით წინ. ხელისგულებზე დაყრდნობილი, აწიეთ მენჯი იატაკიდან რაც შეიძლება მაღლა, შეეცადეთ გაჩერდეთ ასეთ მდგომარეობაში 10-15 წამის განმავლობაში, შემდეგ ნელა დაუბრუნდით საწყის პოზიციას. გაიმეორეთ რამდენჯერმე.
ძროხის თავი
დაჯექით სწორად. ზურგი გამართული გქონდეთ, ფეხები პირდაპირ თქვენს წინ გაშალეტ. მარჯვენა ხელი მაღლა ასწიეთ, მარცხენა ხელი ზურგს უკან მოათავსეთ. მოხარეთ იდაყვები და შეეცადეთ თითები ზურგს უკან დაიჭიროთ. თუ ეს არ გამოგივათ, აიღეთ ქამარი ან სარტყელი.
მიიწიეთ თითები ერთმანეთისკენ მაქსიმალურად, რათა რეალურად იგრძნოთ კუნთების დაძაბულობა, შემდეგ შეცვალეთ ხელები და გაიმეორეთ ვარჯიში.
კისრის ტკივილი არის ტკივილის შეგრძნება, რომელიც ვითარდება ხერხემლის კისრის არეში. ადამიანების თითქმის ორ მესამედს ცხოვრებაში ერთხელ მაინც განუცდია კისრის ტკივილი - ცერვიკალგია. ასეთი ტკივილი ყოველთვის არ მიუთითებს სერიოზულ დაავადებაზე. მაგრამ თუ რეციდივები უფრო და უფრო ხშირად ხდება, ეს შეიძლება იყოს გამაფრთხილებელი ნიშანი.
ტკივილის სახეები
პირობითად, ცერვიკალგიის მიზეზები იყოფა ორ ჯგუფად:
1. ხერხემლის დაავადებებით (მალათაშუა დისკების თიაქარი, ართროზი, მალთაშუა სახსრების ფუნქციის დარღვევა) განპირობებული და ხერხემლის მალების ქვეამოვარდნილობა (ტრავმული დაზიანება). ასეთი დაზიანებების შედეგები შეიძლება გამოვლინდეს მთელი ცხოვრების განმავლობაში;
2. წარმოშობილი სხვა მიზეზების გამო: ინფექციური და ენდოკრინული დაავადებები, სიმსივნური პროცესები, რევმატიზმი.
კისრის კუნთების ხანგრძლივი დაძაბვა, დაჭიმულობა და ჰიპოთერმია იწვევს ზომიერი ინტენსივობის და ხანმოკლე ხანგრძლივობის ტკივილს. ამ შემთხვევაში ხშირიათავის მოძრაობის შეზღუდვა და კისრის კუნთების სპაზმი, რომლის დროსაც იგრძნობა შებოჭილობა და ტკივილი დაჭერისას.