ექსპერტები მწეველებს ურჩევენ მეტი პომიდვრის ჭამას
ჯონს ჰოპკინსის უნივერსიტეტის (აშშ) მეცნიერთა კვლევის შედეგები გამოქვეყნდა ჟურნალში European Respiratory Journal-ში.
მკვლევარებმა გააანალიზეს გერმანიაში, ნორვეგიასა და დიდ ბრიტანეთში მცხოვრები 680 ადამიანის მონაცემები, რომელთა საშუალო ასაკი 2002 წელს დაახლოებით 44 წელი იყო. კვლევის მონაწილეებმა უპასუხეს დეტალურ კითხვებს მათი კვებითი რაციონის შესახებ და ასევე მათ ჩაუტარდათ სპირომეტრია, პროცედურა, რომელიც ზომავს რამდენად კარგად ფუნქციონირებს ფილტვები. ცნობილია, რომ ფილტვების ჟანგბადის მოხმარების უნარის დაქვეითება ზრდის ფილტვის კიბოს, ფილტვების ქრონიკული ობსტრუქციული დაავადების (COPD, ფქოდი) და გულის დაავადებების რისკს. ათი წლის შემდეგ იგივე ადამიანებს კვლავ ჩაუტარეს სპირომეტრია.
შეგროვებული მონაცემების ანალიზმა აჩვენა, რომ რაც უფრო მეტი პომიდორი, ბანანი და ვაშლი იყო მონაწილეთა კვების რაციონში, მიუხედავად იმისა, ეწეოდნენ თუ არა, მით უკეთესი იყო მათი ფილტვების ფუნქციური მდგომარეობა ბოლო ათი წლის განმავლობაში. ეს ხილი და ბოსტნეული განსაკუთრებით სასარგებლოა მათთვის, ვინც მოწევას თავი დაანება. ანტიოქსიდანტები, რომლებსაც უხვად შეიცავს პომიდორი, ბანანი და ვაშლი, დაეხმარა ეფექტურად აღადგინოს მოწევით დაზიანებული ფილტვები და შეანელა ფილტვების ფუნქციის დაქვეითება, რომელიც დაკავშირებულია დაბერებასთან.
უპირველეს ყოვლისა, საუბარია კაროტინოიდ ლიკოპენზე, რომელსაც უხვადა შეიცავს პომიდორი. ადრე ჩატარებულმა კვლევებმა აჩვენა, რომ ლიკოპენი ამცირებს სასუნთქ გზებში ანთებას და ხელს უწყობს სასუნთქი გზების გარსის აღდგენას. სწორედ ამიტომ, რაც უფრო მეტ პომიდორს ჭამდნენ მწეველები და ყოფილი მწეველები ყოველდღიურად, მით უკეთესი იყო მათი სუნთქვის ჯანმრთელობა, წერენ კვლევის ავტორები.
„ფილტვის ფუნქცია 30 წლის ასაკიდან ქვეიტდება. როგორც ჩვენმა კვლევამ აჩვენა, ამ ბუნებრივი დაბერების პროცესის სიჩქარე შეიძლება შენელდეს ხილითა და ბოსტნეულით მდიდარი დიეტით. „და ეს მეთოდი მუშაობს როგორც იმ შემთხვევაში, თუ არასდროს მოწევთ და როცა მოწევას თავი დაანებეთ“, - თქვა კვლევის წამყვანმა ავტორმა ვანესა გარსია-ლარსენმა. კერძოდ, ის თვლის, რომ COPD-ის განვითარების მაღალი რისკის მქონე ადამიანებისთვის რეკომენდებულია, კვების რაციონში პომიდვრის შეტანა. ამ პროდუქტმა შეიძლება შეანელოსდაავადების შემთხვევების რიცხვი მსოფლიოში.
ფქოდ-ი ფილტვების ქრონიკული ობსტრუქციული დაავადებაა – ხასიათდება სასუნთქ გზებში ჰაერის ნაკადის მოძრაობის მუდმივი, ჩვეულებრივ, პროგრესირებადი შეზღუდვით და დაკავშირებულია ფილტვების ქრონიკულ ანთებით რეაქციასთან, მავნე ნაწილაკების ან აირების ზემოქმედების საპასუხოდ.
ფქოდ-ი – გავრცელებული დაავადებაა, რომლის თავიდან აცილება და მკურნალობა შესაძლებელია.
ფქოდ-ით მსოფლიოში დაავადებულია 65 მლნ ადამიანზე მეტი (WHO-ის მიხედვით). უმეტეს ქვეყნებში დიაგნოსტირებულია დაავადებულთა მხოლოდ 6-10%, რაც ჰიპოდიაგნოსტიკის მაჩვენებელია. ფქოდ-ის გართულებებით მსოფლიოში ყოველწლიურად 4 მლნ ადამიანზე მეტი იღუპება.
საქართველოში ფქოდ-ი საკმაოდ გავრცელებული დაავადებაა, გულ-სისხლძარღვთა, ნერვული და სასუნთქი სისტემის მწვავე დაავადებათა შემდეგ.