თავის ტკივილთან გამკლავების მარტივი გზები
თავის ტკივილისას, დაუყოვნებლივ მიიღეთ ტკივილგამაყუჩებელი საშუალება, წინააღმდეგ შემთხვევაში ტკივილის შედეგები გაღიზიანების, დაძაბულობისა და სტრესის სახით გამოიწვევს მისი განვითარების ახალ მიზეზებს.
ამავდროულად, ტკივილგამაყუჩებლების უკონტროლო გამოყენებამ შეიძლება გამოიწვიოს გვერდითი მოვლენები: საჭმლის მომნელებელი სისტემის პრობლემები, თირკმელებისა და ღვიძლის დაავადებები.
თავის ტკივილი იწვევს უამრავ უხერხულობას, ტკივილის მოხსნა შესაძლებელია მედიკამენტების დახმარებით. თუმცა, ეს არ არის გამოსავალი, რადგან მისი მიზეზი შეიძლება იყოს განსხვავებული: ვაზოსპაზმი, სინუსიტი, ხერხემლის გამრუდება, წნევის უეცარი მატება.
ამ შემთხვევაში შეამცირეთ ტკივილის მიზეზი.
- აუცილებელია დაგროვილი საქმეების გადადება, მეტი დასვენება და საღამოს დროულად დაძინება. ასევე დალიეთ მეტი წყალი, განსაკუთრებით ცხელ სეზონზე.
- თუ თავის ტკივილი უკვე დაწყებულია, დაისვენეთ (იდეალურად გრილ, ბნელ ოთახში), მიირთვათ ან დალიეთ რაიმე ტკბილი, გაისეირნეთ, თუ ეს შესაძლებელია, მიიღეთ თბილი შხაპი ან აბაზანა, საფეთქებზე დაიდეთ გრილი კომპრესი. ნაზად დაიმასაჟეთ საფეთლქები, შუბლი, კისერი, მხრები.
- როდესაც თქვენ გაქვთ ძლიერი თავის ტკივილი, და არასასურველია მედიკამენტების მიღება, შეგიძლიათ სცადოთ შეტევის მოხსნა ხალხური მეთოდებით. თუ არ ხართ ალერგიული, შეგიძლიათ დალიოთ ჩაი თაფლით ან ჯანჯაფილით, რამდენიმე წვეთი ეთერზეთი დაიწვეთეთ თითებზე და საფეთქლებზე მსუბუქად შეიზილეთ.