რა უნდა გააკეთოთ, თუ ჭარბი საკვები მიიღეთ: 7 სასარგებლო რჩევა, რომ თავი უკეთ იგრძნოთ
როგორ შევამციროთ უარყოფითი შედეგები უფრო სწრაფად რომ მოვეგოთ გონს.
დალიეთ წყალი
არ არის საჭირო ჩაისხათ იმდენი წყალი, რომ გულისრევამდე მიხვიდეთ, ერთი ჭიქა სრულიად საკმარისი იქნება მძიმე ჭამის შემდეგ. წყალი ხელს შეუწყობს საჭმლის მონელებას, თუ თქვენ მიირთმევთ მშრალ ხორცს, და დაგეხმარებათ ზედმეტი მარილის მოცილებაში, რომელიც, სავარაუდოდ, ჭარბად მიიღეთ საკვებით. განაგრძეთ წყლის დალევა მთელი დღის განმავლობაში, რათა დატენიანდეთ და თავი უკეთ იგრძნოთ.
გაისეირნეთ
მსუბუქი სეირნობა ხელს შეუწყობს საჭმლის მონელების სტიმულირებას და სისხლში შაქრის დონის დაბალანსებას. გასეირნება შეიძლება ველოსიპედითაც კი იყოს შესაძლებელი. მთავარია არ ზედმეტი არ მოგივიდეთ, თქვენი მიზანია არა რეკორდის დამყარება, არამედ მხოლოდ თავისუფლად გასეირნება.
არ წამოწვეთ
გვესმის, რომ დაწოლა გინდათ, მაგრამ ეს ცუდი იდეაა. უპირველეს ყოვლისა, თქვენ ხელიდან გაუშვებთ შანსს დაწვათ ზედმეტი კალორია, რომელიც ახლახან მიიღეთ საკვების საშუალებით. სულ მცირე, შემოუარეთ სახლს გარშემო და მცირედი სამუშაოები შეასრულეთ. ამასთან, ექიმები არ გვირჩევენ სავსე მუცელით წამოწოლას: წოლას შეუძლია მჟავას რეფლუქსის გამწვავება, ძილი ასევე ანელებს საჭმლის მონელებას.
კალორიების დაწვა
დაელოდეთ დაახლოებით სამ-ოთხ საათს ნოყიერი ჭამიდან და როდესაც იგრძნობთ, რომ საკვები დაიშალა, დაიწყეთ ვარჯიში. არ აქვს მნიშვნელობა რა არის ეს: სირბილი, ძალოვანი ვარჯიში თუ რომელიმე სპორტული თამაში. ფიზიკური აქტივობა დააჩქარებს თქვენს მეტაბოლიზმს, ხელს უშლის ყაბზობას და დაგეხმარებათ ზედმეტი კალორიების დაწვაში.
უარი თქვით გაზიან სასმელებზე
რაც აუცილებლად არ უნდა გააკეთოთ ეს არის კვების შემდეგ გაზიანი სასმელის მიღება. გაზიანმა სასმელმა შეიძლება გაგიუარესოთ მდგომარეობა, რადგან კუჭი უკვე სავსეა. და სასმელიდან მიღებული ყველა ბუშტი არ გამოდის ბოყინის სახით, ზოგი აგრძელებს საჭმლის მომნელებელ სისტემაში მოგზაურობას, რაც უკვე რთულია ზედმეტი ჭამის შემდეგ.
ნუ დაამთავრებ საჭმლის ნარჩენებს
თქვენ უკვე ზედმეტად მიირთვით, ყველაზე ცუდი, რისი გაკეთებაც შეგიძლიათ ამ შემთხვევაში, არის აიძულოთ თავი შეჭამოთ თქვენი თეფშზე დარჩენილი ულუფები. ისარგებლეთ ხანგრძლივ ქეიფის დროს პაუზით, შესვენების შემდეგ დაუბრუნდით კერძს.
მეტი საკვები, მაგრამ ნაკლები კალორია
არ დაუშვათ იგივე შეცდომა შემდეგ კვებაზე. მაშინაც კი, თუ მადა გაგიძლიერდებათ, აირჩიეთ უფრო მსუბუქი, დაბალკალორიული კერძები, რათა არ გაამწვავოთ სიტუაცია და ორგანიზმს გამოჯანმრთელების საშუალება მისცეთ. მოერიდეთ ცხიმიან ხორცს, ახალ თეთრ პურს, შემწვარ კარტოფილს. მთლიანი მარცვლეული უფრო შესაფერისი იქნება ვიდრე ბრინჯი ან მაკარონი. ბოჭკოვანიც არ გაწყენთ!