როგორ შევამციროთ თმის შეღებვისგან მიყენებული ზიანი
შესაძლებელია თუ არა ამის თავიდან აცილება?
პირველი და მთავარი წესი პროფესიონალური საშუალებების გამოყენებაა. საყოფაცხოვრებო საღებავები შეიცავს ამიაკის მაღალ კონცენტრაციას, რომელიც საზიანოა თმისთვის. გარდა ამისა, პროფესიონალური ხაზები შეიცავს კვების და მოვლის სხვადასხვა კომპონენტებს, რომლებიც მიზნად ისახავს კანისა და თმის მოვლას (ისინი მინიმუმამდე ამცირებენ გაღიზიანებას და თმის კუტიკულების დაზიანებას).
- რეგულარულად შეღებვისას, საჭიროა მხოლოდ ძირების შეფერვა, და არა თმის მთელი სიგრძის. ასევე შეგიძლიათ თმის სტილისტთან განიხილოთ საღებავის გამოყენება ამიაკის კომპონენტების უფრო დაბალი კონცენტრაციით თმის სიგრძეზე. ასევე არსებობს ამიაკის გარეშე საღებავები, მაგრამ ისინი მხოლოდ აფერადებენ თმას და არ ღებავს ჭაღარა თმას.
შეღებვის შემდეგ რეკომენდირებულია ზეთებსა და სილიკონებზე დაფუძნებული პროდუქტების თმაზე წასმა, რადგანაც შეღებვის დროს იხსნება თმის კუტიკულები.
ეს უკანასკნელი გარდაუვალია, ვინაიდან იმისათვის, რომ საღებავი თმაზე მყარად მოეჭიდოს, მას სჭირდება „გზის გაკვალვა“ პროდუქტების დახმარებით, რომლებიც ხსნიან კუტიკულებს.
შეღებვის შემდეგ, უნდა გამოიყენოთ მკვებავი ნიღბები თმის ტენიანობით გაჯერებისთვის. მნიშვნელოვანია სპეციალისტთან განხილვა, თუ რომელი ნიღბების გამოყენება შეიძლება და რომელი არა, რადგან ზოგიერთი მათგანი აშორებს პიგმენტს.