ლალი ჩხიკვაძე

ამიტომ ძალიან მნიშვნელოვანია ამ ფაქტორის კონტროლი.

მარილის ჭარბი მიღება შეიძლება გამოვლინდეს ორი ნიშნით -

• შეშუპებით,
• მაღალი წნევით.

ორივე მათგანი გამოწვეულია ორგანიზმში სითხის შეკავებით.

შეშუპება ასახავს მარილისა და წყლის ჭარბ კონცენტრაციას ქსოვილებში. უპირველეს ყოვლისა, ის ჩნდება სახეზე (თვალების, ლოყების არეში), შემდეგ კიდურებზე (ძირითადად თითების შეშუპება). უფრო გამოხატული და ფართოდ გავრცელებული შეშუპება ჩვეულებრივ ასოცირდება სხვა მდგომარეობებთან (გულის, თირკმელების ან ვენური სისხლძარღვების დაავადებებთან).

ნატრიუმის ჭარბად მიღებასთან დაკავშირებული შეშუპება ყველაზე ხშირად ვლინდება დილით და ქრება სადილზე ან საღამოს.

მათ პროვოცირებას უწევს გარკვეული საკვების მოხმარება, როგორიცაა: დამარილებული თევზი, ძეხვეული და ხორცის სხვა პროდუქტები, სწრაფი კვების კერძები, ყველი, სხვადასხვა ბოსტნეულის მწნილები.

ასეთი კერძები წყურვილსაც იწვევს და მარილის პარალელურად ორგანიზმში დიდი რაოდენობით სითხე ხვდება და მარილის ჭარბი რაოდენობით გამოყოფა ნელდება და ამგვარად ჩნდება შეშუპება. მეორე გამოვლინებაა არტერიული წნევის მომატება.

წნევის მატება გამოწვეულია იმით, რომ ნატრიუმი აკავებს წყალს, რაც ზრდის სისხლძარღვების კედლებზე წნევას.

არტერიული წნევის მატება იწვევს სახიფათო შედეგებს: ინსულტი, მიოკარდიუმის ინფარქტი, სიბრმავე და თირკმლის დაზიანებას თირკმლის უკმარისობის განვითარებით. დიეტაში მარილის შეზღუდვა ხელს უწყობს არტერიული წნევის დაქვეითებას და ამცირებს მედიკამენტოზურ დატვირთვას (ანტიჰიპერტენზიული თერაპიის საჭიროების შემცირებით).

მაღალი წნევის ან შეშუპებისკენ მიდრეკილმა ადამიანებმა საგრძნობლად უნდა შეზღუდონ მარილის მიღება - 3 გ-ზე ნაკლები დღეში. ეს რაოდენობა გვხვდება ჩვეულებრივ საკვებში, თუ მას მარილი არ ემატება. ანუ რეკომენდაცია ასეთია: მოაშორეთ სამარილე სუფრიდან და არაფერს მარილი არ მოაყაროთ, რადგან ჩვეულებრივი საკვებიც შეიცავს ნატრიუმის იონებს (ანუ მარილს).

თუ ამ რეკომენდაციის შესრულება რთულია, რადგან არ მოგწონთ უმარილო საკვების გემო, მაშინ შეგიძლიათ გამოიყენოთ ჰიპონატრიუმის მარილი, რომელიც ნატრიუმის გარდა შეიცავს კალიუმის და მაგნიუმის იონებს, რომლებიც სასარგებლოა გულისა და სისხლძარღვებისთვის. ამ მარილს ოდნავ განსხვავებული გემო აქვს, მაგრამ შეიძლება იყოს ჩვეულებრივი სუფრის მარილის ალტერნატივა.

ჯანმრთელ ადამიანებს შეუძლიათ მოიხმარონ 5 გრამამდე მარილი. ეს არის, როგორც წესი, მომზადებული კერძები, რომლებსაც მომზადების პროცესში უმატებენ მარილს.