მარიამ ფოლადაშვილი

მოძრაობის პრიორიტეტიზაცია, მაღალი ხარისხის ძილი და სტრესის მართვის გზების პოვნა ჯანსაღი ცხოვრების წესის ჩვევებიდან მხოლოდ რამდენიმეა. ის, რასაც მიირთმევთ ასევე დიდ გავლენას ახდენს ჯანმრთელობაზე. სხვადასხვა ტიპის სითხეების ჩართვა რაციონში არანაკლებ უწყობს ხელს ჯანმრთელობის შენარჩუნებას.

კარდიოლოგის აზრით, გულისთვის სასარგებლო 4 სასმელია:

წყალი

ჰიდრატაციის შენარჩუნება გადამწყვეტია ჯანმრთელობის თითქმის ყველა ასპექტისთვის, დაწყებული საჭმლის მონელებიდან, ენერგიისა დაგანწყობის გაუმჯობესების ჩათვლით. წყალი მნიშვნელოვან როლს ასრულებს სხეულის ყველა უჯრედისა და ორგანოს ფუნქციონირებაში.

ორგანიზმში არსებული ყველა ქიმიური პროცესი მოითხოვს წყალს, როგორც რეაგენტს მუშაობისთვის და არც გულია გამონაკლისი.

გული მუდმივად ტუმბავს სისხლს ორგანიზმში, დაახლოებით 7,600 ლიტრს დღეში. კარგი ჰიდრატაცია ეხმარება გულს უფრო ადვილად გადაიტანოს სისხლი კუნთებში, რაც ეხმარება კუნთებს უფრო ეფექტურად იმუშაოს. მეორეს მხრივ, დეჰიდრატაციამ შეიძლება გაართულოს გულის სისხლის მიმოქცევა. გული სითხის ნაკლებობის კომპენსირებას შეეცდება უფრო სწრაფად ცემით, მაგრამ გაზრდილმა გულისცემამ შეიძლება გამოიწვიოს დაძაბულობა და ხელი შეუწყოს პრობლემებს.

ყოველდღიური რეკომენდაციებია 3,7 ლიტრი სითხე მამაკაცებისთვის და 2,7 ლიტრი სითხე ქალებისთვის. მათ, ვინც ბევრს ვარჯიშობს ან ოფლიანობს, ისევე როგორც ცხელ კლიმატში მცხოვრებმა ადამიანებმა, ცოტა მეტი წყალი უნდა მიიღონ.

მწვანე ჩაი

ის მდიდარია ძლიერი ანტიოქსიდანტებით, განსაკუთრებით ეპიგალოკატექინ გალატით, რომელიც ხელს უშლის ათეროსკლეროზის განვითარებას და არტერიებში ნადების დაგროვებას.

ანტიოქსიდანტებმა შეიძლება შეამსუბუქოს ტკივილი ანთების შემცირებით. ასევე ხელს უწყობენ დაჟანგვისა და თავისუფალი რადიკალების მიერ უჯრედების, დნმ-ის დაზიანების თავიდანაცილებას, რაც ხელს უწყობს კიბოს პრევენციას.

გარდა ამისა, მწვანე ჩაი მოქმედებს როგორც შარდმდენი საშუალება, რამაც შესაძლოა ზოგიერთ ადამიანში შეამციროს და დაარეგულიროს არტერიული წნევა.

შვრიის რძე

შვრიის რძე არის ადვილად ასათვისებელი, დაბალცხიმიანი, მცირე რაოდენობით შაქრის შემცველი სასმელი, რომელიც არ შეიცავს ისეთ ნივთიერებებს, რაც შეიძლება ცუდი იყოს ჯანმრთელობისთვის.

შეიცავს ბეტა-გლუკანს, ხსნადი ბოჭკოს ტიპს, რომელიც სასარგებლოა გულისთვის. შვრიის რძემ შეიძლება შეამციროს თქვენი “ცუდი” ქოლესტერინი. ის კარგი ვარიანტია იმ ადამიანებისთვის, რომლებსაც აქვთ ლაქტოზას აუტანლობა ან ურჩევნიათ უარი თქვან რძის პროდუქტებზე.

შვრიის რძეს შესაძლოა ჰქონდეთ დამატებული შაქარი. თუ დღეში ერთ ჭიქა ან მეტ შვრიის რძეს მოიხმართ, ყიდვის წინ უმჯობესია შეამოწმოთ ეტიკეტი.

ახლად გამოწურული წვენი

ახლად გამოწურული ხილისა და ბოსტნეულის წვენები, უზრუნველყოფს ვიტამინებს, ფიტონუტრიენტებს, პოლიფენოლებს და ჯანსაღ ბუნებრივ შაქარს, რაც ხელს შეუწყობს არტერიების გამკვრივების თავიდან აცილებას.

ამავდროულად, ისინი ხელს უწყობენ ენერგიის ჯანსაღი დონის შენარჩნებას, აძლიერებენ იმუნურ სისტემას და ხელს უწყობენ საკვები ნივთიერებების მიღებას.

მოერიდეთ მაღაზიაში შეძენილ წვენებს, რადგან ისინი შეიცავენ დამატებულ შაქარსა და კონსერვანტებს.