რატომ არის მნიშვნელოვანი ძილი იმუნური სისტემისთვის
კვლევებმა დაადგინა, რომ ძილი არეგულირებს იმუნური სისტემის აქტივობას.
იმ პირებს, რომელთაც ღამეში ხუთ საათზე ნაკლებს სძინავთ მეტად მიდრეკილნი არიან გაციებისკენ.
არასაკმარისი ძილი აფერხებს იმუნური უჯრედების წარმოქმნას, რამაც შეიძლება გამოიწვიოს ანთება და გაზარდოს დაავადებების რისკი.
კარგი ძილის შემდეგ იმუნური უჯრედები გადადიან ლიმფოიდურ ორგანოებში, სადაც ვირუსული პათოგენები ხშირად იყრიან თავს. ძილის ნაკლებობა არღვევს ამ პროცესს და იმუნური უჯრედები ვერ უწევენ შესაბამის წინაღმდეგობას პათოგენებს.
ჯანსაღი იმუნური სისტემისთვის მნიშვნელოვანია არა მხოლოს ძილის რაოდენობა, არამედ ძილის ხარისხი. გაღვიძების შემდეგ თუ თავს დასვენებულად გრძნობთ, ეს იმის ნიშანია, რომ კარგად გეძინათ. დაღლილობის შეგრძნებით გაღვიძება დაკავშირებულია გაზრდილ ანთებით რეაქციასთან.
თანმიმდევრული ძილის რუტინა, ვარჯიში, ალკოჰოლისა და ძილის წინ კოფეინისგან თავის შეკავება აუმჯობესებს ძილის ხარისხს.
მედიტაცია და იოგა ასევე აუმჯობესებს ძილის ხარისხს და ამცირებს დაღლილობის შეგრძნებას დღის განავლობაში.
თუ გაწუხებთ ძილის პრობლემები, მაშინ უმჯობესია მიმართოთ ექიმს ინსომნიის მკურნალობის შესაბამისი მეთოდის შესარჩევად.