მცენარეები კიბოს წინააღმდეგ - მკურნალი.გე

ლალი ჩხიკვაძე

რომელი პროდუქტი იცავს ორგანიზმს სამი სახის კიბოსგან

შავ მოცხარს აქვს ეს თვისება. არსებობს მტკიცებულება სამი სახის კიბოსგან დაცვის შესახებ.

ის შეიცავს ანთოციანინებს, რომლებიც ამცირებს ფილტვის კიბოს, საყლაპავის კიბოს და კანის კიბოს რისკს.

• მოცხარს შეიძლება ეწოდოს ყველაზე ჯანსაღი კენკრა.
• შავი მოცხარის ჭამა ასევე აუმჯობესებს ნაწლავის პერისტალტიკას კენკრაში არსებული უხეში მოუნელებელი საკვები ბოჭკოების შემცველობის გამო.

რომელი ორი ბოსტნეულია მნიშვნელოვანი კიბოს პროფილაქტიკისთვის

ჯვაროსანთა ოჯახის ბოსტნეული, როგორიცაა კომბოსტო და ბროკოლი, ამცირებს კიბოს რამდენიმე სახეობის რისკს. ამის შესახებ UK Express-ს განუცხადა ბრიტანელმა დიეტოლოგმა და კომპანია Wiley's Finest-ის კონსულტანტმა ტორალ შაჰმა.

ექიმის თქმით, ჯვაროსანთა ოჯახის ბოსტნეულის მაგალითებია ბროკოლი, კომბოსტო, ყვავილოვანი კომბოსტო და ბრიუსელის კომბოსტო, ბოლოკი და მრავალი სხვა. მათ შემადგენლობაში შემავალი ბოჭკოების (მცენარეული დიეტური ბოჭკოების) წყალობით ისინი ასტიმულირებენ საჭმლის მონელებას, რაც მნიშვნელოვანია ნაწლავის კიბოს პროფილაქტიკისთვის.

ბოჭკო ასევე საკვები ნიადაგია ნაწლავის სასარგებლო ბაქტერიებისთვის.

გარდა ამისა, ჯვაროსანთა ოჯახის ბოსტნეული შეიცავს ვიტამინებს, მინერალებს და კაროტინოიდებს, რომლებიც სასარგებლოა ჯანმრთელობისთვის.

• ამ საკვების მოხმარებისას სხეული აწარმოებს აქტიურ ნაერთებს, როგორიცაა ინდოლი და სულფორაფანი. ისინი აქვეითებენ კიბოს განვითარების რისკს ანთების საწინააღმდეგო თვისებების და მეტასტაზების თავიდან აცილების უნარის გამო.