მარიამ ფოლადაშვილი

მთლიანი მარცვლეული ბოჭკოს მაღალი შემცველობით გამოირჩევა.

რა განსხვავებაა ყავისფერ ბრინჯსა და თეთრ ბრინჯს შორის?

ყავისფერი ბრინჯი მთლიანი მარცვლეულია, რაც ნიშნავს, რომ ის ნაკლებად დამუშავებულია და შეიცავს მეტ საკვებ ნივთიერებას.

ყავისფერი ბრინჯი მეტ მაგნიუმს, კალიუმს და მანგანუმს შეიცავს. ეს ნუტრიენტები მხარს უჭერენ საერთო ჯანმრთელობას და გულის ჯანმრთელობას არტერიული წნევის(კალიუმი) რეგულირებით, ენერგეტიკული ბალანსის და გულის რიტმის რეგულარულობის (მაგნიუმი) ხელშეწყობით და ანტიოქსიდანტურ დაცვაში (მანგანუმი) მონაწილეობით.

ყავისფერი ბრინჯი ასევე შეიცავს მეტ B1, B3, B6 ვიტამინს, ფოსფორს და ბოჭკოს.

ბოჭკო მნიშვნელოვანია, რადგან ის ხელს უწყობს წონისა და ქოლესტერინის მართვას. კვლევების მიხედვით, ყავისფერი ბრინჯის ყოველი 50 გრამი ამცირებს ტიპი 2 დიაბეტის რისკს.

თეთრი ბრინჯი

თეთრი ბრინჯი ძირითადად მოკლებულია მიკროელემენტებს და მხოლოდ ცარიელი კალორიაა.ის ასევე ითვლება მაღალი გლიკემიური ინდექსის მქონე საკვებად, რაც ნიშნავს, რომ მას შეუძლია სისხლში შაქრის დონის სწრაფი მომატება.

მაღალი გლიკემიური ინდექსის გათვალისწინებით, რეკომენდებულია თეთრი ბრინჯი ცილებითა და ბოჭკოებით მდიდარ საკვებთან ერთად მიიღოთ, რათა ხელი შეუწყოთ სისხლში შაქრის უკეთეს მართვას.