რატომ არის კარგი ჭამის შემდეგ სიარული?
ჭამის შემდეგ რამდეგ ხანში უნდა იაროთ?
მიუხედავად იმისა, რომ ექსპერტებს აქვთ არაერთგვაროვანი მოსაზრებები იმის შესახებ, თუ რამდენად სწრაფად უნდა იაროთ ჭამის შემდეგ, რეკომენდაციია, რომ კარგია მოძრაობა რაც შეიძლება მალე, იდეალურია ჭამიდან ნახევარ საათში.
არ არსებობს მკაცრი წესები იმის შესახებ, თუ რამდენ ხანს უნდა იაროთ. შესაძლებელია სარგებლობის მიღება ხანმოკლე, ნელა სეირნობითაც კი. შეგიძლიათ დაიწყოთ ხანმოკლე სეირნობით და თანდათან გაზარდოთ სიარულის ხანგრძლივობა.
რატომ არის კარგი ჭამის შემდეგ სეირნობა
კარგია სისხლში შაქრის დონის კონტროლისთვის
კვლევებმა აჩვენა, რომ ჭამის შემდეგ სიარული კარგია სისხლში შაქრის დონის კონტროლისთვის.
სიარული მოითხოვს კუნთების მუშაობას, ხოლო ეს პროცესი წვავს გლუკოზას, როგორც საწვავს ამ სამუშაოს შესასრულებლად. შედეგად, ჭამის შემდეგ სიარული ამცირებს სისხლში გლუკოზის დონეს როგორც დიაბეტით დაავადებულ პაციენტებში, ასევე ჯანმრთელ პირებში.
ხელს უწყობს გულის ჯანმრთელობას
კვირაში სამჯერ, 20 წუთის განმავლობაში სიარული მნიშვნელოვნად ამცირებს არტერიულ წნევას.
სიარულმა შეიძლება დადებითად იმოქმედოს ქოლესტერინის დონეზე. კვლევამ ასევე აჩვენა, რომ სიარული მნიშვნელოვნად ამცირებს "ცუდი" ქოლესტერინს, რომელიც ბლოკავს არტერიებს.
ხელს უწყობს წონის დაკლებას
ინტენსიური აერობული აქტივობებით შეიძლება მეტი კალორია იწვება, მაგრამ სიარულიც არანაკლებ მნიშვნელოვანია წონის დაკლებისთვის. ამ დროს სასარგებლოა დაყოთ სიარულის პერიოდები, მაგალითად ერთი გრძელი გასეირნების ნაცვლად ისეირნოთ ორჯერ 25 წუთის განმავლობაში. მრავალჯერადი ყოველდღიური სეირნობის უპირატესობა ის არის, რომ ეს მიდგომა ხშირად ანაცვლებს იმ დროს, როცა ადამიანები სხვაგვარად ატარებენ ჭამის შემდეგ, მაგალითად ჯდომა. და მაშინაც კი, თუ წონის დაკლება არ არის მიზანი, ჭამის შემდეგ სეირნობა მაინც დაგეხმარებათ წონის მართვაში. ჭამის შემდეგ სიარული ხელს უწყობს მადის რეგულირებას და ამცირებს საჭმლის მიღებას კვებებს შორის, რაც ასევე დაგეხმარებათ წონის მართვაში.
შეიძლება გააუმჯობესოს ძილი
ისეთი აქტივობები, როგორიცაა სიარული, დაგეხმარებათ ღამით დაძინებაში. კვლევებმა აჩვენა, რომ ადამიანები, რომლებიც დღეში საშუალოდ მეტს დადიოდნენ, უკეთესად იძინებდნენ ღამით. ჭამის შემდეგ სეირნობას შეუძლია გააუმჯობესოს ძილის ხარისხი ცირკადული რიტმების დარეგულირებით და მონელების გაუმჯობესებით.
შეიძლება გააუმჯობესოს განწყობა და ფსიქიკური ჯანმრთელობა
სიარული ხელს უწყობს ტვინში ჰორმონების გამოყოფას, რომლებიც ხელს უწყობენ დეპრესიის შემცირებას და განწყობის გაუმჯობესებას. კვლევებმა აჩვენა, რომ კვირაში ხუთი დღე 20 წუთიანი სეირნობა მნიშვნელოვნად ამცირებს დეპრესიის რისკს.სხვა კვლევამ აჩვენა, რომ კვირაში მხოლოდ სამი დღე ხანმოკლე გასეირნება საკმარისი იყო შფოთვის, დეპრესიისა და სტრესის სიმპტომების შესამცირებლად. სიარულს შეუძლია გააუმჯობესოს ფსიქიკური ჯანმრთელობა, რადგან ის ამცირებს სტრესის ჰორმონების რაოდენობას, როგორიცაა ადრენალინი და კორტიზოლი და ხელს უწყობს ენდორფინების გამოყოფას, რომლებიც აუცილებელია განწყობის ამაღლებისთვის და სტრესის შემცირებისთვის.