კალციუმის ნაკლებობის ნიშნები
კალციუმი დიდ როლს ასრულებს სისხლის შედედებაში, კუნთების შეკუმშვასა და გულის ჯანმრთელობაში.
კალციუმი აუცილებელია ძვლის უჯრედების ფორმირებისთვის და ძვლის ჯანმრთელობის შესანარჩუნებლად.
D ვიტამინი ეხმარება ორგანიზმს კალციუმის და ფოსფორის ათვისებაში, რაც ხელს უწყობს ძვლების ჯანმრთელობის შენარჩუნებას. D ვიტამინის გარდა, კალციუმი ასევე მუშაობს სხვა საკვებ ნივთიერებებთან ძვლის სიმკვრივის გასაძლიერებლად, რომელიც მოიცავს K ვიტამინს, მაგნიუმს და კალიუმს.
გასათვალისწინებელია, რომ ორგანიზმის მიერ კალციუმის შთანთქმის სიჩქარე მკვეთრად მცირდება, როდესაც მოიხმართ იმაზე მეტს, ვიდრე გჭირდებათ. კლივლენდის კლინიკის განმარტებით, კვლევებმა აჩვენა, რომ ჭარბი კალციუმი შეიძლება დაგროვდეს სხეულის ქსოვილებში, რაც ხელს უწყობს ჯანმრთელობის პრობლემებს, როგორიცაა თირკმლის ქვები, ყაბზობა და გულის პრობლემები.
კალციუმის დეფიციტის ნიშნები
თუ არ იღებთ საკმარის კალციუმს, სიმპტომები შეიძლება დროთა განმავლობაში გამოვლინდეს.
კალციუმის დეფიციტის ყველაზე გავრცელებული ნიშნები
- კუნთების კრუნჩხვა ან სისუსტე;
- გულისცემის რიტმის დარღვევა;
- დაბუჟება, ან ჩხვლეტა თითებში;
- მეხსიერების გაუარესება ან დაბნეულობა;
- სუსტი ან მტვრევადი ფრჩხილები
მცენარეულ საკვებში არსებულ კალციუმს აქვს მეტი ბიოშეღწევადობა, ვიდრე რძის პროდუქტებში შემავალ კალციუმს.